HOSEA 4:12 - Jinghpaw Common Language Bible 2009

¹² Shanhte gaw hpun tawng langai mi kaw na shingran ni hpe hpyi nga ma hka! Shingna langai gaw shanhte chye mayu ai hpe tsun dan nga a hka! Shanhte ngai kaw na pru mat wa masai. Shawa num tai ai numsha langai zawn, shanhte a hkum ni hpe karai shaje hpang de nawng ya kau nga masai.

Jinghpaw Hanson Version Bible

¹² Nye a amyu masha ni gaw, tinang a hpuntawng hte bawng yu ma ai; shanhte a dawhkrawng gaw, hpaji daw ya ai: liknga lam hta kayut ai majaw, shanhte lam dam nna, shawa num tai let, tinang a Karai Kasang npu na, pru mat wa ma ai.

HOSEA 4:12 ပူးပေါင်းရင်းမြစ်များ

2 HKAWHKAM 17:7

Israela masha ni gaw Egutu hkawhkam a lata kaw na hkye mawai la ai hte Egutu mung kaw nna shanhte hpe woi shapraw wa ai dai Madu shanhte a Karai Kasang hpe shut hpyit kau nna karai kaga ni hpe nawku nhtawm,

2 HKAWHKAM LABAU 21:13

Shing rai na malai, Israela hkawhkam ni a kasi hta hkan nhtawm Ahab hte shi a hpang hkan ai ni gaw Israela hpe n kam n sham na hku lam woi shadam kau mu ai zawn, Yuda mung hte Yerusalem mare masha ni hpe mung Karai Kasang hpe n kam n sham na matu lam woi shadam kau nga nit dai. Nang gaw nang hta grau kaja ai na a kanau ni hpe pyi sat kau nit dai.

SHAKAWN KUNGDAWN 106:39

Shanhte galaw ai amu ni hte shanhte hkum hpe awu asin di kau nna; Karai Kasang hta sadi sahka myit n dung mat nga masai.

SHAKAWN KUNGDAWN 73:27

Nang hpe kau da ai ni gaw teng teng htum mat na mara ai; nang hta sadi n dung ai ni hpe Nang shamyit kau na rin dai.

YEREMIA 10:8

Shanhte yawng myit n su ai hte angawk angak re ai ni rai ma ai. Hpun hte tawk ai hpara sumla ni kaw na hpa baw a lam hpe shanhte sharin la lu nga ma ta?

YEREMIA 2:27

Hpun gaw na a kawa, lunghkrung gaw na a kanu ngu nna tsun ai nanhte yawng hte gaw jahpoi hkrum na rai myit dai. Nanhte gaw ngai kaw kayin wa na malai, nanhte mahtang ngai kaw na kayin mat wa manit dai majaw dai amu byin wa na ra ai. Rai ri mung nang ru yak tsin-yam tsindam hkrum ai shaloi, nang hpe sa hkye hkrang la na matu nang ngai hpe hpyi nem ndai.

YEREMIA 23:13

Samari mung na myihtoi ni a yubak mara hpe ngai mu se ai: shanhte gaw Bala a mying gang nna shaga ma ai, nye a amyu masha ni hpe lam woi shadam kau manu ai.

EZEKELA 20:32

Nanhte gaw kaga masha amyu baw ni zawn byin mayu myit dai; maigan mungdan hkan shanu nga ai amyu masha ni zawn hpun, nlung hpara ni hpe nawku na matu nanhte myit makun da nga myit dai. Rai ti mung, dai zawn re ai maw mawn ai lam galoi mung byin wa na ra ai n rai.

EZEKELA 21:21

Babelon hkawhkam gaw dai lam lahkawng a nbraw e jung da ai masat shara hta tsap nga ai; shi gaw gara lam de pru sa na chye la na matu, ndan pala ni garu nhtawm shi a hpara sumla ni hpe san yu nna, hkungga nawng jau ya ai dusat a sinpai hpe jep yu nga ai.

