HOSEA 5:1 - Jinghpaw Common Language Bible 2009

¹ Nanhte hkinjawng ni e, ndai lam na la mu! Israela amyu masha ni e, madat mu! Hkawhkam htingnu na dinghku hte seng ai ni e, na la mu! Nanhte gaw teng man ai hku jeyang hkrum na zawn nawn nga myit dai; dai rai nna tara jeyang ai gaw nanhte a ntsa e du na ra ai! Nanhte gaw Mizpa mare e mahkam tai nna, Tabora Bum ntsa e sumgawn kahpyan tawn ai hte

Jinghpaw Hanson Version Bible

¹ “Hkinjawng ni e, ndai lam na la mu; Israela dap e, madat mara nga mu; hkawhkam wa htingnu na ni e, matsing mu: nanhte gaw dawdan ai hkrum na myit dai; kaning rai nme law, nanhte gaw, Mizpa shara e mahkam, Tabora bum ntsa e hpyan tawn ai sumgawn, tai manit dai.

HOSEA 5:1 ပူးပေါင်းရင်းမြစ်များ

YEREMIA 11:7

Ngai gaw shanhte a kaji kawa ni hpe Egutu mung kaw nna woi wa ai shaloi, nye a ga hpe madat mara na matu ngai shanhte hpe dagam ai hte sadi jaw ni ai, ngai gaw dai ni du hkra ndai amyu masha ni hpe dingyang sadi jaw nga nngai.

YEREMIA 13:18

Dai Madu gaw ngai hpe, “Shanhte a htoi kabrim tsawm htap ai janmau ni di hkrat mat mu ai majaw, shanhte a magam tingnyang ni kaw na yu na matu, hkawhkam wa hte shi a kanu hpe tsun u.

YEREMIA 46:18

Chyahtum Chyalai N-gun rawng ai dai Madu ngai gaw hkawhkam rai nga nngai. Ngai gaw ahkrung nga ai Karai Kasang rai nga nngai. Tabora bum gaw bum ni yawng hta grau tsaw nga ai rai nna, Hkarmela bum gaw panglai hta grau tsaw ai shara hta nga nga ai dai hte maren, nanhte hpe htim gasat ai wa gaw dai zawn n-gun rawng ai wa rai na ra ai.

HOSEA 10:15

Behtela mare masha ni e, nanhte galaw manit dai hkrit hpa amu a majaw dai zawn nanhte hta byin wa na marin dai. Majan gasat hpang wa ai shaloi jang, Israela hkawhkam si mat na ra ai,” ngu nna tsun wu ai.

HOSEA 13:8

Ngai gaw nanhte hpe kasha shamat kau ai tsap kanu zawn htim gasat nna nanhte hpe gang je mahka kau na nngai. Hkanghkyi zawn htim ai shara hta nan mayu sha kau nhtawm matse labye dusat ni zawn nanhte hpe amya je kau na made ai.

HOSEA 4:1

Dai Madu gaw ndai mung hta nga nga ai amyu masha ni hpe mara shagun ninghkap na amu rawng nga ai. Israela e, shi tsun ai ga hpe madat mu: “Ndai mungdan hta kangka ai hte tsaw ra myit n nga sai rai nna amyu masha ni mung ngai hpe Karai Kasang zawn n yin la hkraw nga ma ai.

HOSEA 6:9

Hkinjawng ni mung masha langai hpe lagyim ala nga ai damya hpung mi hte bung nga ma ai. Shehkem mare na chyoi pra ai shara de sa wa ai lam hta pyi shanhte masha sat ma ai. Shanhte gaw ndai n hkru ai amu yawng hpe dasang galaw ma ai.

HOSEA 9:8

Karai Kasang gaw shi a amyu masha Israela hpe sadi jaw na matu ngai hpe myihtoi hku shangun dat nu ai. Rai tim, ngai du hkawm ai shara shagu hta nanhte gaw ntsa malen u ni hpe zawn ngai hpe mahkam hkam shakut nga myit dai. Amyu masha ni gaw Karai Kasang a Nawku Htingnu hta pyi, myihtoi wa a gumlau hpyen ni tai nga ma ai.

