HOSEA 14:7 - Jinghpaw Common Language Bible 2009

⁷ Shanhte gaw nye a makawp maga ai npu hta lang mi bai shanu nga lu na mara ai. Shanhte gaw nai mam zawn tu wa nna, sabyi ru zawn asi si wa na mara ai. Shanhte gaw Lebanon sabyi ntsin zawn gumhkawng wa na mara ai.

Jinghpaw Hanson Version Bible

⁷ Shi a shingnip hta shanu nga ai ni gaw, nhtang wa lu na mara ai; shanhte gaw nai mam zawn ring wa nna, tsabyi ru zawn pu pu na mara ai: de a sama gaw, Lebanon tsabyi jahku zawn, mawng na ra ai.

HOSEA 14:7 ပူးပေါင်းရင်းမြစ်များ

SHAKAWN KUNGDAWN 138:7

Ru tsang ai hte gawan da ai ngai hkrum nga ai shaloi, ngai hpe nang makawp maga da nga ndai. Nye a gumlau hpyen ni a sindawng kahtet ai hpe nang hkap shingdang ya nna, na a daru magam n-gun hte ngai hpe hkye hkrang la nga ndai.

SHAKAWN KUNGDAWN 85:6

Anhte hpe n-gun atsam kalang mi bai shaja ya mi: shing rai, anhte, na a amyu masha ni nang hpe shakawn nga na ga ai.

SHAKAWN KUNGDAWN 91:1

Shim nga lu na matu, Madu hpang de du sa wa ai wa kadai rai ti mung; Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,

Shawlumon A Mahkawn Ga 2:3

Maling htinggram hpun ni a lapran tu ai ja magaw hpun langai zawn, ngai tsaw ra dik htum ai wa mung kaga lasha ni hte shadawn dingdaw lu nga ai. de a asi gaw nye a namchyim hta dwi nga ai rai nna, de a shingnip hta dung nga na ngai tsaw nngai.

Shawlumon A Mahkawn Ga 4:11

Nye a tsaw jan e, na a nten gaw gitbaw na yu hkrat ai lagat jahku namta zawn rai nga ai; na a shinglet gaw nye a matu ngachyu hte lagat ntsin zawn rai nga ai. Na a hpun palawng gaw Lebanon na nngawt bat mahkra hta manam pyaw nga ai.

Shawlumon A Mahkawn Ga 6:11

Kadit e tu ai hkai bawng ni tu n tu, sabyi ru ni lap prut n prut, hkainu si hpun ni pu n pu, sa yu na matu namsi sun de ngai yu wa nngai.

ESAIA 61:11

Nli tum ni kaw na maku rawt wa ai hte tu kaba wa ai hte maren, dai Tsaw Htum ai dai Madu gaw shi a amyu masha ni hpe hkye hkrang la na ra ai, Masha amyu baw ni yawng shi hpe shakawn kungdawn na mara ai.

EZEKELA 17:23

Israela a tsaw htum ai bum ntsa e mung hkai da na nngai. Dai gaw lakung lakying ni kra wa nhtawm asi si ai hte reng htum ai arit hpun tai na ra ai. U amyu shagu mung dai hpun hta sa shanu na mara ai lakung lakying ni a shingnip ni hta pyen dung shara mu tam na mara ai.

HOSEA 14:5

Ngai gaw hkun hkraw ai shara hta marang htu ai zawn ngai gaw Israela amyu masha ni a matu tai na nngai. Shanhte gaw nampan ni zawn pu wa nna; Lebanon a hpun ni zawn ngang ngang ru jung na ra ai.

HOSEA 2:21

Dai aten hta ngai gaw nye a amyu masha Israela a akyu hpyi ga ni hpe htan ya na nngai. Ngai gaw ginding aga ntsa e marang htu shangun ai hte, ginding aga gaw nai mam nsi naisi, sabyi si hte tsanlun si hpe shapraw ya na ra ai.

HOSEA 6:2

Lahkawng masum ya rai jang, shi anhte hpe shaprawn la na ra ai, anhte gaw shi a man e nga lu na ga ai.

ZEHKARIA 8:12

Shanhte gaw ngwi pyaw sim sa ai hte nsi naisi gat hkai lu na mara ai; shanhte a sabyi ru ni hta asi si wa na mara ai; lamu ga mung nsi naisi shatut ya nna dai yang e marang law nga na ra ai. Dai rai nna naw hkrung nga ai nye a amyu masha ni hpe ndai shaman chyeju yawng ngai jaw na mawe ai.

YAWHAN 11:25

Yesu gaw, “Ngai gaw bai hkrung rawt ai lam hte asak hkrung ai lam rai nga nngai. Ngai hpe kam sham ai wa kadai mung, shi si mat ti mung, ahkrung nga na ra ai.

YAWHAN 12:24

Nanhte hpe ngai kaja wa teng teng tsun made ai gaw, mam nhkyep gaw ga hta hkrat nna, n hten mat yang gaw langai sha arai nga ai; hten mat yang she asi law law si wa lu ai.