HOSEA 4:6 - Jinghpaw Common Language Bible 2009

⁶ Nye a amyu masha ni gaw ngai hpe n chye yin la nga ma ai majaw dingnye hkrum nga masai. Nanhte hkinjawng ni mung ngai hpe yin la na matu ningdang kau myit dai, nye a sharin achyin ai hpe n madat nga myit dai, dai rai nna ngai gaw nanhte hpe ningdang ai hte nanhte a shadang sha ni hpe mung nye a hkinjawng ni hpe zawn yin la na nngai n rai.

Jinghpaw Hanson Version Bible

⁶ Nye a amyu masha ni gaw, chye chyang ai myit kata ai majaw, shamyit kau ai hkrum masai: nang gaw chye chyang ai lam gang kau ai majaw, ngai nang hpe gang kau nna, nang nye a hkinjawng tai lu na n rai: na a Karai Kasang a tara hpe nang malap kau ndai majaw, na nshu nsha ni hpe ngai nan malap kau na nngai.

HOSEA 4:6 ပူးပေါင်းရင်းမြစ်များ

2 HKAWHKAM LABAU 15:3

Israela amyu ni gaw aten na na wa teng man ai Karai Kasang n nga, shanhte hpe sharin achyin ya na hkinjawng ni n nga, tara langai mi mung n nga ai hku nna mung nga lai wa yu manu ai.

YOBA 36:12

Rai ti mung, dai hku n rai yang shanhte gaw angawk angak rai si mat wa nhtawm, katsan ga kata de rap kawt mat wa na mara ai.

SHAKAWN KUNGDAWN 119:139

Nye a gumlau hpyen ni, na a hkang da ai ga ni hpe hpa zawn n nawn ya nga ma ai majaw, nye a masin kahtet ai gaw wan zawn hkru nga li ai.

SHAKAWN KUNGDAWN 119:153

Na a tara hpe ngai n malap kau nga nngai majaw, nye a nni nkri hpe yu nna, ngai hpe hkye hkrang la e.

SHAKAWN KUNGDAWN 119:61

N hkru n shawp ai ni nye a matu mahkam hkam da nga ma ti mung; na tara ni hpe ngai malap kau na nngai n rai.

SHAKAWN KUNGDAWN 18:27

Shagrit shanem ai myit rawng ai ni hpe nang hkye hkrang la nga ndai; rai ti mung gumrawng gumtawng myit rawng ai ni hpe nang shagrit kau nga ndai.

GA SHAGAWP 10:21

Mai kaja ai masha wa a ga matsun gaw, masha law law hpe akyu chyeju hpe hkam la shangun nga ai; angawk ai lam gaw tinang hkum hpe asak jasum kau ya lu nga ai.

GA SHAGAWP 19:2

Myit katu sharawng ai lam hta hpaji byeng-ya n lawm yang, n kaja nga ai; n hkam sharang lu ai gaw ru yak tsin-yam de woi bang wa na ra ai.

ESAIA 1:3

Dumsu gaw shanhte a madu hpe chye ma ai. Lawze ni mung shanhte a madu lusha jaw ai wakang hpe chye ma ai. Rai ti mung nye a amyu masha Israela ni chyawm gaw dai daram pyi n chye ma ai. Shanhte gaw loi mi pyi n chye na nga ma ai.

ESAIA 17:10

Israela e, nang gaw nang hpe hkye mawai la ai hte ja ai lunghkrung zawn nang hpe makawp maga ai Karai Kasang hpe malap kau nga nit dai. Shing rai na malai, nang gaw maigan karai hpe nawku na nga, chyoi pra ai sun ni hpe hkai da nga ndai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 28:7

Myihtoi ni hte hkinjawng ni pyi chyaru grai nang nna ndi nda rai hkawm nga ma ai. Shanhte gaw sabyi hte chyaru nau law lu nang nga ma ai majaw, maru marang rai, ahtu gumpye hkawm nga ma ai. Myihtoi ni grai nang nga ma ai majaw Karai Kasang jaw ai shingran hpe n dum n chye nga ma ai. Hkinjawng ni mung grai sawng hkra lu nang nga ma ai majaw shanhte hpang de la sa wa ai amu ni hpe n chye hparan daw dan ya nga ma ai.

