HOSEA 13:7 - Jinghpaw Common Language Bible 2009

⁷ Dai re ai majaw ngai gaw nanhte hpe hkanghkyi langai zawn htim gasat na nngai. Nanhte a hkrun lam dingyang hta rawng teng langai zawn gyem la nga na nngai.

Jinghpaw Hanson Version Bible

⁷ Dai re ai majaw, ngai shanhte a matu, hkanghkyi zawn rai nga nngai; rawnggawk zawn, lam makau e gyam yu na nngai.

HOSEA 13:7 ပူးပေါင်းရင်းမြစ်များ

YOBA 10:16

Ngai hta awng dang ai lam loi mi lu la yang, hkanghkyi zawn nang ngai hpe gyam nna ngai hpe nni nkri jahkrum na nga, mauhpa amu ni hpe pyi nang galaw ndai.

ESAIA 42:13

Dai Madu gaw share ninghkrin wa zawn gasat na pru sa nga ai; shi gaw majan gasat na matu jin jin rai nna myit katu nga ai. Shi gaw majan hta jahtau nna garu nga ai; shi gaw shi a gumlau hpyen ni hpe ninghkap na matu shi a daru magam n-gun hpe madun nga ai.

YEREMIA 25:38

Hkanghkyi gaw shi a lungpu hpe kau da ai zawn, dai Madu gaw shi a amyu masha ni hpe kau da nu ai. Hkrit kajawng hpa hpyen majan hte dai Madu a pawt sindawng ai gaw dai mungdan hpe katsi katsang re ai nam mali shara shatai kau nu ai.

YEREMIA 5:6

Dai re ai majaw, maling na hkanghkyi ni gaw shanhte hpe sat kau na mara ai; zaibru jang na chyahkyawn ni gaw shanhte hpe gang amya je kau na mara ai, rawngteng ni gaw shanhte a kahtawng ni hkan lagyim hkawm na mara ai. Ndai amyu masha ni pru hkawm yang, shanhte gaw ashep ashin rai gang je kau hkrum na mara ai, hpa majaw nga yang, shanhte a yubak mara ni law nga ai hte lang hte lang, Karai Kasang kaw na htak mat mat rai ma ai.

SHARUNG SHAYAWT 3:10

Shi gaw ngai hpe htim amya na tsap zawn ala nga nna, hkanghkyi zawn nye a ntsa e htim gamyet da ni ai.

HOSEA 5:14

Ngai gaw Israela hte Yuda amyu masha ni hpe hkanghkyi langai zawn htim gasat na nngai. Ngai hkum nan shanhte hpe adaw atang di gang je kau na nngai, dai hpang shanhte hpe tawn kau da na nngai. Ngai shanhte hpe gang garawt mat wa ai shaloi, kadai mung shanhte hpe hkye hkrang la lu na ra ai n rai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

AMO LAIKA (AMOS) 3:4

Hkanghkyi gaw nam maling kata e htim na shan shi n mu yang shabam ga a ni? Hkanghkyi uram gaw shahpa n lu rim yang, shi a nhkun kata e nying ga a ni?

AMO LAIKA (AMOS) 3:8

Hkanghkyi shabam ai shaloi, n hkrit ai wa kadai nga lu a ta? Tsaw Htum ai dai Madu shaga yang, myihtoi n htoi na kadai wa rai nga a ta?

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw ni gaw tsap lagaw zawn, shi a n-gup hkanghkyi n-gup zawn rai nga ai. Baren numraw gaw shi a hpung dagu hte mung shi a tingnyang hpe mung, shi a kaba la ai ahkang aya hpe mung, dai matse labye a lata de ap ya wu ai.