HOSEA 13:8 - Jinghpaw Common Language Bible 2009

⁸ Ngai gaw nanhte hpe kasha shamat kau ai tsap kanu zawn htim gasat nna nanhte hpe gang je mahka kau na nngai. Hkanghkyi zawn htim ai shara hta nan mayu sha kau nhtawm matse labye dusat ni zawn nanhte hpe amya je kau na made ai.

Jinghpaw Hanson Version Bible

⁸ Kasha mat ai tsap kanu zawn, ngai shanhte hpe hkap shadang nna, shanhte a myit masin a sap sanap ashep kau na nngai: ngai gaw dai yang e hkanghkyi yi zawn shanhte hpe kawa sha kau na nngai; matse labye ni shanhte hpe amya sha kau na mara ai.”

HOSEA 13:8 ပူးပေါင်းရင်းမြစ်များ

2 SAMUELA 17:8

Na nwa Dawi hte shi a masha ni gaw ja ja share shagan ai hte htim gasat ai ni rai nna, tsap kanu gaw shi a kasha ni hpe magra amya ai zawn shanhte rai ma ai. Na a nwa gaw mahkrum madup law sai hpyenla rai nga ai majaw shana e shi a masha ni hte rau hkring nga na wu ai n rai.

SHAKAWN KUNGDAWN 50:22

“Ngai hpe malap mali rai nga ai wa nang e, ndai ga ni hpe madat yu u: shing n rai, ngai nanhte hpe jahten sharun kau na nngai, nang hpe hkye hkrang la na kadai mung nga na n rai.

SHAKAWN KUNGDAWN 80:13

dai hpun hpe wa ndu ni e, kabye agrawp mat wa nna, matse labye dusat ni, dai hte hkru kat nga ma ai.

GA SHAGAWP 17:12

Angawk ai magam bungli hpe galaw nga ai masha angawk langai mi hte hkrum na hta, kasha shamat kau ai tsap kanu hte hkrum na gaw grau mai kaja nga ai.

ESAIA 5:29

Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

ESAIA 56:9

Dai Madu gaw maigan masha amyu baw ni hpe matse labye dusat ni zawn du sa wa nna shi a amyu masha ni hpe kawa sha kau na lam tsun nu ai.

YEREMIA 12:9

Lata la hkrum sai nye a amyu masha ni gaw man maga shagu kaw nna langji ni htim achye hkrum ai ntsa malen u zawn rai ma ai. Lusha poi hta sa du shang lawm na matu matse labye dusat ni hpe shaga dat mu!

YEREMIA 25:38

Hkanghkyi gaw shi a lungpu hpe kau da ai zawn, dai Madu gaw shi a amyu masha ni hpe kau da nu ai. Hkrit kajawng hpa hpyen majan hte dai Madu a pawt sindawng ai gaw dai mungdan hpe katsi katsang re ai nam mali shara shatai kau nu ai.

HOSEA 2:12

Ngai gaw shi a sumtsaw ni shanhte hpe daw jau na matu shi hpe jaw da ai re nga nna shi tsun ai sabyi ru ni hte lagum hpun ni hpe jahten kau na we ai. Ngai gaw shi a sabyi sun ni hte namsi namsaw sun ni hpe nam mali shatai kau ya na we ai; nam na matse labye dusat ni shanhte hpe jahten kau na mara ai.

HOSEA 5:14

Ngai gaw Israela hte Yuda amyu masha ni hpe hkanghkyi langai zawn htim gasat na nngai. Ngai hkum nan shanhte hpe adaw atang di gang je kau na nngai, dai hpang shanhte hpe tawn kau da na nngai. Ngai shanhte hpe gang garawt mat wa ai shaloi, kadai mung shanhte hpe hkye hkrang la lu na ra ai n rai.