HOSEA 13:16 - Jinghpaw Common Language Bible 2009

¹⁶ Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.

Jinghpaw Hanson Version Bible

¹⁶ Samari gaw tinang a Karai Kasang hpe gumlau ai majaw, mara kap na ra ai: shanhte gaw ri nhtu hte kadawng si na mara ai: ma kaji ni gaw, adit kau ai hkrum nna, na-um nasin re ai num ni, ahkri ga kau ai hkrum na mara ai.”

HOSEA 13:16 ပူးပေါင်းရင်းမြစ်များ

2 HKAWHKAM 15:16

Menahem gaw Tiza mare kaw nna pru hkawm wa yang, Tapua mare masha ni shi hpe asum n jaw mu ai majaw dai mare, mare masha ni hte de a grup yin shara hpe atsai awai jahten shaza kau wu ai. Na-um nasin byin ai numsha ni hpe pyi shi kan ga kau ya wu ai.

2 HKAWHKAM 17:18

Dai Madu gaw Israela amyu masha ni hpe pawt sindawng nga ai rai nna Yuda mungdan hpe chyu sha ngam da nhtawm shi a man kaw nna shanhte hpe gawt shapraw kau wu ai.

2 HKAWHKAM 17:5

Shalmanesa gaw Israela mung hpe shang gasat nhtawm Samari mare hpe wang tawn da wu ai. Wang da ai masum ning ngu na

2 HKAWHKAM 17:6

Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.

2 HKAWHKAM 8:12

Hazaela gaw, “Nang hpa majaw hkrap nga n ta?,” ngu nna san wu ai. Elisha chyawm gaw, “Israela amyu masha ni hpe nang galaw na ra ai hkrit kajawng hpa amu ni a lam hpe ngai chye nga nngai. Nang gaw shanhte a hpyen dap ni hpe nat kau ya nhtawm wa ngan shabrang ni hpe sat sharu kau nna shanhte a ma kaji ni hpe gumpye sat ai hte na-um nasin re ai numsha ni hpe kan ga kau ya na rai myit dai majaw re,” ngu nna htan wu ai.

ESAIA 13:16

Shanhte garen gari rai yu nga ma yang, shanhte a ma chyangai ni adit sat kau hkrum na mara ai, shanhte a dum nta ni hpya kau hkrum na mara ai, shanhte a madu jan ni roi rip hkrum na mara ai,” nga nna tsun ai.

ESAIA 17:3

Israela gaw dahpran shara kata byin mat na ra ai, Damasku gaw shi a awng dawm shanglawt ahkaw ahkang sum mat na ra ai. Naw ngam nga ai Suri masha ni gaw Israela amyu masha ni zawn myi man sum mat na mara ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

ESAIA 8:4

Dai ma gaw Nu e, Wa e, nga nna garai n chye shaga yang, Asuri hkawhkam gaw Damasku mare a sut gan ni hte Samari mung a lanep ni yawng hpe magawn la kau na ra ai,” ngu nna tsun wu ai.

HOSEA 10:2

Amyu masha ni a myit masin ni gaw masu hkalem myit rawng ai rai nna shanhte a yubak mara ni a majaw ya jang nni nkri hkam sha lu na rai ma ai. Karai Kasang gaw shanhte a tawn hkungri ni hpe agrawp shadaw kau ya nna, chyoi pra ai shadaw ni hpe jahten kau ya na ra ai.

HOSEA 11:6

Majan gaw shanhte nga ai mare ni hpe ye masawm mat wa nhtawm mare chyinghka ni hpe agrawp daw kau na ra ai. Shanhte gaw kaja htum ai hku myit nawn la nna galaw ma ai majaw shing re ai lam gaw nye a amyu masha ni hpe jahten kau na mara ai.

HOSEA 7:14

Shanhte gaw ngai kaw myit malang ai hte akyu n hpyi ma ai, rai ti mung shing rai na malai, shanhte gaw ga de gum dagup nhtawm tara maigan masha ni galaw ai zawn hkrap agru ma ai. Shanhte gaw nai mam nsi naisi hte sabyi hpyi ma ai shaloi, shanhte hkum hpe tara maigan ni zawn gadoi jahpye ma ai. Shanhte hpa baw gumlau nga ma hka!

AMO LAIKA (AMOS) 1:13

Dai Madu gaw, “Amon masha ni lang hte lang yubak galaw shut kau nga masai, dai lam a majaw ngai shanhte hpe teng teng ari jaw na we ai. Shanhte gaw lamu ga maden jat la lu na matu majan gasat ai shaloi Gilead mung na na-um nasin re ai num ni hpe pyi kan ga kau ma ai.

AMO LAIKA (AMOS) 3:9

Egutu hte Ashdod na hkawhkam htingnu ni hta nga ai ni hpe ning ngu tsun ndau mu: “Samari makau grup yin na kawng ni hta hpawng shinggyin ai hte dai shara na kaba ai kabring kabrawng amu hte shut hpyit kau ai ru hka amu ni hpe yu yu mu.”

AMO LAIKA (AMOS) 9:1

Ngai gaw tawn hkungri makau e tsap nga ai Madu hpe mu nngai. Shi gaw ndai hkang da ai ga jaw wu ai: “Nawku Htingnu shadaw ni a pungding ni hpe agrawp shadaw kau mu, shaloi grai ja ai npawt nhpang gaw gari ashun wa na ra ai. Dai ni hpe agrawp daw ai hte amyu masha ni a ntsa de hkrat shangun u. Ngai gaw ngam nga ai amyu masha ni hpe majan hta sat kau na we ai. Kadai mung hprawng lu na n rai; langai mi mung lawt lu na ra ai n rai.

MIHKA 1:4

Dai hpang, Bum ni gaw shi a npu hta wan kata na gitbaw zawn byawng mat na ra ai; kawng de na ru yu wa ai mawru hka zawn shanhte gaw kadit layang de ru hkrat mat wa na mara ai.

MIHKA 6:16

Hkawhkam Omri hte shi a kasha Hkawhkam Ahab ni a n hkru ai amu ni hta nang hkan galaw nga ndai majaw ndai lam byin wa na ra ai. Nang gaw shanhte a myit masa hta matut nna hkan nang nga ai majaw ngai nang hpe jahten kau na nngai; masha hkum shagu nang hpe asawng asang di kau na mara ai. Shara shagu hkan na amyu masha ni gaw nang hpe n kaw n law matsat kau na mara ai,” ngu nna tsun ai.

NAHUM 3:10

Ti mung, Thebe a masha ni ni gaw bawng dung hkrum mat wa ma ai. Shanhte a kashu kasha ni lam jut shara shagu hkan si hkra kayat sat kau hkrum nga masai. Shanhte a lam woi masha ni hpri sumri hte gyit hkang da hkrum nna shanhte a bawng madu ni hpaida da nhtawm, jawm karan la hkrum nga ma ai.