HOSEA 4:14 - Jinghpaw Common Language Bible 2009

¹⁴ Ti mung, Nanhte hkum nan htingnu shawa num ni hte rau hkawm sa nna shanhte hte rau tara maigan hpe nanhte shagu hkungga ni nawng ya nga myit dai ndai amu a majaw ngai shanhte hpe ari jaw na n rai. Ga shagawp hta tsun da ai hte maren, ‘Nyan n rawng ai masha gaw hten run mat ai hkrum na ra ai,’ nga nga ai.

Jinghpaw Hanson Version Bible

¹⁴ Nanhte a shayi sha ni shawa num, nanhte a nnam ni la shaw ai num tai yang, ngai shanhte hpe ari jaw na, n rai: kaning rai nme law, la ni pyi shawa num hkan tam nna, n se ai num ni hte rau hkungga nawng ya ma ai: nyan n rawng ai amyu gaw, htum mat ai hkrum na ra ai.

HOSEA 4:14 ပူးပေါင်းရင်းမြစ်များ

1 HKAWHKAM 15:12

Shi gaw tara maigan masha ni a nawku shara ni hkan nga ai shawa num shawa la ni yawng hpe mungdan kaw nna shaden kau nhtawm shi a shawng na hpu shawng hpu ba ni galaw da ai hpara sumla ni yawng hpe seng kau wu ai.

2 HKAWHKAM 23:7

Shi gaw htingnu shawa num shawa la ni e madu da ai Nawku Htingnu wang na nta ni hpe mung jahten shaza kau wu ai. (Dai yang e Ashera karai num hpe nawku ai shaloi hpun ai palawng galu hpe dai numsha ni da ma ai.)

GA SHAGAWP 28:5

N hkru n shawp ai masha ni gaw teng man ai tara hpe n chye nga ma ti mung, Madu hpe nawku daw jau ai ni gaw dai hpe atsawm sha chye na nga ma ai.

ESAIA 1:5

Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

Daniela 12:10

Masha law law mung san seng wa na mara ai. N hkru ai ni chye na hkawn hkrang na ma ai n rai, rai ti mung n hkru ai hku sha hkan na mara ai; hpaji rawng ai ni chyu sha chye na hkawn hkrang wa na mara ai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

HOSEA 4:1

Dai Madu gaw ndai mung hta nga nga ai amyu masha ni hpe mara shagun ninghkap na amu rawng nga ai. Israela e, shi tsun ai ga hpe madat mu: “Ndai mungdan hta kangka ai hte tsaw ra myit n nga sai rai nna amyu masha ni mung ngai hpe Karai Kasang zawn n yin la hkraw nga ma ai.

HOSEA 4:17

Israela amyu masha ni gaw hpara sumla ni a myit shalen la ai hkrum nga ma ai. Shanhte a lam hta shanhte myit ra ai hku hkan nga manu ga.

HOSEA 5:4

Amyu masha ni galaw kau ai n hkru n shawp ai amu gaw shanhte a Karai Kasang hpang de nhtang wa na kaw na shanhte hpe hkum shingdang da ma ai. Hpara sumla nawku ai htung lai a n-gun gaw shanhte hpe ka-up kau nga sai. Shanhte gaw dai Madu hpe n yin la ma ai.

AMO LAIKA (AMOS) 2:7

Shanhte gaw n-gun kya nga ai ni hte karum la na masha n lu ai ni hpe kabye anut ma ai; matsan mayan masha ni hpe lam shadam kau nga ma ai. Kawa hte kasha gaw mayam mahkawn langai sha hte jawm kanawn let nye a chyoi pra ai amying nsang hpe awu asin di ma ai.

AMO LAIKA (AMOS) 7:17

Dai rai nna, Amazia e, dai Madu gaw nang hpe, ‘Na a madu jan gaw mare hta shawa num tai na ra ai, na a kashu kasha ni majan hta sat kau hkrum na mara ai. Na a lamu ga gaw karan kau hkrum nhtawm kaga ni hpe jaw kau ra na ra ai, nang nan gaw n san n seng ai mung hta si na rai ndai. Israela amyu masha ni gaw kaja wa shanhte a mung kaw nna bawng dung hkrum mat wa na mara ai,’” ngu nna tsun wu ai.

BU HKAWM 25:3

Dai rai nna dai Madu gaw shanhte hpe masin pawt wu ai majaw

YAWHAN 8:43

Ngai tsun ai lam hpe nanhte hpa rai n chye na myit ta? Dai gaw nanhte nye a mungga n madat la lu ai majaw rai nga myit dai.

ROMA 3:11

Chye chyang ai wa langai mi mung n nga ai, Karai Kasang hpe nawku ai wa mung n nga ai.

1 KORINHTU 6:16

Shawa num hte shi a hkum hkrang gumhpawn kau ai wa gaw, dai shawa num hte hkum hkrang langai sha rai mat sai hpe nanhte n chye nga myit ni? Chyum Laika hta, “Shan lahkawng gaw hkum shan langai sha tai na mara ai,” nga nna tsun da nga ai.

EHPESU 4:18

Shanhte a chye chyang ai nyan sin mak nga nna tsep kawp angawk angak re ai hte du ja nga ma ai majaw, Karai Kasang jaw ai asak kamhtaw hta n lawm mat ai ni rai nga ma ai.

TARA JAHPRANG 23:17

“Israela numsha lasha kadai mung htingnu shawa num shawa la tai lu na ma ai n rai.

HEBRE 12:8

Shi a kasha ni yawng hkam ga ai zawn daru sharin ai hpe n hkam la myit yang gaw nanhte gaw kasha majing n rai, n-gyi ma ni sha rai nga myit dai.