HOSEA 14:3

Asuri gaw anhte hpe galoi mung hkye mawai la lu ai n rai; majan gumra ni mung anhte hpe makawp maga la lu ai n rai. Hpara sumla ni hpe anhte a Karai Kasang rai nga ai ngu nna, anhte galoi mung bai tsun sana ga ai n rai. O Madu e, kam hpa na masha langai mung n lu nga ai ni hpe matsan dum ai myit madun ya mi law.”

HOSEA 5:4

Amyu masha ni galaw kau ai n hkru n shawp ai amu gaw shanhte a Karai Kasang hpang de nhtang wa na kaw na shanhte hpe hkum shingdang da ma ai. Hpara sumla nawku ai htung lai a n-gun gaw shanhte hpe ka-up kau nga sai. Shanhte gaw dai Madu hpe n yin la ma ai.

HOSEA 6:10

Ngai gaw matsat shabat re ai amu langai Israela mung hta mu ni ai: nye a amyu masha ni gaw shanhte a hkum hpe hpara sumla nawku let awu asin di kau ma ai.

HOSEA 9:1

Israela amyu masha ni e, tara maigan masha ni zawn galaw ai lusha poi ni hpe tawn kau mu. Nanhte gaw nanhte a Karai Kasang a man kaw nna kayin mat wa nhtawm shi hpe n kam n sham nga myit dai. Nanhte gaw tinang hkum hpe mungdan ting de shawa num ni zawn Bala karai hpe dut ya ai hte shi nanhte a matu shabrai jaw ai zawn nawn ai nsi naisi hpe tsaw ra nga myit dai!

JAW JAU 17:7

Israela amyu masha ni gaw prang yang hkan e shanhte a yam nga ni sat let bainam nat matse ni hpe nawng jau ai hku dai Madu hta sadi sahka loi mi pyi n nga lu na myit dai n rai. Israela amyu masha ni gaw ndai hkang da ai matsun maroi ga hpe prat mi hte prat mi madat mara shadik shatup lu na rai ma ai.

JAW JAU 20:5

dai wa hte shi a dinghku masha ni hpe mung, ngai hta sadi n dung ai sha shi hte matut mahkai nna Molek hpara hpe nawku ai ni yawng hpe mung ngai hpyen tai nna shi hpe nye a amyu masha ni hta na sumri dan kau na we ai.

MIHKA 2:11

“Dai masha ni gaw masu ga tsun hkawm ai myihtoi baw hpe ra sharawng nga ma ai, ‘Na a matu, sabyi ntsin hte tsa chyaru lwi pru wa na ra ai ngu, ngai myihtoi htoi na nngai,’ ngu nna tsun ai.

HABAKU 2:19

Nanhte gaw dingnye hkrum nga myit dai! Nanhte gaw hpun hkyep hpe, “Yup hprang u!” shing n rai nlung tawng hpe, “Rawt u!,” ngu nna tsun myit dai. Hpara sumla gaw nanhte hpe hpa lam rai tim hpaw madun lu nga a ni? Dai gaw aja gumhpraw hte sup da nga tim, dai hta asak n rawng nga ai.

BU HKAWM 15:39

Dai banbyau ni gaw myit hpe adum nga shangun nga ai rai nna, dai ni hpe aten shagu nanhte mu jang, nye a hkang da ai ga matsun ni yawng hpe dum wa nna madat mara na rai myit dai; dai rai nna ngai kaw na nanhte myi man n kayin mat wa ai hte nanhte myit ra ai hku hkan lu na myit dai n rai.

TARA JAHPRANG 31:16

Dai Madu gaw Mawshe hpe, “Nang gaw kade n na yang si wa na sha rai nit dai. Nang si mat ai hpang amyu masha ni nye a ntsa e sadi sahka myit n rawng mat nna shanhte hte tawn da ai nye a ga shaka hpe jahten kau na mara ai. Shaloi shanhte ngai hpe kau da nhtawm shanhte shang sha na mungdan hta nawku ai maigan hpara ni hpe nawku wa na mara ai.

TARA AGYI 18:5

Shanhte gaw shi hpe, “Anhte hkawm sa ai hkrun lam awng dang, n awng dang na, chyeju hte Karai Kasang kaw san ya mi,” ngu nna tsun ma ai.