HOSEA 3:1 - Jinghpaw Common Language Bible 2009

¹ Dai Madu gaw ngai hpe, “Sumtsaw langai hte la shaw ai amu shut hpyit nga ai numsha kaw bai sa nna na a tsaw ra myit madun dan su. Israela amyu masha ni gaw karai shaje ni de kayin mat wa nna hpara sumla ni hpe namsi jahkraw hkungga nawng ya ma ai; rai tim, ngai gaw Israela amyu masha ni hpe naw tsaw ra nga nngai zawn nang mung tsaw ra lu na rai ndai,” ngu nna tsun wu ai.

Jinghpaw Hanson Version Bible

¹ Bai Yehowa gaw, “Israela kashu kasha ni hpara shaje hkan tam nna, tsabyi si dik ra nga timung, ngai Yehowa nan shanhte hpe tsawra nga ai hte maren, nang sa nna, sumtsaw sumra lu ai la shaw ai num hpe naw tsawra u,” nga nna ngai hpe tsun ai.

HOSEA 3:1 ပူးပေါင်းရင်းမြစ်များ

2 SAMUELA 6:19

shanhte yawng hpe lusha karan jaw wu ai. Israela mung na numsha, lasha shagu hte hpe muk pa pa, shan tau hkyep hkyep hte sabyi si jahkraw loi loi jaw wu ai. Dai hpang masha shagu tinang nang a nta de wa mat wa ma ai.

2 HKAWHKAM 13:23

Rai ti mung Abraham, Isak, Yaku ni hte tawn da ai ga shaka a majaw dai Madu gaw shanhte hpe matsan yu dum nga wu ai. Shi gaw shanhte hpe n jahten shamyit hkrum shangun mayu nga ai rai nna shanhte hpe karum la mu ai. Shi a amyu masha ni hpe shi galoi mung malap kau nga ai n rai.

1 HKAWHKAM LABAU 16:3

shanhte yawng hpe lusha karan jaw mu ai. Israela mung na numsha, lasha shagu hte hpe muk pa pa, shan tau hkyep hkyep hte sabyi si jahkraw loi loi jaw wu ai.

NEHEMIA 9:31

Ti mung, na a matsan dum ai myit galu kaba nga ai majaw, nang shanhte hpe n kau da, n shamyit kau nga ndai. Nang gaw chyeju hte hpring nna matsan chye dum ai Karai Kasang rai nga a hka!

SHAKAWN KUNGDAWN 123:2

Shangun ma wa gaw shi a madu a ntsa e mung, shangun ma numsha gaw shi a nta madu jan a ntsa e mung shamyet shanat nga ai zawn, anhte a Madu Karai Kasang a matsan dum ai chyeju hpe hkam la lu ai aten du hkra, anhte mung nang hpe a mada yu nga na ga ai.

PRU MAT 32:6

Hpang jahpawt manap jau jau aten hta shagu hkungga nat nawng na nga, shanhte gaw yam nga nkau mi la sa nhtawm kaga nkau mi gaw mahku hkungga shan sha ma ai. Amyu masha ni mung lusha poi de shang dung nhtawm lu pyaw sha pyaw ai hte ngang kayut nga ma ai.

Shawlumon A Mahkawn Ga 2:5

Nye a n-gun hpe sabyi si jahkraw ni hte n-gun ban ya nna; ja magaw si ni hte ngai hpe n-gun awai ya nga a hka! Ngai gaw tsaw ra machyi hte gawng kya nga nngai.

ESAIA 45:22

“Mungkan ting hta nga ai amyu masha ni e, hkye hkrang la hkrum na matu, ya jang ngai kaw kayin wa marit! Ngai chyu sha Karai Kasang rai nga nngai, Karai shaje n nga nga ai.

YEREMIA 3:20

Rai ti mung sadi n dung ai madu jan zawn, nang ngai hta sadi n dung mat nit dai. Dai Madu ngai nan tsun ni ai,” ngu nna tsun ai.

