HOSEA 14:8 - Jinghpaw Common Language Bible 2009

⁸ Israela amyu masha ni gaw hpara sumla ni hte hpa mung seng na mara ai n rai; shanhte a akyu hpyi ga ni hpe ngai htan ya let shanhte hpe lanu lahku na we ai. Tsit lali ai hpun zawn ngai shanhte a makawp shingbyi shara tai ya na nngai; Ngai gaw shanhte yawng a shaman chyeju npawt rai nga nngai,” ngu nna tsun ai.

Jinghpaw Hanson Version Bible

⁸ Ehprim gaw, ‘Hpara sumla ni htawm hpang de, ngai hte hpa seng a ta?’ nga nna tsun na ra ai. Ngai shi a ga madat nna, shi hpe yu na nngai: ngai gaw tsit lali ai marau hpun zawn rai nga nngai; na a si, ngai kaw na pru na ra ai.

HOSEA 14:8 ပူးပေါင်းရင်းမြစ်များ

YOBA 33:27

Masha shagu gaw shawa masha ni hpe, “Ngai shut kau ni ai. Ngai gaw jaw ai n galaw kau ni ai, rai ti mung Karai Kasang gaw ngai hpe ngam da nga ai.

YOBA 34:32

Na a shut hpyit mara madun dan na matu Karai Kasang kaw hpyi nem yu sani? N hkru n shawp ai amu galaw ai hpe jahkring kau na matu nang myit hkrum nga n ni?

ESAIA 41:19

Ngai gaw nam mali hta arit hpun shaji hpun, maihting hpun hte tsanlun hpun ni hpe shatut na nngai. Nam maling ni gaw akrin akraw re ai lamu ga hta tu wa nna marau maling, shinglim hpun maling hte chyamka hpun maling ni tai wa na ra ai.

ESAIA 55:13

Ya ju hpun ni tu nga ai shara hta marau hpun ni tu wa na mara ai; ju sumwum shara ni hta maihting hpun ni tu lung wa na mara ai. Ndai gaw dai Madu ngai nan galaw sai amu hpe shadum ai kumla tai nna, htani htana agrin nga na ra ai.”

ESAIA 60:13

“Marau hpun, shinglim hpun hte chyamka hpun ngu ai Lebanon a maling htinggram kaw na kaja htum ai hpun gaw Nang Yerusalem hpe bai gaw gap na matu mung, Nye a Nawku Htingnu shatsawm na matu mung, Nye a mare hpe hpung sharawng na matu mung, du na ra ai.

EZEKELA 17:23

Israela a tsaw htum ai bum ntsa e mung hkai da na nngai. Dai gaw lakung lakying ni kra wa nhtawm asi si ai hte reng htum ai arit hpun tai na ra ai. U amyu shagu mung dai hpun hta sa shanu na mara ai lakung lakying ni a shingnip ni hta pyen dung shara mu tam na mara ai.

EZEKELA 36:25

Ngai gaw nanhte a ntsa e, san seng ai ntsin lapri bun nna, nanhte a hpara sumla ni yawng hta na mung, nanhte hpe awu asin di kau shangun ai arai shagu hta na mung, nanhte hpe jasan jaseng la na nngai.

LUKA 15:20

Shing rai shi rawt nna, shi a kawa hpang de wa magang nga ai. “Shi nta kaw nna tsan tsan naw rai nga yang, kawa gaw shi hpe mu nna, matsan yu dum ai hte, gat sa nhtawm, kasha a du hta noi ginshum let, shi hpe pup wu ai.

YAWHAN 1:16

Shi gaw chyeju hte hpring tsup nga ai hte maren shi anhte nlang hte hpe shaman ya mi ai rai nna, chyeju htap mi hte htap mi lu la saga ai.

EHPESU 5:9

Hpa majaw nga yang dai nhtoi gaw mai kaja ai lam amyu myu, ding hpring ai hte teng man ai lam ni hpe shabyin ya nga ai.

HPILIPI 1:11

Dai hta n-ga, Karai Kasang a hpung shingkang dan hkung wa na hte shi a arawng sadang hpe masha ni shakawn shagrau mu ga, Yesu Hkristu a marang e sha, lu la ai kaja dik ai ding hpring ai asi ni gaw nanhte a asak hkrung lam ni hta hpring tsup wa na malit dai.

HPILIPI 2:13

Hpa majaw nga yang Karai Kasang gaw shi a myit ra yaw shada ai lam hta madat mara hkan sa mayu ai myit hte hkan sa shangun lu ai atsam nanhte lu la mu ga Karai Kasang gaw nanhte hta e shachyen shaja nga ai.

HPILIPI 4:13

Ngai hpe n-gun shaja ya ai Hkristu a majaw yawng mayawng hpe ngai galaw lu nngai.

1 HTESALONI 1:9

Nanhte kaw anhte sa du ai shaloi, nanhte gara hku anhte hpe hkap hkalum la myit dai hpe mung, nanhte gaw ahkrung nga ai hte teng man ai Karai Kasang hpe daw jau lu na matu gawkngu sumla ni hpe shinggan kau nhtawm, Karai Kasang hpang de kaning rai kayin wa myit dai mung,

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.