HOSEA 2:19 - Jinghpaw Common Language Bible 2009

¹⁹ Israela e, ngai gaw nang hpe nye a madu jan shatai na nngai; Ngai gaw teng man ai hte sadi dung nga na nngai; ngai gaw nang hpe dinggrin tsaw ra myit hte matsan dum ai myit madun nga na nngai nang hpe nye a matu htani htana shatai da na nngai.

Jinghpaw Hanson Version Bible

¹⁹ “Kaning rai nme law, ngai gaw, Balim ngu ai amying ni shi a n-gup na tsan kau nna, htawm hpang e dai amying ni hpe dum tsun sa na, n rai.

HOSEA 2:19 ပူးပေါင်းရင်းမြစ်များ

SHAKAWN KUNGDAWN 85:10

Tsaw ra myit hte sadi sahka myit gaw rau dan pru wa nga ai; ding man ai hte ngwi pyaw sim sa ai lam mung, ahpum ginshum wa na mara ai.

ESAIA 1:27

Dai Madu gaw ding man nga ai majaw, shi gaw Yerusalem hte dai mare na myit malai wa ai amyu masha hkum shagu hte hpe hkye hkrang la na ra ai.

ESAIA 54:14

Teng man rap ra ai tara hte ding man ai gaw nang hpe n-gun shaja ya na ra ai. Nang gaw dip gamyet sha hkrum ai hte hkrit kajawng ai amu kaw na shim nga lu na ndai.

ESAIA 54:5

Na a Hpan madu gaw na a matu madu wa zawn tai na ra ai- Chyahtum Chyalai N-gun rawng ai dai Madu gaw shi a mying rai nga ai. Israela a chyoi pra ai Karai Kasang gaw nang hpe hkye la na ra ai- shi gaw mungkan ga ting a up hkang du wa rai nga ai.

ESAIA 54:6

Israela e, nang gaw madu wa kabai kau nna, myit ru myit yak sung sung hkrum sha ai ram prat na madu jan zawn rai nga ndai. Rai ti mung, dai Madu gaw nang hpe shaga nna shi hpang de nhtang wa ai hte ning ngu tsun nga ai:

YEREMIA 4:2

dai gaw nye a mying gang let dagam ai gaw, na a matu ding man ai amu tai na ra ai. Masha amyu baw ni yawng mung shanhte hpe shaman ya na matu ngai kaw hpyi na mara ai, shanhte gaw ngai hpe shakawn kungdawn na mara ai,” ngu nna tsun ai.

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

EZEKELA 39:29

Nye a wenyi hpe Israela amyu masha ni a ntsa e ru bun nna ngai gaw shanhte kaw na galoi mung myi man bai kayin kau da na nngai n rai. Tsaw Htum ai dai Madu ngai nan tsun ni ai,” ngu nna tsun wu ai.

HOSEA 14:4

Dai Madu gaw, “Nye a amyu masha ni hpe ngai hpang de woi la na nngai. Nye a myit masin mahkra hte shanhte hpe ngai tsaw ra na nngai; shanhte hpe ngai galoi mung masin pawt na nngai n rai.

YOELA 3:20

Ngai gaw sat kau hkrum sai ni a matu matai dawp na nngai; mara kap ai ni hpe ngam tawn da na n rai. Rai ti mung, Yuda hte Yerusalem yan gaw htani htana agrin nga na ra ai; dai Madu ngai nan Ziun Bum ntsa e nga nga na nngai.”

ZEHKARIA 13:2

Dai aten hta hpara sumla ni a amying hpe dai mungdan hta na yeng seng kau na nngai; shaloi kadai mung htawm hpang prat e, dai ni hpe galoi mung dum nga na ma ai n rai. Myihtoi tai na matu tsun ai ni kadai hpe mung ngai seng kau nna, hpara sumla ni hpe nawku na ra sharawng myit ni hpe la kau ya na we ai.

YAWHAN 3:29

Num nnan lu ai wa gaw la nnan rai nga ai; rai ti mung la nnan a makau e tsap nga nna, shi a ga madat la nga ai, la nnan wa a jinghku wa gaw, la nnan a nsen na la yang, ja ja kabu nga ai.

ROMA 7:4

Hpu nau ni e, nanhte dai ga shadawn hte bung nga myit dai. Nanhte gaw Hkristu a hkum hkrang daw shan ni rai nna jep ai Tara hta e nanhte si wa manit dai, ya gaw Karai Kasang a magam amu hta akyu rawng asi si lu u ga, si ai kaw na hkrung sharawt la hkrum ai Hkristu hte seng ai ni rai wa manit dai.

2 KORINHTU 11:2

Karai Kasang gaw nanhte a ntsa e nsu nnawn myit rawng nga ai zawn ngai mung nanhte a ntsa e nsu nnawn myit rawng nga nngai. Nanhte gaw Hkristu shi nan hte sha hkungran na matu ngai ga sadi jaw da sai hkawn sek hte bung nga myit dai.

SHINGRAN 21:2

Shaloi Chyoi Pra ai Mare ngu ai Yerusalem mare ningnan gaw, la ningnan a matu mawn sumli da ai num ningnan zawn, lajang shachyip ngut nna, Karai Kasang shanu nga ai sumsing lamu de nna yu hkrat wa ai hpe, ngai mu nngai.