HOSEA 13:9 - Jinghpaw Common Language Bible 2009

⁹ “Israela amyu masha ni e, ngai nanhte hpe jahten shabyak kau na made ai! Shaloi nanhte hpe kadai wa karum la lu na rai ma ta?

Jinghpaw Hanson Version Bible

⁹ “Israela e, nang hpe karum ai wa, ngai hte nan, nang nhtan shai nga ai gaw, nang hpe jahten shabyak ai lam rai nga ai.

HOSEA 13:9 ပူးပေါင်းရင်းမြစ်များ

2 HKAWHKAM LABAU 28:23

Shi gaw shi hpe gasat dang kau ai Suri masha ni a karai ni hpe shagu hkungga ni nawng ya wu ai. Shi gaw, “Suri karai ni gaw Suri hkawhkam ni hpe karum ya nga ai; shanhte hpe ngai hkungga nawng ya ai rai yang, ngai hpe mung dai ni karum la mai na ma ai,” ngu nna tsun wu ai. Dai gaw shi a ntsa e mung, shi a mung hta mung tsin-yam tsindam shapraw dat ai amu rai nga ai.

SHAKAWN KUNGDAWN 146:5

Yaku a Karai Kasang karum la ai lam hpe hkam la lu ai ni hte dai Madu shi a Karai Kasang hta shamyet shanat nga ai ni gaw a lu ma ai.

SHAKAWN KUNGDAWN 33:20

Anhte gaw dai Madu hpe myit mada nga ga ai; shi gaw anhte a makawp ninggang hte karum la ai wa rai nga ai.

SHAKAWN KUNGDAWN 46:1

Karai Kasang gaw anhte a shingbyi shara hte n-gun rai nga ai; ru tsang hkrum ai aten ni hta karum la na, tut nawng jin jin rai nga ai.

GA SHAGAWP 6:32

Rai ti mung, masha jan shaw ai wa chyawm gaw myit yu ai lam n nga nga ai; dai gaw shi hkum hpe jahten sharun kau na matu chyu sha rai nga ai.

GA SHAGAWP 8:36

Ngai hpe n mu tam ai masha wa gaw machyi hkrum nga nna; ngai hpe n dawng n yawt ai ni kadai mung si hkrung si htan hpe tsaw ra nga ai,” nga nna tsun nga ai.

ESAIA 3:11

Rai ti mung n hkru ai masha ni gaw dingnye hkrum nga sai; shanhte gaw kaga ni hpe galaw kau mu ai hte maren, shanhte hta mung ya jang dai hku hkrum hkra na mara ai.

ESAIA 3:9

Shanhte a myi man tam ai amu ni gaw shanhte a akyu jasum ya nga ai. Shanhte gaw Sodom masha ni galaw ai zawn yubak hpe adan sha galaw nga ma ai. Shanhte gaw dingnye hkrum nga masai, shanhte gaw yubak hpe shanhte hkum nan de shadu la nga manu ai.

YEREMIA 2:17

Israela e, ngai nang hpe hkrun lam dingyang woi wa ai shaloi, dai Madu na a Karai Kasang rai nga ai ngai hpe kau da nit dai majaw, nang nan ndai zawn re ai ari hkrum nga ndai.

YEREMIA 2:19

Nang nan galaw ai n hkru ai amu gaw nang hpe ari jaw na ra ai, ngai kaw na kayin mat wa ai gaw nang hpe daw dan na ra ai. Dai Madu na a Karai Kasang ngai hpe kau da nna, ngai hta loi mi pyi sadi n dung nga ndai gaw kade sha ahkup ahka nga nna shut hpyit nga ai hpe nang chye wa na rai ndai. Chyahtum Chyalai N-gun rawng ai Tsaw Htum ai dai Madu ngai nan tsun ni ai,” ngu nna tsun ai.

YEREMIA 4:18

Yuda e, Nang hkan nga ai sat lawat hte nang galaw da sai amu ni a majaw ndai lam nang hkum nan hkrum sha nit dai. Na a yubak gaw ndai nni nkri hpe shabyin dat nu ai; dai gaw na a myit masin hku achyaw galun ya nga sai.

YEREMIA 5:25

Shing rai na malai, na a shut hpyit ai yubak mara ni gaw nang hpe dai mai kaja ai a amu ni kaw na hkum shingdang kau ya nit dai.

HOSEA 13:4

Dai Madu gaw, “Ngai gaw nanhte hpe Egutu mung kaw nna woi shapraw wa ai dai Madu nanhte a Karai Kasang rai nga nngai. Ngai hta lai, nanhte Karai Kasang n lu myit dai. Ngai chyu sha nanhte a hkye la Madu rai nga nngai.

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

HOSEA 7:14

Shanhte gaw ngai kaw myit malang ai hte akyu n hpyi ma ai, rai ti mung shing rai na malai, shanhte gaw ga de gum dagup nhtawm tara maigan masha ni galaw ai zawn hkrap agru ma ai. Shanhte gaw nai mam nsi naisi hte sabyi hpyi ma ai shaloi, shanhte hkum hpe tara maigan ni zawn gadoi jahpye ma ai. Shanhte hpa baw gumlau nga ma hka!

HOSEA 7:15

Ngai gaw shanhte hpe pawn ba ai hte n-gun shaja ya ai wa rai tim pyi, shanhte ngai hpe gumlau ma ai.

MALAHKI 1:12

Rai ti mung, nanhte mahtang nye a tawn hkungri gaw hpa manu n dan ai nga nna nanhte tsun ai hte nanhte n sawn n sang di ai lusha hpe de a ntsa e nawng ya let ngai hpe kaya jahkrum myit dai.

MALAHKI 1:13

Nanhte gaw, ‘Ndai lam yawng mayawng a majaw anhte kade sha hki ba saga a hka!,’ ngu nna tsun let ngai hpe ladi sharawt dan myit dai. Lagu la ai, shing n rai lagaw hten ai, shing n rai machyi ai dusat langai ngai nanhte la sa nna ngai hpe nawng ya myit yang, nanhte kaw na dai hpe ngai hkap la na re ngu, myit nawn da myit ni?

MALAHKI 1:9

Ya chyawm gaw, hkinjawng ni e, Karai Kasang anhte hta mai kaja nga na matu hpyi shakut mu. Shi gaw nanhte a akyu hpyi ga hpe htan ya na n rai. Dai gaw nanhte a shut ai lam tai na ra ai.

TARA JAHPRANG 33:26

Israela amyu masha ni e, nanhte a Karai Kasang hte bung ai karai mi n nga; shi a hpung shingkang hta jawn, Sumsing lamu de yawn; nang hpe karum la na nga, sumwi hta jawn nna du sa nga.

TARA JAHPRANG 33:29

Israela e, nang gaw kade sha a nga n hka! Dai Madu hkye hkrang la sai amyu baw ngu ai nanhte hte bung ai wa mi kadai n nga nga ai. Dai Madu shi nan nanhte hpe makawp maga ya nna awng padang jaw jaw ya ai nanhte a makawp ninggang hte nhtu rai nga ai. Nanhte a gumlau hpyen ni matsan dum la na matu hpyi nem wa nna, nanhte mung shanhte hpe kabye dip lu na marin dai law.