HOSEA 4:16 - Jinghpaw Common Language Bible 2009

¹⁶ Israela amyu masha ni gaw lawze ni zawn du ja nga ma ai; ngai gaw shanhte hpe dam ai tsingdu pa na sagu kasha ni hpe zawn kaning rai rem lu na rai ta?

Jinghpaw Hanson Version Bible

¹⁶ Israela amyu gaw, n bik ai upra zawn, myit ja ai madun nga ai: ya Yehowa gaw shanhte hpe sagu kasha zawn, dam lada ai shara e rem na ra ai.

HOSEA 4:16 ပူးပေါင်းရင်းမြစ်များ

SHAKAWN KUNGDAWN 78:8

Shanhte gaw gumlau ai ni hte n madat n mara ai ni, Karai Kasang hpe kam hpa ai lam hta galoi mung n ngang ai ni hte shi hta sadi sahka myit n dung ai shanhte a kaji kawa ni zawn rai nga na ma ai n rai.

ESAIA 22:18

Shi gaw nang hpe magra la nna gumdin tarin nhtawm, grau dam lada ai mung de, kabai kau dat na ra ai. Nang gaw dai shara hta nang grai gumrawng ai hpyen leng makau e nang si wa na ndai. Nang gaw na a madu a nta hta myi man sum na rai ndai.

ESAIA 30:23

Nanhte gaw nanhte a nsi naisi ni hpe hkai ai aten shagu, Madu gaw dai ni hpe tu shangun na matu marang jahtu ya nna nanhte hpe ja kat ai mangai jaw ya na ra ai, nanhte a yam nga hpung gaw udat shara law law madu lu na mara ai.

ESAIA 5:17

Hten run mat sai mare ni hta, sagu kasha ni tsing makret sha nna, bainam kasha ni udat shara mu tam na mara ai.

YEREMIA 14:7

Nye a amyu masha ni gaw ngai hpe, ‘Anhte a yubak mara ni anhte hpe mara shagun tim pyi, Madu e, na a ga sadi hte maren, anhte hpe karum la mi. Anhte gaw nang kaw na law law lang kayin mat wa saga ai; anhte gaw nang hpe shut hpyit kau saga ai.

YEREMIA 3:11

Dai hpang, dai Madu gaw ngai hpe Israela gaw shi kaw na kayin mat wa manu tim, shi gaw sadi n dung ai Yuda hta grau nna kaja na matu sakse madun dan nu ai, nga nna tsun sai.

YEREMIA 3:6

Yoshia hkawhkam tai nga yang, dai Madu gaw ngai hpe, “Israela ngu ai sadi n dung ai numsha gaw kaning re ai amu galaw nu ai hpe nang mu nit ni? Shi gaw ngai kaw na kayin mat wa nhtawm kawng shagu a ntsa hte tsit lali ai hpun npu shagu hta shawa num zawn amu galaw nu ai.

YEREMIA 3:8

Shi gaw ngai kaw na kayin mat wa nhtawm shawa num tai mat sai majaw ngai gaw Israela hpe jahka kau nhtawm tsan tsan de sa kau dat ai hpe Yuda wa mung mu nu ai. Rai ti mung, Israela a sadi n dung ai kana Yuda gaw hkrit ai n rai. Shi mung shawa num tai wa nhtawm,

YEREMIA 31:18

“Ngai gaw Israela a amyu masha ni tsun ai yawn hkyen nsen hpe na nngai, Shanhte gaw, ‘Madu e, anhte gaw zai ai dusat zawn rai mat saga ai, rai ti mung, nang gaw anhte hpe madat mara na matu sharin ya nga nit dai. Anhte hpe woi nhtang wa mi; anhte gaw dai Madu anhte a Karai Kasang hpang de nhtang wa na matu jin jin rai nga saga ai.

YEREMIA 5:6

Dai re ai majaw, maling na hkanghkyi ni gaw shanhte hpe sat kau na mara ai; zaibru jang na chyahkyawn ni gaw shanhte hpe gang amya je kau na mara ai, rawngteng ni gaw shanhte a kahtawng ni hkan lagyim hkawm na mara ai. Ndai amyu masha ni pru hkawm yang, shanhte gaw ashep ashin rai gang je kau hkrum na mara ai, hpa majaw nga yang, shanhte a yubak mara ni law nga ai hte lang hte lang, Karai Kasang kaw na htak mat mat rai ma ai.

YEREMIA 7:24

Rai ti mung, shanhte gaw madat mara ma ai n rai, hpa zawn mung n nawn ya nga ma ai. Dai zawn hkan sa na malai, shanhte gaw du ja ai hte n hkru ai myit masin shanhte hpe shadut matsun ai hku galaw nga ma ai majaw, shanhte gaw kaja wa na malai n kaja ai masha ni tai wa nga masai.

YEREMIA 8:5

Dai re ai mi, nye a amyu masha ni e, nanhte gaw n nhtang wa ai sha, ngai kaw na hpa majaw tut nawng kayin mat wa nga myit ni? Nang gaw na a hpara sumla ni hpe myit noi ai hte ngai hpang de nhtang wa na matu ningdang nga ndai.

HOSEA 10:11

“Israela gaw nsi naisi kabye na matu jin jin rai nga ai wubik upra langai hte bung nga ai. Rai ti mung shi a tsawm ai du bau ntsa e kandang mara ya nna bungli shaja galaw na matu shi hpe daw hking mara ya na ngai daw dan da ni ai. Ngai gaw Yuda hpe shawt shangun nna Israela hpe masit shangun na we ai.

HOSEA 11:6

Majan gaw shanhte nga ai mare ni hpe ye masawm mat wa nhtawm mare chyinghka ni hpe agrawp daw kau na ra ai. Shanhte gaw kaja htum ai hku myit nawn la nna galaw ma ai majaw shing re ai lam gaw nye a amyu masha ni hpe jahten kau na mara ai.

HOSEA 11:7

Shanhte gaw ngai kaw nna kayin mat wa na matu shadut jahkat ma ai. Shanhte a ntsa e mara ya ai kandang a majaw shanhte marawn jahtau na mara ai; rai ti mung shanhte hpe kadai e mung tau sharawt la na n rai.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

ZEHKARIA 7:11

“Rai ti mung, nye a amyu masha ni mahtang du ja ai hte n madat hkraw ma ai. Shanhte gaw tinang a myit masin

1 SAMUELA 15:11

“Shawlu hpe hkawhkam shatai kau ni ai majaw ngai yawn la nngai; shi gaw ngai kaw na kayin mat wa ai hte nye a hkang da ai ga ni hpe mung n madat mat nu ai,” ngu nna tsun wu ai. Dai majaw, Samuela masin pawt nga ai; dai Madu hpe mung shana tup hpyi nem nga wu ai.