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

HOSEA 11:8

“Israela e, Ngai nang hpe kaning rai tawn kau da lu na rai ta? Ngai nang hpe kaning rai kabai kau da lu na rai ta? Ngai gaw nanhte hpe Adma mare hpe di ai zawn kaning rai shamyit kau lu na rai ta? Zeboim hpe di ai zawn nanhte hpe kaning rai di lu na rai ta? Nye a myit masin mung ngai hpe dai hku galaw shangun nga ai n rai! Nanhte a matu nye a tsaw ra ai myit gaw nau wa n-gun ja nga li ai.

HOSEA 4:11

Dai Madu gaw, “Sabyi ntsin dingsa nnan lahkawng yan gaw nye a amyu masha ni a machye machyang myit ni hpe shamak kau ya nga ai!

HOSEA 7:5

Shanhte gaw hkawhkam wa a poi shani hta hkawhkam wa hte shi a du salang ni hpe sabyi hte angawk angak rai mat hkra jaw shanang da nga ma ai.

AMO LAIKA (AMOS) 2:8

Shanhte gaw matsan mayan ni a hka a matu shadun da ai nba hpe Karai Kasang hpe nawku ai shara shagu hkan nep da nna yup ma ai. Shanhte gaw shanhte a Karai Kasang a Nawku Htingnu hta shanhte shawa la lu ai gumhpraw hte sabyi ntsin mari lu nga ma ai.

AMO LAIKA (AMOS) 6:6

Nanhte gaw sabyi ntsin hpe gawm hta lu nna manam pyaw htum ai sau jet ni lang nga myit dai, rai ti mung nanhte gaw Israela a hten run lam hpe sharung shayawt nga myit dai n rai.

MIHKA 7:7

Rai ti mung ngai gaw dai Madu hpe azi yu nga na nngai; ngai hpe hkye hkrang la ai Karai Kasang hpe kamhpa ai hte ngai ala nga na nngai. Nye a Karai Kasang gaw nye a ga madat ya na ra ai.

ZEHKARIA 1:16

Dai rai nna, ngai gaw mare hpe matsan dum ai myit madun dan na matu Yerusalem de nhtang wa ni ai. Nye a Nawku Htingnu hpe bai galaw da nna mare hpe mung bai de da na we ai.

MAHTE 26:50

Yesu mahtang, “Jinghku wa e, nang galaw na matu sa ai amu hpe alawan galaw u!,” ngu wu ai. Shaloi shanhte gaw Yesu hpe rim la nna ngang ngang jum tek da mu ai.

1 KORINHTU 10:21

Nanhte gaw dai Madu a gawm kaw na lu nhtawm, nat ni a gawm kaw na mung bai lu lu na myit dai n rai, dai Madu a sha ku hta na sha nhtawm, nat ni a sha ku hta na mung bai sha lu na myit dai n rai.

1 KORINHTU 10:7

Dai hta kaga Chyum Laika hta, “Masha ni gaw, lusha poi langai mi hta dung nna lu sha nga ma yang, dai gaw lu lai sha lai ai hte rawt ka manawt ai de gale mat wa malu ai,” nga nna ka da nga ai hte maren shanhte nkau mi sumla nawku ai ni tai ma ai zawn nanhte hkum tai myit.

1 PETRU 4:3

Nanhte gaw lai wa sai aten hta ram ram wa na hkra maigan masha ni galaw mayu ai baw hkan galaw lai wa manit dai. Nanhte a asak hkrung lam hpe tara n hkan ai n htap n htuk ai amu, marin marit ai amu, chyaru nang ai, n se n sa galaw ai, nang ai baw malu masha sha ai, tsa lu poi ni galaw ai, hta jai lang manit dai. Dai ni hta grau matsat shabat hkyet rung hpa gaw, sumla ni hpe nawku ai lam rai nga ai.

TARA AGYI 10:16

Dai rai nna maigan hpara ni hpe shanhte kau tawn da nhtawm dai Madu hpe nawku ma ai; shi gaw Israela masha ni hkrum sha ai tsin-yam tsindam hpe masin yu machyi da wu ai.

TARA AGYI 9:27

Shanhte yawng mung shanhte a sabyi sun ni de sa nhtawm, sabyi si di, sabyi ntsin shup shapraw let poi galaw ma ai. Shanhte gaw shanhte a hpara htingnu de shang nhtawm lu let, sha let Abimelek hpe jahpoi asawng ma ai.