ESAIA 29:12

Nang gaw dai hpe n chye hti ai wa hpe jaw nna nang hpe hti dan na matu shi hpe san ai rai yang, shi gara hku hti dan na n chye ai hpe shi htan na ra ai.

ESAIA 3:12

Gumhpraw hkoi sha ai ni gaw nye a amyu masha ni hpe dip gamyet sha nga ma ai, shanhte a hka madu ni gaw shanhte hpe masu hkalem nga ma ai. Nye a amyu masha ni e, nanhte a ningbaw ni gaw nanhte hpe lam woi shadam nga ma ai, dai rai nna nanhte gaw gara hku kayin wa na lam n chye nga myit dai.

ESAIA 45:20

Dai Madu gaw, “Hkrat mat ai hkawseng mungdan hta naw ngam nga ai masha amyu baw ni e, sa hpawng marit; jep sagawn na matu nanhte nan du marit! Shanhte a hpun hpara sumla ni hte hpai madun ai ni hte shanhte hpe n hkye lu ai karai ni kaw akyu hpyi ai ndai amyu masha ni gaw hpa nan n chye nga ma hka!

ESAIA 5:13

dai rai nna nang gaw bawng masha ni zawn woi mat wa ai hkrum na rai ndai. Na a ningbaw ni gaw lusha kyet si na mara ai, yu maya masha ni gaw hpang gara ai hte si mat na mara ai.

YEREMIA 2:8

Hkinjawng ni gaw, ‘Dai Madu gaw kanang rai nga a ta?,’ nga nna san ma ai n rai. Nye a hkinjawng majing ni ngai hpe n chye ma ai. Mung du ni ngai hpe gumlau ma ai; myihtoi ni gaw Bala a mying hta ga shaga ai hte akyu n jaw ai hpara sumla ni hpe nawku ma ai.

YEREMIA 4:22

Dai Madu gaw, “Nye a amyu masha ni gaw myit n su ma ai; shanhte ngai hpe n chye ma ai. Shanhte gaw angawk ai ma kaji ni zawn rai ma ai; shanhte hta chye na hkawn hkrang ai nyan hpa mung n rawng ma ai. Shanhte gaw n hkru ai amu galaw ai hta myit let ma ai, rai ti mung mai kaja ai amu galaw ai hta hkrat sum ma ai,” ngu nna tsun ai.

YEREMIA 5:21

Myi tu ti mung myi n mu lu, na tu ti mung na n na lu ai angawk angak re ai hte myit n su ai amyu masha ni e, madat mu.

EZEKELA 44:23

“Dai hkinjawng ni gaw nye a amyu masha ni hpe chyoi pra ai hte n chyoi n pra ai hpe chye ginhka lu na matu mung, nawku htung hte seng ai san seng ai hte n san n seng ai lam ni hpe mung sharin achyin ya ra nga ma ai.

HOSEA 13:6

Rai ti mung nanhte gaw dai ningru ningja ai mungdan de shang myit dai shaloi, nanhte sha hkru nna myit pyaw nga myit dai; dai hpang nanhte gumrawng gumtawng wa nna ngai hpe malap kau myit dai.

HOSEA 2:13

Ngai gaw shi ngai hpe malap kau nna Bala hpara hpe manam pyaw ai baw nat nawng nna shi hkum hpe ja lung seng ni hte mawn sumli nna shi a sumtsaw ni hpang hkan mat wa ai aten ni a matu ari jaw na nngai.

HOSEA 4:1

Dai Madu gaw ndai mung hta nga nga ai amyu masha ni hpe mara shagun ninghkap na amu rawng nga ai. Israela e, shi tsun ai ga hpe madat mu: “Ndai mungdan hta kangka ai hte tsaw ra myit n nga sai rai nna amyu masha ni mung ngai hpe Karai Kasang zawn n yin la hkraw nga ma ai.

HOSEA 4:12

Shanhte gaw hpun tawng langai mi kaw na shingran ni hpe hpyi nga ma hka! Shingna langai gaw shanhte chye mayu ai hpe tsun dan nga a hka! Shanhte ngai kaw na pru mat wa masai. Shawa num tai ai numsha langai zawn, shanhte a hkum ni hpe karai shaje hpang de nawng ya kau nga masai.