YOELA 1:2

Asak kaba sai amyu masha ni e, madat mu; Yuda mung na masha shagu hte e, na la mu. Ndai zawn re ai amu nanhte a prat e mung, nanhte a kawa ni a prat hta mung byin yu sani?

AMO LAIKA (AMOS) 3:1

Israela amyu masha ni e, nanhte hte seng nna dai Madu tsun nu ai ndai mungga hpe mung, shi gaw amyu baw ting hpe Egutu mung kaw nna woi wa sai lam hpe mung madat mu:

AMO LAIKA (AMOS) 7:9

Isak a amyu matu mara ni nawku ai shara ni jahten shaza hkrum na mara ai. Israela a chyoi pra ai shara ni hten run taw mat na mara ai. Ngai gaw Hkawhkam Yeroboam a magam matu hpe jahtum kau na nngai,” ngu nna tsun wu ai.

MIHKA 3:1

Israela a mungdu salang ni e, madat mu! Nanhte gaw teng man ai lam hta lit nga ai ni zawn myit nawn la nga myit dai,

MIHKA 3:9

Teng man ai lam hpe n dawng ai hte shut hpyit maga de kayin hkawm nga ai Israela a mungdu salang ni e, nye a ga madat mu.

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

MALAHKI 1:6

Chyahtum Chyalai N-gun rawng ai dai Madu gaw hkinjawng ni hpe, “Kasha gaw shi a kawa hpe shagrau hkungga ai; shangun ma wa gaw shi a madu hpe shagrau hkungga nga ai. Ngai gaw na a nwa rai nga nngai-hpa majaw nang ngai hpe n shagrau hkungga a ni? Ngai gaw na a madu rai nga nngai-hpa majaw nang ngai hpe n hkungga a ni? Nang gaw ngai hpe n kaw n law di nga ndai, shing rai tim, nang gaw, “Anhte nang hpe kaning rai n kaw n law di kau saga ta?,” nga nna san myit dai.

MALAHKI 2:1

Chyahtum Chyalai N-gun rawng ai dai Madu gaw hkinjawng ni hpe, “Ndai gaw nanhte a matu hkang da ai ga rai nga ai:

TARA AGYI 4:12

Barak mahtang Tabora Bum de lung wa sai hpe Sisera chye ai shaloi,

TARA AGYI 4:6

Lani mi na aten hta, Debora gaw Naphtali a sali ga Kedesha mare na Abinoam a kasha Barak hpe shaga shangun dat nhtawm shi hpe, “Dai Madu Israela a Karai Kasang gaw ndai hkang da ai ga nang hpe jaw nit dai: ‘Naphtali hte Zebulun amyu bawsang hta na masha mun mi woi nhtawm shanhte hpe Tabora Bum de woi lung wa su.

1 SAMUELA 7:16

Shi gaw shaning shagu Behtela, Gilgala, hte Mizpa shara hkan e kawan du hkawm nna tara dara ya wu ai.

1 SAMUELA 7:5

Dai hpang, Mizpa shara e jawm hkrum na matu Israela masha ni yawng hpe Samuela hkang dat nhtawm, “Dai yang e nanhte a matu dai Madu kaw ngai akyu hpyi ya na nngai,” ngu nna tsun wu ai.

1 SAMUELA 7:6

Dai rai nna, shanhte yawng mung Mizpa shara e zup hpawng ma ai. Hka loi mi hpe mung shanhte ja la nhtawm dai Madu a matu hkungga nawng ya ai zawn dai hpe ru hkaw ma ai; shing rai shani tup lusha gam ma ai. Shaloi shanhte gaw, “Dai Madu hpe anhte shut kau saga ai law,” ngu nna tsun ma ai. (Ndai gaw Mizpa shara e Israela masha ni hpe Samuela tara dara ya ai lam rai nga ai.)