HOSEA 14:2 - Jinghpaw Common Language Bible 2009

² Dai Madu kaw nhtang wa mu, ndai akyu hpyi ga hte shi kaw nanhte a hkungga shatai mu: “Anhte a shut hpyit ai yubak mara mahkra mara raw dat ya mi, anhte a akyu hpyi ga hkap la ya mi, anhte ga sadi tawn da saga ai hte maren, anhte nang hpe shakawn kungdawn na ga ai.

Jinghpaw Hanson Version Bible

² Tawngban ga tsun nna, Yehowa hpang de nhtang wa let, Anhte a shut hpyit ai nlang raw dat kau ya mi; kaja ai hpe hkap la ya mi; shing rai anhte gaw n-gup ga ngu ai usu nang hpe nawng ya na ga ai.

HOSEA 14:2 ပူးပေါင်းရင်းမြစ်များ

2 SAMUELA 12:13

Dawi gaw, “Dai Madu hpe ngai shut kau ni ai,” ngu nna tsun wu ai. Nahtan mung, “Dai Madu nang hpe yubak raw ya nga sai; nang si lu na nit dai n rai.

2 SAMUELA 24:10

Rai ti mung Dawi gaw yuptung jahpan hta la ngut jang, shi a myit kangi kanga rai nna shi hpe sharu hpang wa nga ai. Shi gaw dai Madu hpe, “Ndai amu galaw let hkrit hpa yubak langai ngai galaw shut kau se ai! Chyeju hte nye a mara raw dat kau ya e; ngai wa angawk ai hku amu galaw kau se ai,” ngu nna tsun wu ai.

YOBA 7:21

Nang gaw nye a shut hpyit mara hpe galoi mung n raw ya lu sani? Ngai galaw shut ai amu hpe nang mara n dat ya lu sani? Kade n na yang, nye a lup sung hku hta ngai taw nga na ni ai; nang ngai hpe tam ai shaloi, ngai nga na nngai n rai.

SHAKAWN KUNGDAWN 119:108

Madu e, nye a chyeju shakawn akyu hpyi ai ga hpe hkap la ya nna, na a hkang da ai lam, ngai hpe sharin ya e.

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

SHAKAWN KUNGDAWN 51:16

Nang gaw shagu hkungga ni hpe n ra sharawng nga ndai, shing n rai yang, ngai sak jaw na de ai; nang gaw wan nat hkungga ni hpe mung n ra sharawng nga ndai.

SHAKAWN KUNGDAWN 51:17

O Karai Kasang e, nye a shagu hkungga gaw shagrit shanem ai myit rai nga li ai; shagrit shanem ai myit hte myit malai ai myit masin hpe nang n ningdang kau na ndai.

ESAIA 44:22

Ngai gaw sumwi zawn na yubak ni hpe ye kau ya ni ai. Ngai hpang de nhtang wa rit; ngai gaw nang hpe hkye la ai wa rai nga nngai,” ngu tsun ai.

ESAIA 6:7

Shi gaw dai grung nga ai wan n-ga hte nye a nten hpe ahtawk ya let, “Ndai hte na a nten hpe hkra ya sai, ya gaw na a mara mung n nga mat nit dai, na a yubak ni hpe raw dat kau ya sai,” ngu nna tsun ai.

YEREMIA 3:12

Shi gaw Israela hpe ning ngu sa tsun na matu ngai hpe tsun wu ai: “Sadi n dung ai Israela e, ngai hpang de nhtang wa marit. Ngai gaw matsan chye dum nga nngai, masin pawt na nngai n rai; ngai gaw nang hpe htani htana apawt nga na nngai n rai.

HOSEA 12:7

Dai Madu gaw, “Israela amyu masha ni gaw Hkanan masha ni zawn n ding n man nga ma ai; shanhte gaw n man ai joi jang ni hte shanhte a arai mari hkyawt la ai ni hpe maw sha na sharawng nga ma ai.

HOSEA 5:5

Israela amyu masha ni a myit tsaw myit dap ai gaw shanhte hpe yawn madai shangun nga ai. Shanhte a yubak ni gaw shanhte hpe ahtu kataw shangun nga ai, Yuda amyu masha ni gaw shanhte hte rau kadawng mat nga ai.

HOSEA 6:6

Ngai gaw nanhte a yam nga shagu hkungga ni hpe n rai, nanhte a dinggrin tsaw ra myit hpe ra nngai. Ngai gaw nye a matu wan nat hkungga nawng ya na hta amyu masha ni ngai hpe chye na mahtang ngai grau nna hkam la mayu nga nngai.

