HOSEA 2:15 - Jinghpaw Common Language Bible 2009

¹⁵ Ngai gaw shi a sabyi sun ni hpe bai jaw nna Tsin-Yam Tsindam Kadit hpe mung myit mada chyinghka shatai na we ai. Shi naw mahkawn nga yang, Egutu mung na pru wa ai shaloi shi galaw ai zawn shi ngai hpe htan ya na ra ai.

Jinghpaw Hanson Version Bible

¹⁵ Balim hpara ni a man e manam pyaw ai baw nat nawng nna, gali lakan ni hte shi hkum hpe mawn sumli let, sumtsaw sumra ni a hpang e hkan nang nna, ngai hpe malap kau ai aten majaw, ngai shi hpe dawdan na nngai,” nga nna Yehowa tsun ai.

HOSEA 2:15 ပူးပေါင်းရင်းမြစ်များ

1 HKAWHKAM 16:31

Hkawhkam Yeroboam zawn yubak galaw na shi a matu n ram dum nga wu ai; dai rai nna Sidon Hkawhkam Etbala a shayi sha Yezebela hpe hkungran la let Bala hpe nawku wu ai.

SHAKAWN KUNGDAWN 106:12

Dai hpang, shi a amyu masha ni shi tawn da sai ga sadi ni hpe kam sham wa nna; Madu hpe mahkawn shakawn nga ma ai.

SHAKAWN KUNGDAWN 129:1

Israela e, nang gaw naw kaji nga ai aten kaw nna, na a gumlau hpyen ni nang hpe kaning rai zingri zingrat di lai wa sai lam, anhte hpe tsun dan mi.

ESAIA 65:10

Shanhte gaw ngai hpe nawku wa na mara ai; sinna maga de nga ai Sharon pa layang hte sinpraw maga de nga ai Tsin-Yam Tsindam Kadit ni hta shanhte a sagu hpung ni hte dumsu hpung ni hpe ushat shayaw na matu woi sa wa na mara ai.

ESAIA 65:21

Amyu masha ni gaw dum nta ni hpe gaw gap nna dai hta e shanhte nga nga na mara ai-dai hta masha kaga rawng na n rai. Shanhte gaw sabyi sun ni galaw nna sabyi ntsin ni hpe kabu gara lu lu na mara ai, dai hpe masha kaga wa sa lu kau ya lu na n rai. Nye a amyu masha ni gaw hpun ni a asak zawn galu hkra nga lu na mara ai. Shanhte galaw ai amu ni a jaw e shanhte hpring hpring tsup tsup kabu gara lu na mara ai.

YEREMIA 2:1

Dai Madu gaw ngai hpe

YEREMIA 2:2

Yerusalem hta nga ai masha shagu hte hpe ndai mungga tsun na matu tsun wu ai. “Nang ram prat naw rai nga yang, nang kade wa kangka nga ndai hpe mung, anhte shawng nnan hkungran ga ai shaloi, nang ngai hpe kade tsaw ra ai hpe mung, zaibru jang hku mung, hkun hkraw ai lamu ga hku mung nang ngai kaw hkan nang nga ndai hpe ngai dum nga nngai.

YEREMIA 29:11

Nanhte a matu ngai hta rawng ai yaw shada lam ni hpe ngai chyu sha chye nngai, dai yaw shada lam gaw tsin-yam tsindam n rai, ngamu ngamai shangun na lam rai nga ai; nanhte myit mada nga ai du na ra ai aten hte seng ai yaw shada lam ni rai nga ai.

YEREMIA 3:4

“Ya chyawm gaw, nang ngai hpe, ‘Nang gaw nye wa rai nga ndai, ngai naw kaji ai ma aten kaw nna nang ngai hpe tsaw ra nga nit dai.

YEREMIA 32:15

Chyahtum Chyalai N-gun Rawng ai dai Madu Israela a Karai Kasang gaw dum nta ni, sun hkauna ni hte sabyi sun ni hpe ndai mung hta bai lu mari na marin dai, ngu nna tsun nu ai,” nga ai.

SHARUNG SHAYAWT 3:21

Ti mung, dai lam langai mi hpe ngai dum wa ai shaloi, myit mada lam bai lu la nga nngai.

EZEKELA 16:22

Shawa num langai zawn na a matsat shabat amu galaw ai asak hkrun lam laman hte yang, nang singgu krin rai nga nna na a asai hta galu nga ai shaloi, nang gaw na a ma prat hpe kalang mi sha pyi galoi mung n dum yu nit dai,” ngu nna tsun wu ai.

EZEKELA 16:60

Rai ti mung, nang naw kaji nga yang, ngai nang hte tawn da ai ga shaka hpe ngai shagrau nga na nngai; ngai gaw nang hte htani htana agrin nga na ra ai ga shaka hpe tawn da na nngai.

EZEKELA 16:8

“Dai lam hku ngai kalang bai lai hkawm yang, na a matu sumtsaw sumra chye myit ai aten du nga sai hpe ngai mu lu nngai. Ngai gaw na a singgu krin re ai hkum hpe nye a palawng galu hte magap da nna, nang hpe tsaw ra nga na, ga sadi tawn da ni ai. Rai sa, ngai gaw nang hte hkungran ga shaka tawn da ni ai hte nang gaw nye a matu tai wa nit dai.” Dai gaw Tsaw Htum ai dai Madu tsun ai mungga rai nga ai.

