HOSEA 5:2 - Jinghpaw Common Language Bible 2009

² Akasia mare hta sung ai nhkun hku tai nga myit dai, ngai gaw nanhte yawng hpe ari jaw na made ai.

Jinghpaw Hanson Version Bible

² Htak mat ai ni gaw, sat kau ai amu hte, tinang a yubak shalaw dat mu ai: ngai chyawm gaw, nlang hte hpe daru sharin na nngai.

HOSEA 5:2 ပူးပေါင်းရင်းမြစ်များ

ESAIA 1:5

Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

ESAIA 29:15

Dai Madu n mu lu hkra nga, shanhte a maw mawn ai lam ni hpe makoi shakut ai ni gaw dingnye hkrum nga ma ai! Shanhte gaw shanhte a da da ai amu ni hpe mayun galaw ai hte dai amu hpe kadai mung n mu, shanhte hpa galaw nga ma ai hpe n chye ma ai ngu, myit nawn ma ai.

YEREMIA 18:18

Dai hpang, amyu masha ni gaw, “Anhte Yeremia hpe lam lama mi jawm galaw yu ga! Anhte hpe sharin shaga na matu hkinjawng ni, anhte hpe hpaji jaw la na matu hpaji rawng ai masha ni, hte Karai Kasang a mungga hkaw tsun na matu myihtoi ni tut nawng e nga nga na mara ai. Shi tsun ai ga hpe n madat ai sha, shi hpe mara jawm tam yu ga,” ngu nna tsun ma ai.

YEREMIA 5:3

Dai Madu gaw kaja wa kangka ai hpe tam nga ai. Shi nang hpe kayat ti mung, nang hpa zawn n nawn nga ndai; shi nang hpe agrawp mani kau ti mung, sharin la na matu nang ningdang kau nga ndai. Nang gaw du ja nna na a yubak ni kaw na n kayin wa nga ndai.

YEREMIA 6:28

Shanhte yawng hte gaw hpri hte magri mang ja ai zawn, du ja ai gumle gumlau ni rai ma ai. Shanhte yawng hte gaw n san n seng nga ai hte shiga htawn, shatan hkawm ai ni rai ma ai.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

HOSEA 6:5

Dai re ai majaw, ngai gaw nye a myihtoi ni hpe nanhte hpang de nye a tara dara na lam hte jahten shaza kau na mungga hte hpawn shangun dat se ai. Nanhte kaw na ngai ra ai lam gaw asan sha hte dan leng nga ai:

HOSEA 6:9

Hkinjawng ni mung masha langai hpe lagyim ala nga ai damya hpung mi hte bung nga ma ai. Shehkem mare na chyoi pra ai shara de sa wa ai lam hta pyi shanhte masha sat ma ai. Shanhte gaw ndai n hkru ai amu yawng hpe dasang galaw ma ai.

HOSEA 9:15

Dai Madu gaw, “Shanhte galaw ai n hkru ai amu mahkra Gilgala mare kaw na hpang dat dat rai nga ai. Dai gaw shanhte ngai hpe dai yang e n dawng ai myit shawng rawng shangun nga masai. Shanhte galaw shut kau sai n hkru ai amu a majaw, nye a mungdan kaw nna shanhte hpe gawt shapraw kau na mawe ai. Shanhte hpe ngai galoi mung tsaw ra sana we ai n rai; shanhte a ningbaw ni yawng mung ngai hpe gumlau nga masai.

SHINGRAN 3:19

Ngai gaw ngai tsaw ra ai ni yawng mayawng hpe daru sharin nna ari jaw nga nngai. Dai re ai majaw, nang myit n-gun marai shaja nga u, myit malai lu u.