HOSEA 13:15 - Jinghpaw Common Language Bible 2009

¹⁵ Israela gaw tsingdu tsingman ni zawn law htam mayat maya wa mu tim, ngai gaw zaibru jang kaw nna kahtet kang ai sinpraw nbung dat dat na nngai. Dai gaw shanhte a hka hpawk ni hte hka htung ni hpe jahkraw kau na ra ai. Dai gaw manu hpu ai arai shagu hpe la kau ya na ra ai.

Jinghpaw Hanson Version Bible

¹⁵ “Shi gaw shi a kahpu kanau ni hta mayat maya wa timung, sinpraw nbung du na ra ai; Yehowa a nbung zaibru jang de na bung wa nna, shi a hka hpawk hkyet mat ai hte, shi a hka npun hkraw mat na ra ai: hpyen wa gaw shi a sutdek hta na hpu ai baw arung arai mahkra hpe kashun la na ra ai.

HOSEA 13:15 ပူးပေါင်းရင်းမြစ်များ

NINGPAWT NINGHPANG 41:23

Dai hpang e mung, kaji nna nyip nyip rai nhtawm kahtet kang ai zaibru jang nbung a majaw kahtet kyip mat ai mam gungsi sanit prut lung wa nga ai;

NINGPAWT NINGHPANG 41:52

Shi gaw, “Ngai ru yak tsin-yam tsindam sa hkrum ai mung hta Karai Kasang ngai hpe kashu kasha jaw ya ni ai,” ngu nna tsun wu ai. Dai majaw dai shadang sha hpe Ehprim ngu nna shamying wu ai.

NINGPAWT NINGHPANG 41:6

Dai hpang kahtet kang ai zaibru jang nbung ahpawt ai a majaw mam nmyem gungsi sanit pru nga ai.

NINGPAWT NINGHPANG 48:19

Shi a kawa chyawm gaw n hkraw ai hte, “Ngai chye nngai, ngai sha e, ngai chye nngai; Manashe amyu matu ni mung galu kaba ai amyu ni tai na mara ai. Rai ti mung, shi a kanau wa mahtang shi hta grau kaba na ra ai rai nna shi a amyu matu ni amyu baw law law tai wa na mara ai,” ngu nna tsun wu ai.

NINGPAWT NINGHPANG 49:22

“Yosep gaw hka hpawk makau e nga ai lawze shazai hte Kawng nhkrem hkan hkawm nga ai gumra kasha shazai hte bung nga ai.

YOBA 18:16

Shanhte a aru hte lakung lakying ni nyui mat nna hkraw mat na ra ai.

SHAKAWN KUNGDAWN 1:4

Rai ti mung, n hkru ai masha ni gaw dai zawn n rai; shanhte gaw nbung e shapoi ai numhkaw hte bung nga ma ai.

SHAKAWN KUNGDAWN 109:13

Shi a aru arat ni yawng hte mung si mat mu ga; shi a mying hpe hpang ban prat hta n dum shajang mu ga.

ESAIA 14:21

Sat hpang sanu! Shanhte a kaji kawa ni a yubak mara ni a majaw shi a shadang sha ni si na mara ai. Shanhte hta na kadai mung ginding aga hpe galoi mung up lu sana n rai, ginding aga hpe mare ni hte jahpring lu sana n rai.

ESAIA 17:13

Masha amyu baw ni gaw hka leng ni rawt hta wa ai zawn rawt lung wa ma ai, rai ti mung Karai Kasang gaw shanhte hpe daru ai shaloi shanhte gaw bum nhkrem hkan kap ai ga nhpu zawn, bung hpoi hta lawm nang ai yihku zawn htingnut mat wa nna gau kau hkrum nga ma ai.

ESAIA 27:8

Dai Madu gaw shi a amyu masha ni hpe maigan mungdan de gawt shapraw kau ai ari jaw nga ai. Shi gaw shanhte hpe sinpraw nbung bung ja hte shapoi kau nu ai.

ESAIA 41:16

Nang gaw dai ni hpe nbung hta katsap kau na rin dai; nbung gaw dai ni hpe ahpawt mat wa na ra ai, dai ni gaw nbung laru hte shabra kau hkrum na mara ai. Dai hpang nang kabu gara lu na ndai hpa majaw nga yang, ngai gaw na a Karai Kasang rai nga nngai; nang gaw chyoi pra ai Israela a Karai Kasang ngai hpe shakawn kungdawn na ra ai.

YEREMIA 20:5

Ngai gaw ndai mare a sut gan mahkra hte hpe mung, dai mare a sut gan arung arai nlang hte hte Yuda hkawhkam ni a sut gan ni du hkra pyi, shanhte a gumlau hpyen ni a lata de ngai ap kau na nngai. Shanhte gaw dai arai yawng mayawng hpe Babelon mung de la wa na mara ai.

