HOSEA 5:15 - Jinghpaw Common Language Bible 2009

¹⁵ “Ngai gaw shanhte shut kau ai yubak ni a matu law ram hkra re ai nni nkri hkam sha ai hte ngai hpe hkan tam wa ai aten du hkra, nye a amyu masha ni hpe kau da na nngai. Shanhte hkam sha ai nni nkri a majaw shanhte ngai hpe mahkoi tam shakut wa na ma ai nhten.”

Jinghpaw Hanson Version Bible

¹⁵ Shanhte gaw tinang a yubak hpe yin la nna, nye a myi man hpe hkan tam ai du hkra, ngai pru nna, nye a shara de bai wa na nngai: ru tsang hkrum yang, shanhte ngai hpe tsam mari hkan tam na mara ai.

HOSEA 5:15 ပူးပေါင်းရင်းမြစ်များ

NINGPAWT NINGHPANG 42:21

Shanhte mung dai ga hpe myit hkrum ya mu ai rai nna, shanhte shada da mung, “Rai sa, anhte a kanau wa hpe anhte galaw kau ai amu ni a majaw ya, anhte nni nkri hkrum sha nga saga ai; shi a myit masin hta na ru yak tsin-yam tsindam kaba hpe anhte mu nna, karum la na matu shi hpyi nem ti mung, anhte n madat kau ya saga ai. Dai re ai majaw ya anhte ndai ru yak tsin-yam tsindam hkrum sha nga saga ai,” ngu nna tsun hkat ma ai.

2 HKAWHKAM LABAU 7:14

shanhte galaw shut kau sai n hkru n shawp ai amu kaw nna myit malai ai hte kayin wa nhtawm ngai kaw akyu hpyi mu ai rai yang, sumsing lamu hta madat mara ya na nngai. Shing rai shanhte a yubak mara ni hpe raw dat kau ya nhtawm shanhte a mungdan hpe bai ngamu ngamai shangun na we ai.

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

SHAKAWN KUNGDAWN 107:13

Shaloi shanhte gaw ru tsang hkrum ai aten hta, dai Madu hpe hpyi jahtau mu ai rai nna; shi gaw shanhte a shoichyum shoirang kata kaw nna shanhte hpe hkrang shaw la nu ai.

SHAKAWN KUNGDAWN 107:19

Shaloi, shanhte ru tsang hkrum ai aten hta Madu hpe hpyi jahtau mu ai; shi shanhte a shoichyum shoirang kata kaw nna shanhte hpe hkrang shaw la mu ai.

SHAKAWN KUNGDAWN 107:28

Shaloi, shanhte ru tsang hkrum ai aten hta, dai Madu hpe hpyi jahtau mu ai rai nna; shi shanhte a shoichyum shoirang kata kaw na hkrang shaw la nu ai.

SHAKAWN KUNGDAWN 107:6

Shaloi, shanhte ru tsang hkrum ai aten hta Madu hpe hpyi jahtau mu ai; shi shanhte a nni nkri kaw nna shanhte hpe hkye hkrang la nu ai.

SHAKAWN KUNGDAWN 132:14

“Ndai shara hta htani htana ngai anga nga na nngai, dai mare hpe mung, ngai up hkang mayu nga nngai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

SHAKAWN KUNGDAWN 78:34

Shanhte kaw na n kau mi hpe shi sat kau ai aten shagu hta, ngam ai ni gaw shi hpang de kayin wa ma ai; shanhte myit malai wa nna, Madu kaw akroi anoi akyu hpyi nga ma ai.

SHAKAWN KUNGDAWN 83:16

Madu e, shanhte a myi man ni hpe, kaya kahpa hte ka-up da ya u; na a daru magam n-gun, shanhte hpe hkam la shangun u.

GA SHAGAWP 8:17

Ngai hpe tsaw ra ai ni hpe ngai tsaw ra nga nngai; ngai hpe tam ai ni kadai rai ti mung, ngai hpe mu tam lu nga ai.

ESAIA 18:4

Dai Madu gaw ngai hpe, “Mangai aten lum ai shana ni hta atsin sha hkrat ai numri zawn, kahtet kang ai shani hta asim sha jan katen ai zawn sumsing lamu kaw nna ngai gum yu na nngai.

ESAIA 26:16

Madu e, nang gaw na a amyu masha ni hpe ari jaw nga ndai, nni nkri hkrum ai shaloi shanhte nang kaw akyu hpyi ma ai.

ESAIA 26:21

Dai Madu gaw ginding aga na masha ni galaw ai yubak ni a matu ari jaw na nga, shi sumsing lamu nga shara kaw nna sa wa nga ai. Ginding aga ntsa e masha asak mayun sat ai ni dan dawng wa na mara ai, lamu ga gaw dai zawn sat kau hkrum sai ni hpe loi mi pyi makoi magap da na ra ai n rai.

ESAIA 26:9

Shana e ngai gaw nye a myit masin mahkra hte nang hpe ala nngai; ginding aga hte dai hta nga ai masha ni hpe nang jeyang ai shaloi, shanhte yawng gaw teng man rap ra ai tara hpa rai nga ai hpe sharin la na mara ai.

