HOSEA 5:14 - Jinghpaw Common Language Bible 2009

¹⁴ Ngai gaw Israela hte Yuda amyu masha ni hpe hkanghkyi langai zawn htim gasat na nngai. Ngai hkum nan shanhte hpe adaw atang di gang je kau na nngai, dai hpang shanhte hpe tawn kau da na nngai. Ngai shanhte hpe gang garawt mat wa ai shaloi, kadai mung shanhte hpe hkye hkrang la lu na ra ai n rai.

Jinghpaw Hanson Version Bible

¹⁴ Kaning rai nme law, ngai gaw Ehprim hta hkanghkyi zawn, Yuda nta hta hkanghkyi uram zawn, rai na nngai; ngai nan amya kawa kau da na nngai; makrang hpai kau yang, kadai mung mawai la lu na, n rai.

HOSEA 5:14 ပူးပေါင်းရင်းမြစ်များ

YOBA 10:16

Ngai hta awng dang ai lam loi mi lu la yang, hkanghkyi zawn nang ngai hpe gyam nna ngai hpe nni nkri jahkrum na nga, mauhpa amu ni hpe pyi nang galaw ndai.

YOBA 10:7

Ngai mara n lu nga nngai mung, na a lata kaw na ngai hpe kadai n hkye la lu ai hpe mung nang chye nga ndai.

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

SHAKAWN KUNGDAWN 7:2

shing n rai yang, shanhte gaw hkanghkyi zawn ngai hpe kawa hpai mat wa na maru ai, ngai hpe hkye hkrang la na, kadai mung n nga ai shara hta, shanhte gaw ngai hpe ashep ashin di gang je kau na mu ai.

ESAIA 5:29

Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

YEREMIA 25:38

Hkanghkyi gaw shi a lungpu hpe kau da ai zawn, dai Madu gaw shi a amyu masha ni hpe kau da nu ai. Hkrit kajawng hpa hpyen majan hte dai Madu a pawt sindawng ai gaw dai mungdan hpe katsi katsang re ai nam mali shara shatai kau nu ai.

SHARUNG SHAYAWT 3:10

Shi gaw ngai hpe htim amya na tsap zawn ala nga nna, hkanghkyi zawn nye a ntsa e htim gamyet da ni ai.

HOSEA 13:6

Rai ti mung nanhte gaw dai ningru ningja ai mungdan de shang myit dai shaloi, nanhte sha hkru nna myit pyaw nga myit dai; dai hpang nanhte gumrawng gumtawng wa nna ngai hpe malap kau myit dai.

HOSEA 2:12

Ngai gaw shi a sumtsaw ni shanhte hpe daw jau na matu shi hpe jaw da ai re nga nna shi tsun ai sabyi ru ni hte lagum hpun ni hpe jahten kau na we ai. Ngai gaw shi a sabyi sun ni hte namsi namsaw sun ni hpe nam mali shatai kau ya na we ai; nam na matse labye dusat ni shanhte hpe jahten kau na mara ai.

HOSEA 6:1

Amyu masha ni gaw, “Anhte dai Madu hpang de nhtang wa saga! Shi gaw anhte hpe machyi shangun nu ai, rai ti mung shi gaw anhte hpe teng teng shamai shatsai ya na ra ai; shi gaw anhte hpe nma shakap ya nu ai, rai ti mung shi gaw anhte a nma ni hpe kayawp ya na ra ai, shi galaw na n rai ni?

AMO LAIKA (AMOS) 2:14

Kagat chyang ai ni pyi hprawng lawt lu na n rai; n-gun ja ai masha ni shanhte a n-gun htum mat na mara ai; hpyenla ni mung tinang asak hkrang shaw la lu na ma ai n rai.

MIHKA 5:8

Naw ngam nga ai ni gaw masha amyu baw ni a ka-ang e nam mali shing n rai udat shara hkan lu sha tam gyam sha nga ai hkanghkyi zawn tai na ra ai. Shi gaw sagu ni a lapran de shang nna adaw achyen di gang amya je kau na ra ai; dai shara hta mawai la na matu myit mada shara nga na n rai.

TARA JAHPRANG 28:31

Na a dumsu hpe na a man e nan sat ti mung, dai ashan loi mi mung sha lu na n rai. Na a lawze dun mat wa ai hpe nang mu dat ti mung, na a lata de nhtang ap ya na n rai. Na a sagu ni gumlau hpyen ni a lata de shang mat wa ti mung, nang hpe karum la na kadai mung nga na ra ai n rai.

TARA JAHPRANG 32:39

“‘Ngai hte ngai chyu sha Karai Kasang rai nga nngai; karai shaje kadai mung karai jet n rai nga ai. Ngai sat nna ngai jahkrung nngai, ngai jahpye nna ngai shamai nngai; ngai galaw ai lam hpe kadai e mung ninghkap lu ai n rai.