HOSEA 13:14 - Jinghpaw Common Language Bible 2009

¹⁴ Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai.

Jinghpaw Hanson Version Bible

¹⁴ Shing rai ngai gaw shanhte hpe katsan ga de na mawai la na rai ni? si hkrung si htan kaw na, gare la na rai ni? Si hkrung si htan e, na a ana zinli, kanang nga a ta? Katsan ga e, nang shapraw ai tsin-yam tsindam, kanang nga a ta? myit malai na lam, ngai n mu nngai.”

HOSEA 13:14 ပူးပေါင်းရင်းမြစ်များ

YOBA 33:24

Lamu kasa gaw matsan dum ai hte, “Shanhte hpe dat dat mu! Shanhte gaw katsan ga de yu wa ang ai ni n rai ma ai. Shanhte hpe shalawt dat kau ya na gawng malai ndai yang e nga nga ai,” ngu nna tsun na ra ai.

YOBA 41:22

Shi a du gaw grai n-gun rawng nga ai; shi hte hkrum katut ai ni yawng hkrit gari nga ma ai.

SHAKAWN KUNGDAWN 30:3

nang gaw ngai hpe nsung hku hta na mawai la nit dai. Ngai Katsan ga de yu wa nga ai kaw na nang nye a asak hpe mawai la nit dai.

SHAKAWN KUNGDAWN 49:15

Rai ti mung, Karai Kasang gaw ngai hpe mawai la nna; shi ngai hpe si du a lata kaw nna hkye hkrang la na ra ai.

SHAKAWN KUNGDAWN 49:16

Masha langai mi sut gan lu su wa nna; shi a sut gan n taw n tsang law htam jat wa ai shaloi, myit gale galau hkum rai nga et;

SHAKAWN KUNGDAWN 71:20

Nang gaw ru tsang lam ni hte nni nkri lam ni hpe nye a ntsa e, hkrum sha shangun ai rai tim, nang gaw nye a n-gun hpe bai jahpring ya na rai nga ndai; lup sung hku de n du hkra mung, nang ngai hpe kyem mazing la na rin dai.

SHAKAWN KUNGDAWN 86:13

Na a dinggrin tsaw ra myit gaw nye a matu kade wa kabu gara nga a hka! Nang gaw ngai hpe lup sung hku kaw nna nan hkye hkrang la nit dai.

ESAIA 25:8

Dai Tsaw Htum ai Madu gaw si hkrung si htan hpe htani htana jahten kau na ra ai! Shi gaw masha shagu a myi ni kaw na hkrat ai myi prwi ni hpe katsut kau ya nna, shi a amyu masha ni mungkan ting hta hkrum sha lai wa sai kaya kahpa hpe mung la kau ya na ra ai. Dai Madu shi nan tsun nu ai.

ESAIA 26:19

Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

YEREMIA 15:6

Nanhte amyu masha ni gaw ngai hpe kau da manit dai; nanhte ngai hpe shingdu kayin kau manit dai. Dai rai nna nye a masin kahtet ai hpe shakawp na hki ba mat ni ai majaw, ngai gaw lata ladawn ai hte nanhte hpe agrawp mani kau nngai.

YEREMIA 20:16

Madu gaw matsan dum ai lam n nga ai sha dai mare ni hpe jahten kau ai zawn, shi tai nga u ga. Jahpawt manap e nchyi nmu nga nna jahtau ai nsen ni hte shani chyingtung e majan jasu shadum ai nsen ni shi na u ga,

YEREMIA 31:35

Dai Madu gaw shani nhtoi a matu ajan, shana e htoi ya na matu shata hte shagan ni hpe tawn da nga ai. Shi gaw panglai ni hpe kabrawng dat nna dai hpe wu kadu shangun nga ai; shi a amying gaw Chyahtum Chyalai N-gun Rawng ai dai Madu rai nga ai.

EZEKELA 37:9

Karai Kasang gaw ngai hpe, “Si chye ai masha wa e, nbung hpe myihtoi htoi u. Dai nbung gaw mungkan man shagu de nna bung wa nhtawm ndai si mang ni a kata de nsoi nsa bang ya nna shanhte asak bai hkrung wa lu mu ga, Tsaw Htum ai dai Madu hkang da ai hte maren, nbung hpe tsun u,” ngu nna tsun wu ai.

HOSEA 6:2

Lahkawng masum ya rai jang, shi anhte hpe shaprawn la na ra ai, anhte gaw shi a man e nga lu na ga ai.

