HOSEA 5:10 - Jinghpaw Common Language Bible 2009

¹⁰ Dai Madu gaw, “Yuda ningbaw ni gaw Israela hpe shang gasat nna shi kaw na lamu ga lagu ye la nga ma ai majaw ngai masin pawt nga nngai. Dai rai nna ngai gaw shanhte a ntsa e hka mawru zawn ari jahkrat bun na nngai.

Jinghpaw Hanson Version Bible

¹⁰ Yuda du ni gaw, lamu ga jarit hpundung ni hpe sit kau ai ni zawn, rai nga ma ai: ngai gaw shanhte a ntsa de, nye a pawt sindawng ai hpe ntsin zawn, ru dat na nngai.

HOSEA 5:10 ပူးပေါင်းရင်းမြစ်များ

SHAKAWN KUNGDAWN 32:6

Dai rai nna, na a sadi dung ai amyu masha ni yawng hte gaw ra kadawn ai aten ni hta nang kaw akyu hpyi na mai nga ai; ru tsang mawru kaba adawt shang wa ai shaloi dai gaw shanhte kaw du dep wa na n rai.

SHAKAWN KUNGDAWN 69:24

Shanhte a ntsa e, na a masin kahtet ai hpe ru bun u; na a sindawng kahtet ai gaw shanhte hpe dep nga u ga.

SHAKAWN KUNGDAWN 88:17

Shanhte ngai hpe mawru hka zawn shani tup gawan da nna; ngai hpe wang shinggrup da nga ma ai.

GA SHAGAWP 17:14

Dangrang ai a npawt gaw dim da ai namhpai hta kachyi mi sharut gyi ai zawn rai nga ai; dangrang ai lam garai n sawng yang jahkring da u.

GA SHAGAWP 22:28

Na a nji nwa ni a madu da lu sai masat shadaw ni hpe, galoi mung hkum sit kau et.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

EZEKELA 22:22

Gumhpraw gaw wan htung hta byawng mat ai zawn, shanhte gaw Yerusalem hta shabyawng kau ai hkrum na mara ai. Shanhte gaw dai Madu a masin kahtet ai lam hpe hkam sha nga ai lam, chye wa na mara ai.”

EZEKELA 7:8

“Kade mi n na yang, nang gaw nye a sindawng kahtet ai n-gun yawng hpe hkam sha na rai ndai. Nang galaw lai wa sai amu a matu ngai nang hpe tara jeyang nga nngai; nang galaw dan lai wa sai matsat shabat arawn alai yawng a matu ngai nang hpe bai htang jaw na nngai.

MAHTE 7:27

Dai marang htu nna, hka tung wa ai hte nbung bung wa nna, dai nta hpe ahtu wu ai rai nna dai gaw kadawng daw mat ai; de a kadawng daw mat ai gaw nyawp rap rai nga ai!,” ngu nna hkaw dan mu ai.

LUKA 6:49

Rai ti mung, ga na la nna n hkan galaw ai chyawm gaw, npawt nhpang n gaw ai sha ga man hta wahpang gaw ai wa hte bung nga ai, hka hpungla ni dai nta hpe ahtu adawt nna kadawng daw mat ai, dai nta a hten run mat ai lam gaw hkrithpa kaba rai nga ai!”

TARA JAHPRANG 19:14

“Dai Madu nanhte a Karai Kasang nanhte hpe jaw ai mungdan hta moi kaw na nga nga sai nanhte a htingbu wa a lamu ga jarit hpe htawt sit kau ya lu na n rai.

TARA JAHPRANG 27:17

“ ‘Htingbu wa a lamu ga jarit bandung sit kau ya ai wa kadai mung Karai Kasang jaw ai dagam dala hkrum u ga law.’ “Shaloi Amyu masha ni yawng gaw, ‘Amen!,’ ngu nna htan na mara ai.