HOSEA 4:3 - Jinghpaw Common Language Bible 2009

³ Dai rai nna lamu ga gaw hkun hkraw wa na ra ai, dai hta nga manga yawng si na ra ai. Dusat yam nga ni hte ntsa malen u ni yawng, hka na nga du hkra si na mara ai.

Jinghpaw Hanson Version Bible

³ Dai re ai majaw, dai mungdan gaw yawn hkyen nga nna, dai hta shanu nga ai ni yawng hte hpawn, pa ga na ashu ashan ni, ntsa malen u ni gawng kya na mara ai: gaja wa, nammukdara nga ni pyi, htum mat na mara ai.

HOSEA 4:3 ပူးပေါင်းရင်းမြစ်များ

ESAIA 33:9

Mungdan gaw yu lagawn na zawn tai nna katsi katsang shara rai mat sai. Lebanon nam maling ni nyui mat sai, ga sau rawng ai Sharon kadit gaw zaibru jang zawn tai nga ai, Bashan hte Hkarmela Bum ntsa na hpun lap ni run hkrat nga ai.

YEREMIA 12:4

Anhte a lamu ga gaw kaden du hkra hkun hkraw ai hte yi sun shagu hta tu ai tsingdu ni nyip mat na rai ta? Amyu masha ni gaw, ‘Anhte galaw nga ai amu hpe Karai Kasang n mu nga ai,’ nga nna tsun ai anhte a n hkru ai amyu masha ni a majaw, ashu ashan ni hte ntsa malen u ni si mat nga ai,’” ngu nna tsun ai.

YEREMIA 23:10

Mungdan gaw dai Madu hta sadi n dung ai amyu masha ni hte hpring nga ai; shanhte gaw n hkru ai asak hkrun lam hta hkawm sa nna shanhte a daru magam n-gun hpe n sawn n ang ai hku lang nga ma ai. Dai Madu a dagam ga a majaw mungdan gaw yawn madai ai hte udat shara ni ahkun ahkraw rai nga ai.

YEREMIA 4:25

Dai yang e shinggyim masha ni n nga ai hpe ngai mu nngai; ntsa malen u ni chyawm gaw pyen pyau nga masai.

YEREMIA 9:10

Ngai gaw, “Bum ni a matu sharung shayawt nna udat shara ni a matu hkrap na nngai, hpa majaw nga yang, dai ni gaw hkun hkraw mat nna, kadai mung dai hku n lai hkawm nga ai. Sagu dumsu hpung ni a nsen mung n na lu sai; ntsa malen u ni hte matse labye dusat ni mung hprawng mat masai,” ngu nna tsun ai.

YEREMIA 9:9

Ngai gaw ndai amu ni a majaw shanhte hpe ari n jaw na rai nga a ni? Ngai gaw ndai zawn re ai amyu baw hpe matai n dawk na rai nga a ni? Dai Madu ngai nan tsun ni ai,” ngu nna tsun ai.

EZEKELA 38:20

Hka na nga hte ntsa malen u shagu mung, dusat yam nga kaji kaba shagu hte ginding aga ntsa e nga ai shinggyim masha shagu hte gaw ngai hpe hkrit gari na mara ai. Bum ni mung daw mat nna, ninggam ni ru hkrat wa ai hte mare bunghku shagu mung kadawng daw mat na ra ai.

YOELA 1:18

Shanhte a matu yam nga udat shara n nga sai majaw, dumsu hpung ni myit htum let nbaw nga ma ai; sagu hpung ni mung nni nkri hkrum sha nga ma ai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

AMO LAIKA (AMOS) 5:16

Dai rai nna, Chyahtum Chyalai N-gun rawng ai Tsaw Htum ai dai Madu gaw, “Mare nmaw lam ni hkan e hkrap shabam ai hte yawn hkyen jahtau garu ai nsen ni nga nga na ra ai. Yi hkauna galaw sha ai ni pyi si mat sai ni a matu yawn hkyen hkrap shabam na nga sharung shayawt na matu manu jahpu jaw da hkrum ai ni hte rau shaga la hkrum nga ma ai.

AMO LAIKA (AMOS) 8:8

Dai rai nna ginding aga gaw ashun wa na ra ai, mungdan na masha shagu hte mung tsin-yam tsindam hkrum sha na mara ai. Mungdan ting gari ashun wa nna dai gaw Nila hka nu zawn rawt tung wa nna hkyet mat wa na ra ai.

NAHUM 1:4

Shi panglai hka hpe daru ai hte hka gaw hkun hkraw mat a hka! Shi gaw hka nu ni hpe hkyet shangun nga ai. Bashan tsingdu pa ni kyip mat nna, Hkarmela Bum mung hkraw mat nga ai; Lebanon a nampan pu ni nyip mat nga ai.

ZEHPANI 1:3

shinggyim masha ni hte dusat yam nga ni yawng, ntsa malen u ni hte hka kata na nga ni hpe ngai jahten kau na we ai. Ngai gaw tara n lang ai ni a hkrat sum ai lam hpe shabyin dat na nngai. Ngai gaw shinggyim masha yawng mayawng hpe shamyit kau na we ai; asak hkrung nga ai ni kadai mung ngam nga lu na n rai, nga nna Madu ngai nan tsun ni ai.

ZEHKARIA 5:4

Chyahtum Chyalai N-gun rawng ai dai Madu gaw ndai dagam dala ga hpe shapraw dat na lam tsun wu ai; dai gaw lagu ai masha shagu a nta de dagam let masu magaw ga tsun ai masha shagu a nta de shang na mara ai. Dai gaw shanhte a nta hta naw ngam nga nna shanhte hpe jahten sharun tawn na mara ai,” ngu nna tsun ai.