HOSEA 7:10

Israela amyu masha ni a myit tsaw myit dap ai gaw shanhte a matu sari jahpoi hkrum na lam rai nga ai. Lam magup byin hkrum hkra nga ma tim, shanhte gaw dai Madu shanhte a Karai Kasang ngai hpang de n kayin wa ma ai.

MALAHKI 3:6

“Ngai gaw dai Madu rai nga nngai. Ngai gaw galai mat ai n rai. Dai re ai majaw Yaku a amyu matu ni e, nanhte gaw ya du hkra tsep kawp mat mat myit dai n rai.

BU HKAWM 23:19

Karai Kasang gaw masu chye ai masha ni zawn n rai; Shi gaw myit chye galai ai shinggyim masha langai mi n rai. Shi jaw da ai ga sadi amu hpe shi galaw ai; Shi tsun ai hte maren galaw shatup nga ai.

ROMA 11:15

Hpa majaw nga yang nye a amyu masha ni hpe Karai Kasang kabai kau ai shaloi masha amyu ni hpe Karai Kasang a hpyen ni tai nga ai kaw na shi a jinghku ni tai wa hkra, htinglu htinglai ya ai lam byin wa sai. Dai rai nna shanhte hkap la ai bai hkrum yang, hpa byin wa na rai ta? Dai gaw si ai ni kaw na bai hkrung rawt ai asak rai na ra ai.

ROMA 11:29

Hpa majaw nga yang Karai Kasang gaw kadai hpe rai ti mung shaga la nna shaman chyeju jaw na matu daw dan sai hpang myit n galai chye ai wa rai nga ai.

2 KORINHTU 5:4

Ndai dinghta sum hta naw nga ai shaloi gun hpai ai lit e dip gamyet ai hpe hkam sha ai myit hte madai nga ga ai. Shingrai madai ai lam gaw anhte a dinghta hkum hkrang hpe gun kabai kau mayu ga ai majaw n rai, si mat chye ai hpe htani htana asak hkrung ai de galai mat na matu sumsing lamu na hkum hkrang hpe anhte dagraw la mayu ai majaw rai nga ai.

HPILIPI 3:21

Shi gaw arai yawng mayawng hte hpe shi a npu e tawn da lu ai hpung shingkang daru magam atsam hte anhte a si chye ai hkum hkrang ni hpe galai kau nna shi a hpung shingkang rawng ai hkum hkrang hte bung hkra galai shachyaw ya na ra ai.

1 HTESALONI 4:14

Madu Yesu gaw si mat nna bai hkrung rawt wa ai hpe anhte kam nga ga yang gaw, Yesu hpe kam sham nna si mat wa ai ni hpe mung Karai Kasang gaw Yesu hte rau shi hpang de woi wa na maru ai ngu nna anhte kam sham ga ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

SHINGRAN 20:13

Dai hpang, panglai gaw tinang hta rawng ai masha chyasi ni hpe bai dat ya wu ai. Si hkrung si htan hte si ai ni nga ai katsan ga mung, shanhte hta rawng ai masha chyasi ni hpe bai dat ya mu ai. Shanhte gaw tinang galaw lai wa sai arawn alai hte maren, tara daw dan ai hkrum ma ai.

SHINGRAN 21:4

Shi gaw shanhte a myi hta na myi prwi pru mapru yawng katsut kau ya na ra ai: htawm hpang de si hkrung si htan ngu ai n nga lu na sai; sharung shayawt, hkrap ngu hkrap ngoi ai hte machyi makaw, hki si ba si ai mung n nga lu na sai. Shawng na byin ga ai lam dingsa nga manga hte gaw hkoi mat wa sai,” nga nna tsun ai.

SHINGRAN 6:8

Bai, ngai yu dat yang, asit awat nsan ai gumra langai mi nga nga ai. Dai hpe jawn ai wa a mying gaw Si Du rai nga ai. Shi a hpang e Katsan Ga mung htep htep hkan nang nga ai. Shanhte gaw, mungkan ga a htam mali na htam mi hta nga ai masha ni hpe majan hte, hkuwa kaba hte, ana zinli hte, matse labye dusat ni hte zingri sat kau na ahkang lu da ma ai.

1 SAMUELA 15:29

Daru magam n-gun hpung shingkang hte hpring ai Israela a Karai Kasang gaw masu ai n rai; shi a myit chye galai nga ai n rai. Shi gaw shinggyim masha langai n rai, shi a myit galai shai chye ai n rai,” ngu nna tsun wu ai.