EZEKELA 28:25

Tsaw Htum ai dai Madu gaw, “Israela amyu masha ni hpe ngai shabra kau dat ai masha amyu baw ni a lata kaw na bai woi nhtang wa na nngai. Ngai gaw chyoi pra nga nngai hpe masha amyu baw ni yawng chye wa na mara ai. Israela amyu masha ni gaw nye a shangun ma Yaku hpe jaw da sai mungdan ngu ai shanhte a lamu ga hta shanu nga na mara ai.

EZEKELA 28:26

Shanhte gaw dai shara hta shim lum ai hte shanu nga lu na mara ai; Shanhte gaw nta ni galaw nna sabyi sun ni hkai na mara ai. Ngai gaw shanhte hpe n kaw n law di kau ai shanhte a htingbu mungdan ni yawng hpe ari jaw na nngai; shaloi Israela gaw shim nga na ra ai. Ngai nan shanhte a Madu Karai Kasang rai nga ai hpe shanhte chye lu na mara ai,” ngu nna tsun wu ai.

HOSEA 11:1

Dai Madu gaw, “Israela gaw ma naw rai nga yang, ngai shi hpe tsaw ra ai hte nye a kasha zawn shi hpe Egutu mung kaw na shaga shapraw la se ai.

HOSEA 12:13

Dai Madu gaw Egutu mung hta mayam shatai hkrum nga ai Israela amyu masha ni hpe hkye mawai la na matu mung, shanhte hpe lanu lahku na matu mung, myihtoi langai shangun dat ya wu ai.

HOSEA 12:9

Rai ti mung Ngai Madu nanhte a Karai Kasang gaw Egutu mung kaw nna nanhte hpe woi shapraw wa ai wa rai nngai, nam mali e nanhte kaw ngai sa du yang nanhte galaw myit dai zawn ngai nanhte hpe sum ni hta bai nga shangun na made ai.

HOSEA 13:4

Dai Madu gaw, “Ngai gaw nanhte hpe Egutu mung kaw nna woi shapraw wa ai dai Madu nanhte a Karai Kasang rai nga nngai. Ngai hta lai, nanhte Karai Kasang n lu myit dai. Ngai chyu sha nanhte a hkye la Madu rai nga nngai.

HOSEA 2:12

Ngai gaw shi a sumtsaw ni shanhte hpe daw jau na matu shi hpe jaw da ai re nga nna shi tsun ai sabyi ru ni hte lagum hpun ni hpe jahten kau na we ai. Ngai gaw shi a sabyi sun ni hte namsi namsaw sun ni hpe nam mali shatai kau ya na we ai; nam na matse labye dusat ni shanhte hpe jahten kau na mara ai.

AMO LAIKA (AMOS) 9:14

Ngai gaw nye a amyu masha ni hpe shanhte a mung de woi wa na nngai. Shanhte gaw hten run mat sai shanhte a mare ni hpe bai gaw gap nna dai yang e nga na mara ai; shanhte gaw sabyi sun ni hkai sharing nna sabyi ntsin lu na mara ai; shanhte gaw sun ni galaw nna shanhte hkai ai shat mai lu sha na mara ai.

ZEHKARIA 9:12

Ya aten myit mada shara nga sai bawng dung masha ni e, nhtang wa marit; shim lum ai nanhte a shara de nhtang wa marit. Ya chyawm gaw, ngai nanhte hpe tsun made ga, nanhte hkrum sha manit dai nni nkri yawng a matu chyeju htam lahkawng bai htang jaw na made ai.

BU HKAWM 21:17

Dai aten hta Israela amyu masha ni ndai mahkawn mangoi ga mahkawn shakawn ma ai: “Hka htung ni e, nanhte a hka shapraw mu; Dai hpe mahkawn mangoi ga hte anhte hkap shakawn na ga ai-

YAWHAN 10:9

Ngai gaw chyinghka hku rai nga nngai; ngai hta shang ai wa gaw, hkye hkrang la ai hkrum na wu ai rai nna, shang wa pru wa rai lu ai hte, wudat shara mu na wu ai.

KASA 14:27

Ya shan Antioki de du wa ma yang hpung masha ni hpe jahpawng tawn nhtawm Karai Kasang shan hta galaw ai lam yawng mayawng mung, maigan amyu ni kam sham wa na matu shi chyinghka gara hku hpaw ya sai lam hkai dan mu ai.

YAWSHU 7:26

Shanhte gaw shi a ntsa e nlung sumpum kaba kawng da ya ma ai rai nna dai ni du hkra dai yang e nga nga ai. Dai hkan nna shara dai hpe Tsin-Yam Tsindam Kadit ngu nna naw shamying da ma ai. Dai hpang dai Madu gaw masin kawp mat wu ai.

TARA AGYI 8:34

shanhte hpe wang shinggrup da ai gumlau hpyen ni yawng a lata kaw na hkye hkrang la ai dai Madu shanhte a Karai Kasang hpe loi mi mung n daw jau mat ma ai.