HOSEA 14:3 - Jinghpaw Common Language Bible 20093 Asuri gaw anhte hpe galoi mung hkye mawai la lu ai n rai; majan gumra ni mung anhte hpe makawp maga la lu ai n rai. Hpara sumla ni hpe anhte a Karai Kasang rai nga ai ngu nna, anhte galoi mung bai tsun sana ga ai n rai. O Madu e, kam hpa na masha langai mung n lu nga ai ni hpe matsan dum ai myit madun ya mi law.” အခန်းကိုကြည့်ပါ။Jinghpaw Hanson Version Bible3 Asuri hkawhkam anhte hpe hkye hkrang la lu ai n rai; anhte gumra jawn na ga ai n rai: tinang a lata hte galaw ai arai hpe, ‘Nanhte gaw, anhte a hpara ni rai nga myit dai,’ nga nna htawm hpang de n tsun na saga ai: kaning rai nme law, chyahkrai nmai ni, nang hta chyu sha, matsan dum ai lu la na mara ai, ngu nna sa tsun mu.” အခန်းကိုကြည့်ပါ။ |
HOSEA 14:3
36 ပူးပေါင်းရင်းမြစ်များ
Rai ti mung maigan htung tara hkan ai ni a nlung tawn hkungri ni hpe namhtun ga hpraw hpe zawn gang daw kau ai hte, Ashera hpara num a masat dingsat kumla shing n rai manam pyaw ai baw tawn ai tawn hkungri ni, htawm hpang de galoi mung n nga mat hkra kabai kau lu ai shaloi chyu sha, Israela amyu masha ni a yubak ni raw dat kau ai hkrum na ra ai.
Shing rai na malai, Nanhte gaw gumlau hpyen ni a lata kaw na hprawng lawt lu na matu laram ai gumra ni jawn na she yaw myit dai. Hprawng lawt na matu nanhte lajang ai gaw jaw nga ai! Nanhte gaw nanhte a gumra ni laram nga ai ngu myit nawn la nga myit dai, rai ti mung nanhte hpe hkan shachyut ai ni gaw grau nna lawan na mara ai!
Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.
Egutu masha ni gaw karai ni n rai ma ai-shanhte gaw shinggyim masha sha rai ma ai. Shanhte a gumra ni gaw shingra tara hta grau ai wenyi n rai ma ai. Dai Madu amu galaw ai shaloi, n-gun ja ai masha amyu baw gaw hpyai rai mat na ra ai, karum la hkrum ai n-gun kya ai masha amyu baw mung di hkrat mat na ra ai. Shan gaw jahten kau ai hkrum na mara ai.
Shanhte gaw matsat shabat re ai hpara sumla ni hte shanhte hkum hpe galoi mung awu asin di na n rai. Shanhte tawt lai ai yubak ni gaw shanhte hkum hpe jahten shabyak na n rai. Shanhte tawt lai ai yubak lam yawng kaw na mung, ngai hpe gumle gumlau galaw nga ai kaw na mung, shanhte hpe shalawt dat na nngai. Ngai shanhte hpe jasan jaseng na nngai; shanhte gaw nye a amyu masha ni tai nna ngai mung shanhte a Karai Kasang tai na nngai.
Israela amyu masha ni a jahpawt kaw nna shana de du hkra galaw ai amu magup gaw akyu n rawng ai hte hten byak lam rai nga ai. Gumle gumlau ai hte kashun kashe du daw sai hkaw amu gaw shanhte hta grau nna law jat nga ai. Shanhte gaw Asuri ni hte ga shaka tawn da nhtawm Egutu masha ni hte hpaga bungli jawm galaw ma ai.”
Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, “Shanhte hpe shagu hkungga nawng ya mu!,” ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka!
Israela amyu masha ni gaw hpara sumla ni hte hpa mung seng na mara ai n rai; shanhte a akyu hpyi ga ni hpe ngai htan ya let shanhte hpe lanu lahku na we ai. Tsit lali ai hpun zawn ngai shanhte a makawp shingbyi shara tai ya na nngai; Ngai gaw shanhte yawng a shaman chyeju npawt rai nga nngai,” ngu nna tsun ai.
Dai aten hta hpara sumla ni a amying hpe dai mungdan hta na yeng seng kau na nngai; shaloi kadai mung htawm hpang prat e, dai ni hpe galoi mung dum nga na ma ai n rai. Myihtoi tai na matu tsun ai ni kadai hpe mung ngai seng kau nna, hpara sumla ni hpe nawku na ra sharawng myit ni hpe la kau ya na we ai.
ကြော်ငြာတွေ