HOSEA 13:2 - Jinghpaw Common Language Bible 2009

² Shanhte gaw masha a myit hte kumla shapraw nna masha a lata hte galaw da ai gumhpraw hpara sumla ni, nawku na matu nhprang arai ni hte galaw ai hkrang sumla ni hpe galaw let yubak hpe naw matut shut nga ma ai. Dai hpang shanhte gaw, “Shanhte hpe shagu hkungga nawng ya mu!,” ngu nna tsun ma ai. Masha gaw ndai hpara sumla ni hte mung, dumsu usu hkrang re ai hpara sumla ni hpe kaning rai pup lu na rai hka!

Jinghpaw Hanson Version Bible

² Ya shanhte gaw yubak je je galaw nna, tinang nyan hkan let, tinang a gumhpraw hte jaw ai hpara sumla galaw ma ai: yawng hte gaw lasama amu hkrai rai nga timung, shanhte gaw dai sumla ni hpe ga tsun nna, hkungga nawng ya ai wa gaw, dumsu kasha ni hpe pup nga a hka!

HOSEA 13:2 ပူးပေါင်းရင်းမြစ်များ

1 HKAWHKAM 19:18

Rai ti mung, Bala hpe n gum dagup ai hte shi a hpara sumla hpe n pup ai sha ngai hta sadi dung nga ai ni yawng ngu na Israela mung na amyu masha hkying sanit hpe ngai naw jahkrung da we ai,” ngu nna tsun wu ai.

2 HKAWHKAM LABAU 28:13

Shanhte gaw, “Ndai bawng masha ni hpe ndai de hkum woi wa myit! Anhte mahtang dai Madu hpe shut kau saga ai. Anhte hpe ari jaw lu na daram shi hpe pawt sindawng shangun saga ai. Ya mung anhte a mara bai shut jat hkra lama mi hpe nanhte galaw mayu nga myit dai,” ngu nna tsun ma ai.

2 HKAWHKAM LABAU 33:23

Rai ti mung shi a kawa hte n bung ai sha, n shagrit shanem ai hte dai Madu hpang de n kayin wa nga ai. Shi gaw kawa hta pyi grau sawng hkra yubak mara shut hpyit nga ai.

SHAKAWN KUNGDAWN 2:12

hkrit gari ai hte shi hpe dingnyawm nga mu; shing n rai yang, shi a masin kahtet ai gaw alawan su rawt wa ai hte nanhte gaw akajawng sha si mat na marin dai. Makawp maga la na matu, shi kaw du sa ai ni gaw a lu ma ai.

ESAIA 1:5

Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

ESAIA 30:1

Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

ESAIA 44:11

Dai hpe nawku ai masha shagu mung shagrit kau ai hkrum na mara ai. Hpara sumla tawk ai amyu masha ni gaw shinggyim masha ni rai nga ma ai, dai hta na hpa mung n jan lu nga ai. Shanhte dinglik yu ai hkrum mu ga-shanhte gaw hkrit gari ai hkrum nna kaya kahpa hkrum sha na mara ai.

ESAIA 45:20

Dai Madu gaw, “Hkrat mat ai hkawseng mungdan hta naw ngam nga ai masha amyu baw ni e, sa hpawng marit; jep sagawn na matu nanhte nan du marit! Shanhte a hpun hpara sumla ni hte hpai madun ai ni hte shanhte hpe n hkye lu ai karai ni kaw akyu hpyi ai ndai amyu masha ni gaw hpa nan n chye nga ma hka!

ESAIA 46:6

Amyu masha ni gaw shanhte a tingsan hpaw nna aja ru bang ma ai; shanhte gaw joi jang ni hta gumhpraw shen ma ai. Shanhte gaw karai langai galaw na matu ja janghkam hpe saw shaga ma ai; dai hpang shanhte gaw dai hpe gum dagup let nawku ma ai.

ESAIA 46:8

“Yubak kap ai ni e, ndai amu hpe adum nga mu; ngai galaw sai amu hpe myit yu mu.

YEREMIA 10:4

ja gumhpraw ni hte sup shatsawm da nga ai. Dai sumla ni n di hkrat mat na matu hpri maina ni hte dit shangang da nga ai.

YEREMIA 10:8

Shanhte yawng myit n su ai hte angawk angak re ai ni rai ma ai. Hpun hte tawk ai hpara sumla ni kaw na hpa baw a lam hpe shanhte sharin la lu nga ma ta?

YEREMIA 8:5

Dai re ai mi, nye a amyu masha ni e, nanhte gaw n nhtang wa ai sha, ngai kaw na hpa majaw tut nawng kayin mat wa nga myit ni? Nang gaw na a hpara sumla ni hpe myit noi ai hte ngai hpang de nhtang wa na matu ningdang nga ndai.

HOSEA 10:1

Israela amyu masha ni gaw asi hpring hkra si ai sabyi hte bung nga ai. Shanhte ngamu ngamai wa magang, tawn hkungri ni hpe grau galaw magang rai ma ai. Shanhte a mungdan grau sut su wa magang shanhte nawku nna shanhte a lata hte galaw ai chyoi pra ai nlung shadaw ni grau tsawm wa rai nga ai.