HOSEA 4:14

Ti mung, Nanhte hkum nan htingnu shawa num ni hte rau hkawm sa nna shanhte hte rau tara maigan hpe nanhte shagu hkungga ni nawng ya nga myit dai ndai amu a majaw ngai shanhte hpe ari jaw na n rai. Ga shagawp hta tsun da ai hte maren, ‘Nyan n rawng ai masha gaw hten run mat ai hkrum na ra ai,’ nga nga ai.

HOSEA 5:4

Amyu masha ni galaw kau ai n hkru n shawp ai amu gaw shanhte a Karai Kasang hpang de nhtang wa na kaw na shanhte hpe hkum shingdang da ma ai. Hpara sumla nawku ai htung lai a n-gun gaw shanhte hpe ka-up kau nga sai. Shanhte gaw dai Madu hpe n yin la ma ai.

HOSEA 6:6

Ngai gaw nanhte a yam nga shagu hkungga ni hpe n rai, nanhte a dinggrin tsaw ra myit hpe ra nngai. Ngai gaw nye a matu wan nat hkungga nawng ya na hta amyu masha ni ngai hpe chye na mahtang ngai grau nna hkam la mayu nga nngai.

HOSEA 7:11

Israela gaw angawk ai hkrudu langai zawn shara mi kaw nna shara mi de htawt hkawm nga ma ai. Shi a amyu masha ni gaw shawng nnan karum hkam la lu na matu Egutu kaw karum hpyi ma ai; dai hpang shanhte gaw Asuri hpang de kagat sa nga ma hka!

HOSEA 7:9

dai zawn maigan masha ni hpe shamyet shanat ai gaw shanhte a n-gun hpe hpya sha kau ya na rai nga ma ai hpe n dum n chye nga ma ai. Shanhte a nhtoi hti hkum ni htum mat wa nga ti mung de a lam hpe pyi shanhte n chye nga ma ai.

HOSEA 8:1

Dai Madu gaw ning nga tsun ai: “Pahtau dum dat mu! Gumlau hpyen ni gaw nye a mungdan de galang ni zawn htim yu wa ma hka! Nye a amyu masha ni gaw shanhte hte ngai tawn da ai ga shaka hpe jahten kau nhtawm nye a sharin shaga ai ga hpe gumlau kau manu ai.

HOSEA 8:12

Ngai gaw amyu masha ni a matu hti n dang hkra sharin achyin ga ni hpe ka da ti mung, dai ni hpe tinang hte n seng ai zawn ningdang kau ma ai.

HOSEA 8:14

“Israela amyu masha ni hkawhkam htingnu ni gap ma ti mung, shanhte a htingnu Gap Ya Ai Wa hpe malap kau manu ai. Yuda masha ni mare bunghku ni kum da ma ai; rai ti mung ngai gaw wan hpe dat dat nna dai gaw shanhte a hkawhkam htingnu ni hte mare ni hpe hkru kau na ra ai.”

HOSEA 9:17

Shanhte gaw shi a ga hpe n madat kau ya ma ai majaw ngai daw jau ai Karai Kasang gaw shi a amyu masha ni hpe ningdang kau na ra ai. Shanhte gaw masha amyu baw ni a man e brak hkawm ai ni tai mat na mara ai.

MAHTE 1:6

Yese a kasha gaw Dawi Hkawhkam; Dawi hte Uria a madu jan kaw na shaprat ai kasha gaw Shawlumon:

MAHTE 15:14

Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun ai myi kyaw ai ni rai nga ma ai: myi kyaw ai wa gaw, myi kyaw ai wa hpe lam madun a yang gaw, shan lahkawng gaw nhkun kata de di hkrat na mara ai,” ngu mu ai.

MAHTE 15:8

‘Ndai amyu gaw tinang a nten hte ngai hpe hkungga lara rai ma ti mung, tinang a myit masin gaw ngai hte kaja wa tsan gang nga malu ai.

1 SAMUELA 2:12

Eli a shadang sha yan gaw n shawp n kap nga ma ai rai nna, dai Madu hpe mung,