YOELA 2:17

Tawn hkungri hte Nawku Htingnu chyinghka lam lapran dai Madu hpe daw jau nga ai hkinjawng ni mung hkrap ai hte ning ngu akyu hpyi ma ai: “Madu e, na a amyu masha ni hpe matsan dum la mi law. Kaga masha amyu ni, ‘Nanhte a Karai Kasang kanang nga nga a ta?,’ nga nna tsun let anhte hpe asawng asang di nna n ashu kau shangun u ga law.’”

YONA 2:9

Rai ti mung, ngai chyawm gaw nang hpe mahkawn shakawn na nngai; ngai gaw nang hpe shagu hkungga nawng ya ai hte ngai ga sadi tawn da sai hte maren galaw na we ai. Hkye hkrang la ai lam gaw dai Madu kaw na du sa nga ai!”

ZEHKARIA 3:4

Dai lamu kasa gaw shi a sumsing lamu na ali ama ni hpe, “Ndai masha wa bu hpun nga ai agang chyalang re ai hpun palawng raw kau ya mu,” ngu nna tsun wu ai. Dai hpang, shi gaw Yawshu hpe, “Ngai na a yubak mara hpe la kau ya se ai rai nna hpun na hpun palawng nnan nang hpe jaw na nngai,” ngu nna tsun wu ai.

MAHTE 7:11

Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

LUKA 11:13

Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

YAWHAN 1:29

Hpang shani e Yawhan gaw, shi hpang de Yesu sa wa ai hpe mu wu yang, “Mungkan masha ni a yubak gun kau ya ai, Karai Kasang a Sagu Kasha rai nga ai law!

ROMA 11:27

Shanhte a yubak mara ni hpe ngai raw dat yeng seng kau ya ai shaloi e, ngai shanhte hte ndai ga shaka tawn da na nngai.” nga nna ka da nga ai.

2 TIMOHTI 1:9

Karai Kasang gaw anhte galaw sai mai kaja dum ai amu bungli lama ma a majaw n rai, shi nan a yaw shada ai lam hte chyeju a majaw anhte hpe hkrang la nna shi a amyu masha tai na matu shaga la mani ai. Shi gaw mungkan nnan lat ai ten a shawng kaw nna Hkristu Yesu a marang e dai chyeju anhte hpe jaw da mani ai.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 10:4

Hpa majaw nga yang, usu asai hte bainam asai gaw yubak mara hpe galoi mung yeng seng kau ya lu ai n rai.

HEBRE 13:15

Dai rai nna anhte gaw shi hpe anhte a Madu re ai ngu nna yin la ai n-gup ni hte chyeju shakawn ai anhte a hkungga hpe Yesu a gawp e Karai Kasang kaw tut nawng e nawng ya nga ga.

1 PETRU 2:5

Nanhte gaw asak hkrung nga ai nlung ni zawn Karai Kasang kaw sa nna dai wenyi hte seng ai htingnu gaw gap ai hta nanhte ni nan shang lawm jai lang hkam nga mu. Dai shara hta Madu Yesu a marang e wenyi hte seng nna sharawng awng hkap la ging ai shagu hkungga ni hpe Karai Kasang kaw nawng ya na matu chyoi pra ai hkinjawng ni zawn nanhte daw jau na rai myit dai.

1 PETRU 2:9

Rai ti mung nanhte gaw lata la ai amyu, Hkawhkam a hkinjawng ni, chyoi pra ai amyu masha ni hte Karai Kasang shi nan madu nga ai ni rai nga myit dai; shing rai lata la ai lam gaw, nanhte hpe nsin kata kaw nna shi a mauhpa nhtoi de shaga bang wa ai wa a hpung shingkang rawng ai magam amu ni hpe shana shabra shabrawng dat ya na matu rai nga ai.

1 YAWHAN 1:7

Rai ti mung shi gaw nhtoi hta nga nga ai zawn, anhte mung Nhtoi hta asak hkrung hkawm sa nga ga yang gaw, anhte langai hte langai shada da kanawn mazum ai ni rai nga ga ai hte shi Kasha Yesu a asai gaw anhte hta na yubak nlang hte hpe jasan jaseng kau ya mi ai.

1 YAWHAN 3:5

Hkristu gaw shinggyim masha ni a yubak mara ni hpe la kau na matu dan pru nga ai hpe nanhte chye myit dai: shi hta e yubak n rawng nga ai.