HOSEA 10:5

Samari mare hta shanu nga ai masha ni gaw hkrit gari nna Behtela mare na ja dumsu mat mat ai majaw sharung shayawt na mara ai. Shanhte hte hpara sumla daw jau ai hkinjawng ni mung dai hta hkrap ngu hkrap ngoi na mara ai. De a hkik hkam ai aja shingkang hkoi mat jang, shanhte hkrap agru na mara ai.

HOSEA 11:2

Rai ti mung shi hpe ngai shaga magang, ngai kaw na shi kayin mat wa magang rai nga ai. Nye a amyu masha ni Bala hpe shagu hkungga nawng ya ma ai; shanhte gaw hpara sumla ni hpe manam pyaw ai baw nat nawng ma ai.

HOSEA 11:6

Majan gaw shanhte nga ai mare ni hpe ye masawm mat wa nhtawm mare chyinghka ni hpe agrawp daw kau na ra ai. Shanhte gaw kaja htum ai hku myit nawn la nna galaw ma ai majaw shing re ai lam gaw nye a amyu masha ni hpe jahten kau na mara ai.

HOSEA 14:3

Asuri gaw anhte hpe galoi mung hkye mawai la lu ai n rai; majan gumra ni mung anhte hpe makawp maga la lu ai n rai. Hpara sumla ni hpe anhte a Karai Kasang rai nga ai ngu nna, anhte galoi mung bai tsun sana ga ai n rai. O Madu e, kam hpa na masha langai mung n lu nga ai ni hpe matsan dum ai myit madun ya mi law.”

HOSEA 2:8

Ngai gaw shi hpe nai mam nsi naisi, sabyi ntsin, tsanlun sau, Bala hpara hpe nawku ai hta shi lang ai ja gumhpraw yawng hpe jaw ai wa rai nga nngai hpe shi galoi mung yin la nga ai n rai.

HOSEA 4:17

Israela amyu masha ni gaw hpara sumla ni a myit shalen la ai hkrum nga ma ai. Shanhte a lam hta shanhte myit ra ai hku hkan nga manu ga.

HOSEA 8:4

“Nye a amyu masha ni hkawhkam ni hpe lata la nga ma ti mung, shanhte myit ra ai hku galaw ma ai. Shanhte gaw ningbaw ni hpe san da ma ti mung, nye a myit ra ai hku n rai ma ai. Shanhte gaw hten byak ai hkrum hkra nga, aja, gumhpraw ni hpe la shapraw nna hpara sumla ni galaw ma ai.

HOSEA 8:5

Ngai gaw Samari mare masha ni nawku ai ja dumsu hpe n dawng nngai. Ngai dai ni hpe masin yu kahtet nngai. Shanhte gaw shanhte a hpara sumla nawku htung lai len hpe galoi du hkra n kau ai nga nga na ma ai kun?

HOSEA 8:6

Lata sama hpaji rawng ai Israela masha langai mi hpara sumla galaw nga ai. Dai gaw kaja wa karai kasang langai n rai nga a hka! Samari mare hta nawku ai aja dumsu agrawp mani kau ai hkrum na rai hka!

BU HKAWM 32:14

Ya mung dai Madu a masin kahtet ai gaw Israela a ntsa e jin jin bai shagrung dat na, dai n shawp n kap ai ban nnan masha nanhte gaw nanhte a kawa ni a malai rai nga manit dai.

ROMA 11:4

Rai ti mung Karai Kasang kaning nga nna htan a ta? Shi gaw, “Bala hpara a man e lahput garai n hput di ai lasha hkying sanit hte hpe nye a matu ngai shangam da se ai,” ngu wu ai.

ROMA 2:5

Rai ti mung nang gaw myit ja ai hte myit malai n lu ndai majaw, Karai Kasang a pawt bu nga ai hpe ding man ai hku tara dara ai lam dan pru ai nhtoi e nang gaw grau nna kaba ai ari hkrum lu na rin dai.

2 TIMOHTI 3:13

N hkru n kaja ai masha ni hte masu hkalem sha ai ni chyawm gaw masha hpe hkalem sha nna tinang ni nan hkalem sha ai bai hkrum ai hte n hkru ai lam hta n kaja ai kaw nna n kaja dik ai de grau grau matut shanang sa wa na mara ai.

1 SAMUELA 10:1

Dai hpang Samuela gaw tsanlun sau rawng ai di bu langai la nna Shawlu a baw ntsa e ru jaw nna shi hpe pup let, “Shi a amyu masha Israela hpe up hkang ai du tai na matu, dai Madu gaw nang hpe namman jaw ya nga ai. Dai rai nna shi a amyu masha ni hpe nang up hkang nna shanhte a gumlau hpyen ni yawng a lata kaw nna mung shanhte hpe makawp maga ya na rai ndai. Ndai gaw dai Madu nang hpe lata la nna shi a amyu masha ni hpe up hkang na du tai na matu nang hpe madun ai sakse rai nga ai.