YEREMIA 4:11

Zaibru jang e bung nga ai kahtet kang ai nbung gaw shanhte hpang de bung wa na lam, Yerusalem amyu masha ni hpe tsun dan na aten gaw du wa nga sai. Dai nbung gaw numhkaw hpe sha shapoi kau lu ai nbung bungli ahpawt ai zawn sha rai na ra ai n rai.

YEREMIA 4:12

Dai Madu a hkang da ai ga hte du sa ai nbung gaw dai hta grau ja ai nbung rai na ra ai! Dai gaw dai Madu shi nan shi a amyu masha ni hpe tara jeyang na lam tsun shana nga ai rai nga ai.

YEREMIA 51:1

Dai Madu gaw, “Ngai hpe Babelon mung hte dai mung na masha ni hpe hkap daw na matu jahten shaza lu ai nbung bung shangun wu ai.

YEREMIA 51:36

Dai rai nna dai Madu gaw Yerusalem amyu masha ni hpe, “Na a amu ngai lit la ya nhtawm, na a gumlau hpyen ni nang hpe di ai hte maren, shanhte hpe ngai matai htang na nngai. Ngai gaw Babelon mung a hka hpawk ni hpe jahkyet kau ya nna dai mung na hka nu hka ni hpe hkun hkraw shangun na nngai.

EZEKELA 17:10

Rai sa, dai hpe hkai da sai, rai ti mung, dai gaw hkrung nna tu kaba wa na rai ni? Sinpraw nbung gaw dai hpe ahpawt kau ai shaloi, dai gaw nyip mat wa na n rai ni? Dai gaw shi tu kaba wa ai shara hta nyip mat wa na ra ai n rai ni?”

EZEKELA 19:12

Rai ti mung, pawt sindawng ai lata gaw dai hpe ru hte hpawn baw kau nna ga de kabai kau nga ai. Sinpraw nbung gaw de a asi ni hpe jahkraw kau nu ai. De a lakung lakying ni agrawp daw mat nna; dai ni hkun hkraw mat ai hte hkru mat hkrum nga ai.

Daniela 11:8

Shi gaw shanhte jaw da ai karai sumla ni hte dai karai ni hpe ap nawng ya ai aja gumhpraw arai ni hpe Egutu mung de htaw mat wa na mara ai. Ngwi pyaw sim sa ai lam nga ai shaning ram ram na ai hpang,

HOSEA 10:1

Israela amyu masha ni gaw asi hpring hkra si ai sabyi hte bung nga ai. Shanhte ngamu ngamai wa magang, tawn hkungri ni hpe grau galaw magang rai ma ai. Shanhte a mungdan grau sut su wa magang shanhte nawku nna shanhte a lata hte galaw ai chyoi pra ai nlung shadaw ni grau tsawm wa rai nga ai.

HOSEA 2:3

Dai amu hpe shi n jahkring ai rai yang, ngai gaw shi a hpun palawng raw kau ya nhtawm shi shangai wa ai shani na zawn singgu krin di da na we ai. Ngai gaw shi hpe hkun hkraw nna akrin ayang re ai lamu ga zawn shatai kau na nngai; shi gaw hpang gara ai hte si mat wa na ra ai.

HOSEA 4:19

Shanhte gaw nbung e shapoi kau ai hkrum nna shanhte galaw ai tara maigan shagu hkungga ni a majaw kaya kahpa hkrum na mara ai.

HOSEA 9:11

Israela a galu kaba ai gaw ntsa malen u zawn pyen mat wa nna, dai yang e shanhte a matu ma n shaprat, numsha ma ni hkum gawng n li, ma hkum n tai rai na mara ai.

YONA 4:8

Ajan pru jang, Karai Kasang gaw kahtet ai sinpraw nbung shangun dat ai hte Yona a baw ntsa e jan ja bun nga ai majaw ganoi noi malap mat wu ai. Dai rai nna shi gaw si mat na hpe ra sharawng nga ai. Shi gaw, “Ngai gaw hkrung nga na hta si mat na mahtang grau kaja nga nngai,” ngu nna tsun wu ai.

NAHUM 2:9

Gumhpraw kashun la mu! Ja kashun la mu! Ndai mare gaw sut gan hte hpring nga ai!

TARA JAHPRANG 33:17

Usu n-gun mung, hpawlam nrung mung Yosep hta rawng nga ai; Shi a nrung gaw Manashe a matu hkying hkying rai nna, Ehprim a matu mun mun rai nga ai. Dai ni hte masha amyu ni hpe daru nna, lamu ga htum hkra dai ni hpe kanawng sit kau na mu ai.”