HOSEA 2:8 - Jinghpaw Common Language Bible 2009

⁸ Ngai gaw shi hpe nai mam nsi naisi, sabyi ntsin, tsanlun sau, Bala hpara hpe nawku ai hta shi lang ai ja gumhpraw yawng hpe jaw ai wa rai nga nngai hpe shi galoi mung yin la nga ai n rai.

Jinghpaw Hanson Version Bible

⁸ Dai rai nna, yu u, Ngai gaw na a lam hpe, ju hpun hte nhpan kum da nna, pru wa na hku n mu lu hkra, grup yin e bunghku gaw da na nngai.

HOSEA 2:8 ပူးပေါင်းရင်းမြစ်များ

1 HKAWHKAM LABAU 29:16

O Madu anhte a Karai Kasang e, na a chyoi pra ai mying ningsang hpe shagrau sha-a na matu Nawku Htingnu galaw na sut gan ndai ni yawng hpe anhte rau la sa wa ga ai; rai ti mung dai arai ni yawng nang kaw na hkrai rai nga ai hte dai ni yawng hpe nang madu da nga ndai.

YOBA 19:8

Karai Kasang gaw lai lam pat kau nu ai, ngai n lai di lu nngai; shi gaw nye a hkrun lam hpe nsin e makoi kau ya nga sai.

ESAIA 1:3

Dumsu gaw shanhte a madu hpe chye ma ai. Lawze ni mung shanhte a madu lusha jaw ai wakang hpe chye ma ai. Rai ti mung nye a amyu masha Israela ni chyawm gaw dai daram pyi n chye ma ai. Shanhte gaw loi mi pyi n chye na nga ma ai.

ESAIA 46:6

Amyu masha ni gaw shanhte a tingsan hpaw nna aja ru bang ma ai; shanhte gaw joi jang ni hta gumhpraw shen ma ai. Shanhte gaw karai langai galaw na matu ja janghkam hpe saw shaga ma ai; dai hpang shanhte gaw dai hpe gum dagup let nawku ma ai.

YEREMIA 7:18

Shanhte shamying ai Sumsing Lamu a Hkawhkam jan ngu ai hpara num a matu ma kaji ni gaw hpun hta, lasha ni gaw wan htung galaw, numsha ni gaw muk kabaw na matu muk shadung ni hpe kayau gumchya ma ai. Shanhte gaw ngai hpe nchyi nmu byin shangun na matu kaga karai ni hpe sabyi hkungga ni ru jaw nga ma ai.

EZEKELA 23:41

Shan gaw tsawm ai ku ntsa hta dung nna, de a man e, ngai shan a matu lajang da ya sai sha ku hta kaja ai arung arai ni hpe mara da ma ai; dai hta manam pyaw ai baw hte tsanlun sau mung lawm nga ai.

Daniela 3:1

Hkawhkam Nebuhkadneza gaw pe 90 tsaw nna pe 9 kaba ai ja hkrang sumla langai galaw nna, Babelon mungdaw na Dura pa hta shadun da wu ai.

Daniela 5:23

Nang gaw sumsing lamu Madu hpe ninghkap nhtawm shi a Nawku Htingnu na la wa ai gawm ni hte wan ni hpe la jashawn nga ndai. Nang mung, na a du magam ni mung, na a madu jan ni hte na a lashi num ni mung dai ni hta sabyi ntsin lu nhtawm, ja, gumhpraw, magri mang, hpri, hpun hte nlung ni hte galaw nna, myi n mu, na n na, hpa hpe mung n chye ai karai ni hpe shakawn kungdawn myit dai. Nang mahtang na a asak sumri sumdam hte nang galaw ai lam magup hpe yu hkang nga ai Karai Kasang hpe shagrau sha-a nga ndai n rai.

HOSEA 10:1

Israela amyu masha ni gaw asi hpring hkra si ai sabyi hte bung nga ai. Shanhte ngamu ngamai wa magang, tawn hkungri ni hpe grau galaw magang rai ma ai. Shanhte a mungdan grau sut su wa magang shanhte nawku nna shanhte a lata hte galaw ai chyoi pra ai nlung shadaw ni grau tsawm wa rai nga ai.

HOSEA 13:1

Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai.

HOSEA 13:2

Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, “Shanhte hpe shagu hkungga nawng ya mu!,” ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka!

HOSEA 4:11

Dai Madu gaw, “Sabyi ntsin dingsa nnan lahkawng yan gaw nye a amyu masha ni a machye machyang myit ni hpe shamak kau ya nga ai!

HOSEA 8:4

“Nye a amyu masha ni hkawhkam ni hpe lata la nga ma ti mung, shanhte myit ra ai hku galaw ma ai. Shanhte gaw ningbaw ni hpe san da ma ti mung, nye a myit ra ai hku n rai ma ai. Shanhte gaw hten byak ai hkrum hkra nga, aja, gumhpraw ni hpe la shapraw nna hpara sumla ni galaw ma ai.

HABAKU 1:16

Shanhte gaw shanhte a sumgawn ni hpe pyi nawku ai hte dai ni hpe shagu hkungga nawng ya ma ai, hpa majaw nga yang shanhte a sumgawn ni gaw kaja htum ai arung arai shagu hte shanhte hpe madi shadaw nga ai.

LUKA 15:13

Dai hpang nhtoi gade n na yang, kasha kaji wa gaw, shi lu ai sut rai ni yawng dut kau nna lu ai gumhpraw gun nhtawm nta na pru mat wa ai. Shi gaw tsan ai mung de sa wa nna, dai shara e shi gumhpraw ni hpe majoi jai ai hte pyaw daw kadaw hkawm nna ginlut shamat kau wu ai.

ROMA 1:28

Dai masha ni gaw Karai Kasang hte seng ai teng man ai machye machyang shanhte a myit hta bang da na ningdang kau ma ai majaw shanhte n galaw ang ai n hpru n mai re ai amu galaw mu ga, Karai Kasang gaw shanhte hpe n san n seng ai myit mang lam ni hta nawng kau mu ai.

TARA JAHPRANG 8:18

Dai Madu nanhte a Karai Kasang gaw sut gan lu su chye ai atsam nanhte hpe jaw ya nu ai hpe adum nga mu. Nanhte a nji nwa ni hte tawn da ai ga shaka hpe dai ni du hkra shi naw sadi dung nga ai majaw ndai amu hpe shi galaw wu ai.

TARA AGYI 9:27

Shanhte yawng mung shanhte a sabyi sun ni de sa nhtawm, sabyi si di, sabyi ntsin shup shapraw let poi galaw ma ai. Shanhte gaw shanhte a hpara htingnu de shang nhtawm lu let, sha let Abimelek hpe jahpoi asawng ma ai.