HOSEA 2:10 - Jinghpaw Common Language Bible 2009

¹⁰ Ngai gaw shi a sumtsaw ni a man e shi hpe singgu krin raw sharun da na nngai, kadai mung shi hpe nye a lata kaw nna hkye mawai la lu na n rai.

Jinghpaw Hanson Version Bible

¹⁰ “Ngai nan, nai mam, tsabyi jahku ningnan hte asau, shi hpe karan jaw ai mung, shanhte Bala hpara hpe sak jaw ai aja gumhpraw hpe mung, ngai shi hta shalaw nga ai hpe, shi n dum nga ahka!

HOSEA 2:10 ပူးပေါင်းရင်းမြစ်များ

2 HKAWHKAM LABAU 24:7

(Dai n hkru ai Ahtalia a hpang hkan ai ni gaw Nawku Htingnu run hpya kau nhtawm chyoi pra ai arai law law Bala nawku ai hta lang ma ai.)

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

GA SHAGAWP 11:21

N hkru ai masha ni ari hkrum na hpe nang teng tup myit hkawn lu ti mung; ding hpring ai masha ni chyawm gaw lawt wa na mara ai.

ESAIA 3:17

Rai ti mung ngai gaw shanhte hpe ari jaw na we ai. Ngai gaw shanhte a baw ni hpe rep kau nna shanhte hpe pung krin tawn da na we ai.”

YEREMIA 13:22

Ndai lam ni yawng nang hta hpa majaw byin a ta? Hpa majaw na a hpun palawng ni gang je kau hkrum ai hte roi rip hkrum nga ndai kun?, nga nna nang san ai rai yang, dai lam gaw grai hkrit tsang ra ai na a yubak a majaw rai nga ai.

YEREMIA 13:26

Dai Madu gaw shi nan na a hpun palawng hpe raw kau ya nna kaya kahpa hpe shadan shapra da na ra ai.

EZEKELA 16:16

Nang gaw shawa num amu galaw sha ai jan zawn na a nawku ai shara ni hpe mawn sumli na matu, na a sumpan nkau mi hpe lang nga ndai, nang gaw na hkum hpe masha shagu hpe nawng ya nga ndai.

EZEKELA 16:19

Na a matu lusha tai na kaja htum ai muk shadung, tsanlun sau hte lagat ntsin ni nang hpe jaw ti mung, nang gaw dai ni hpe hpara sumla ni myi man pa lu na matu, shagu hkungga zawn nat nawng kau nit dai.” Ndai gaw Tsaw Htum ai dai Madu tsun ai mungga rai nga ai.

EZEKELA 23:29

Shanhte mung nang hpe n dawng n yawt nga ma ai majaw, nang galaw shakut da ai arung arai shagu hpe shanhte la mat wa nna nang hpe mung, shawa num langai zawn shadan shadawng ai hte singgu krin jahti da na mara ai. Na a ngang gayut ai hte shawa num amu galaw ai dai lam gaw na a ntsa e dawng pru nit dai.

HOSEA 10:1

Israela amyu masha ni gaw asi hpring hkra si ai sabyi hte bung nga ai. Shanhte ngamu ngamai wa magang, tawn hkungri ni hpe grau galaw magang rai ma ai. Shanhte a mungdan grau sut su wa magang shanhte nawku nna shanhte a lata hte galaw ai chyoi pra ai nlung shadaw ni grau tsawm wa rai nga ai.

HOSEA 13:1

Lai sai aten ni hta, Ehprim amyu bawsang ni ga shaga yang, kaga Israela amyu bawsang ni hkrit ma ai; shanhte gaw Ehprim hpe mahtang sharawt mada ma ai. Rai ti mung dai amyu masha ni Bala hpara hpe nawku let yubak galaw shut kau ma ai majaw shanhte si na rai ma ai.

HOSEA 2:3

Dai amu hpe shi n jahkring ai rai yang, ngai gaw shi a hpun palawng raw kau ya nhtawm shi shangai wa ai shani na zawn singgu krin di da na we ai. Ngai gaw shi hpe hkun hkraw nna akrin ayang re ai lamu ga zawn shatai kau na nngai; shi gaw hpang gara ai hte si mat wa na ra ai.

HOSEA 6:9

Hkinjawng ni mung masha langai hpe lagyim ala nga ai damya hpung mi hte bung nga ma ai. Shehkem mare na chyoi pra ai shara de sa wa ai lam hta pyi shanhte masha sat ma ai. Shanhte gaw ndai n hkru ai amu yawng hpe dasang galaw ma ai.

MIHKA 5:8

Naw ngam nga ai ni gaw masha amyu baw ni a ka-ang e nam mali shing n rai udat shara hkan lu sha tam gyam sha nga ai hkanghkyi zawn tai na ra ai. Shi gaw sagu ni a lapran de shang nna adaw achyen di gang amya je kau na ra ai; dai shara hta mawai la na matu myit mada shara nga na n rai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.