YEREMIA 2:27

Hpun gaw na a kawa, lunghkrung gaw na a kanu ngu nna tsun ai nanhte yawng hte gaw jahpoi hkrum na rai myit dai. Nanhte gaw ngai kaw kayin wa na malai, nanhte mahtang ngai kaw na kayin mat wa manit dai majaw dai amu byin wa na ra ai. Rai ri mung nang ru yak tsin-yam tsindam hkrum ai shaloi, nang hpe sa hkye hkrang la na matu nang ngai hpe hpyi nem ndai.

YEREMIA 3:13

Nang gaw mara lu nga ndai, nang gaw dai Madu na a Karai Kasang hpe gumlau kau nit dai hpe chyu sha yin la u. Nang gaw tsit lali ai hpun npu shagu hta maigan karai ni hpe na a tsaw ra myit jaw ya nhtawm nye a hkang da ai ga ni hpe nang n madat kau sai lam ni hpe yin la u. Dai Madu ngai nan tsun ni ai.

YEREMIA 3:14

“Sadi n dung ai amyu masha ni e, nhtang wa marit; nang hpe ngai madu nngai. Ngai gaw nanhte hta na marai langai mi hpe mare shagu hta na mung, amyu lakung shagu na marai lahkawng hpe mung la na nngai, ngai gaw nang hpe Ziun Bum de woi nhtang wa na nngai.

SHARUNG SHAYAWT 3:40

Anhte hkan nga ai lam ni hpe sagawn yu ga; dai Madu hpang de nhtang kayin wa ga.

EZEKELA 10:4

Dai Madu a htoi tu ai hpung shingkang gaw hkrung kanu ni kaw na rawt lung wa nhtawm, Nawku Htingnu a chyinghka lam de sit sa wa nga ai. Dai shaloi, sumwi gaw Nawku Htingnu hpe ka-up da nga ai; wang gaw htoi tu ai hpung shingkang hte dan hkung nga ai.

EZEKELA 11:23

Dai hpang, htoi tu kabrim ai gaw dai mare kaw nna pru mat wa nhtawm mare a sinpraw maga e nga ai bum de htawt sit mat wa ai.

EZEKELA 20:43

Dai hpang, nanhte galaw kau sai matsat shabat amu mahkra hte kaning rai nanhte hkum ni hpe awu asin di kau sai lam ni hpe nanhte dum wa na marin dai. Nanhte galaw hkrup kau sai n hkru n shawp ai amu mahkra a majaw nanhte nan nanhte a hkum hpe matsat kau na marin dai.

EZEKELA 36:31

Nanhte gaw nanhte a n hkru ai arawn alai hte nanhte a shut hpyit amu ni hpe myit dum wa nna, nanhte shut kau sai yubak mara ni hte matsat shabat amu ni a majaw, nanhte a hkum ni hpe pyi matsat kau na marin dai.

EZEKELA 6:9

dai ni gaw bawng dung hkrum ai mung hta nga nga na mara ai. Shanhte a n kam ai myit masin ni hte ngai hpe kau da ai hte ngai hta hpara sumla ni hpe grau nna ra sharawng nga ma ai majaw, ngai shanhte hpe ari jaw ai hte jahpoi kau ni ai hpe shanhte dum chye wa na mara ai. Shanhte gaw shanhte galaw ai n hkru ai amu ni hte matsat shabat re ai grit nem ai amu galaw ai a majaw, shanhte hkum hpe nan matsat kau na mara ai.

EZEKELA 8:6

Karai Kasang gaw ngai hpe, “Si chye ai masha wa e, hpa byin nga ai hpe nang mu n ni? Ngai hpe nye a chyoi pra ai shara kaw na tsan hta tsan ai shara de shaden kau let, Israela ni ndai yang e galaw ai matsat shabat amu ni hpe yu yu u. Nang gaw ndai amu hta grau n tsawm n htap ai matsat shabat amu ni hpe pyi mu na rin dai,” ngu nna tsun wu ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

HOSEA 5:6

Shanhte gaw dai Madu hpe shagu hkungga ni nawng ya na matu shanhte a sagu dumsu la sa ma ai, rai ti mung dai gaw shanhte hpe mai kaja ai lam galaw ya lu ai n rai. Shanhte gaw shi hpe n mu tam lu ma ai, hpa majaw nga yang shi gaw shanhte kaw na pru mat wa nu ai.

MIHKA 1:3

Dai Madu gaw shi a chyoi pra ai shara kaw nna pru sa nhtawm; shi yu sa nna bum pungding ni hkan e kabye hkawm na ra ai.

BU HKAWM 21:7

Amyu masha ni mung Mawshe hpang de sit sa nhtawm, “Anhte gaw dai Madu hte nang hpe nhtan shai ai hku tsun kau saga ai majaw yubak galaw kau saga ai. Ndai lapu ni hpe la kau ya na dai Madu hpe ya jang hpyi nem ya mi,” ngu nna tsun ma ai. Dai rai nna Mawshe gaw amyu masha ni a matu hpyi nem ya wu ai.

LUKA 13:25

Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.

TARA AGYI 4:3

Yabin gaw hpri leng jahku tsa lu ai rai nna, Israela amyu masha ni hpe hkun ning tup gumshem nna kashun kashe du daw sai hkaw hte up hkang wu ai. Shaloi Israela amyu masha ni mung karum la na matu dai Madu hpe hpyi jahtau ma ai.