HOSEA 13:13 - Jinghpaw Common Language Bible 2009

¹³ Israela gaw hkrung nga lu na ahkang lu ti mung, dai lam myit ai gaw nau wa angawk ai nga ai rai nna kanu a hkritung kaw nna shangai pru wa na matu yak nga ai ma hte bung nga ai.

Jinghpaw Hanson Version Bible

¹³ Shinggyim machyi ai num zawn, shi yawn hkyen hkrum na ra ai; shi gaw gam n rawng ai kasha rai nga ai: shangai nhtoi gu timung, madang nga ai ma rai nga ai.

HOSEA 13:13 ပူးပေါင်းရင်းမြစ်များ

2 HKAWHKAM 19:3

Da ndai gaw Esaia hpe sa jaw na, shi shanhte hpe tsun dat ai ga rai nga ai: “Dai ni gaw nni nkri hkrum ai shani rai nga ai. Anhte gaw asawng asang hkrum let ari jaw hkrum nga saga ai. Ma shangai na nhtoi gu ti mung shangai lu na matu n-gun grai kya nga ai numsha langai zawn rai nga saga ai.

SHAKAWN KUNGDAWN 48:6

Shanhte gaw dai yang e, ma shangai hkyen nna shinggyim machyi hkrum ai num hte,

GA SHAGAWP 22:3

Chye myit chye mang ai masha ni gaw du wa na ru yak tsin-yam hpe tau mu nna, dai hpe koi yen ti mung; nyan tang ai ni chyawm gaw dai tsin yam kata de shang bang wa nna, hpang e she shut dum na mara ai.

ESAIA 13:8

Shanhte gaw shinggyim machyi ai numsha zawn yawng hte gaw hkrit kajawng ai hte nchyi nmu hkrum sha na mara ai. Shanhte gaw hkrit ai myit hte shada da yu hkat na mara ai; shanhte a myi man ni gaw kaya kahpa hte hkyeng mat na mara ai.

ESAIA 21:3

Ngai mu ai hte na ai shingran hta shinggyim machyi ai num zawn hkam sha ai hkrit hpa lam hte nchyi nmu gaw ngai hta hpring nga li ai.

ESAIA 26:17

Madu e, nang gaw anhte hpe shinggyim machyi hkrum ai majaw jahtau nga ai numsha zawn, jahtau shangun nga ndai.

ESAIA 37:3

Ndai gaw Esaia hpe sa tsun na matu shi shanhte hpe hkang dat ai ga rai nga ai: “Dai ni na nhtoi gaw nni nkri hkrum sha ai shani rai nga ai; anhte gaw ari hkrum sha nna kaya kahpa hkrum nga saga ai. Anhte gaw ma shangai na matu jin jin rai nga sai, rai ti mung shangai lu na matu n-gun n rawng ai numsha langai hte bung nga saga ai.

ESAIA 66:9

Ngai gaw nye a amyu masha ni hpe shangai mahka e shanhte n shangai wa manu ga,” ngu tsun na zawn hkum myit nawn nga myit. Dai Madu tsun nu ai.

YEREMIA 13:21

Na a jinghku jingyu ni nang hpe dang kau ai hte nang hpe up ai shaloi, nang kaning ngu tsun na nu ni? Nang gaw shinggyim machyi ai num zawn nchyi nmu hkrum na rin dai.

YEREMIA 22:23

Lebanon mung kaw na la wa ai arit hpun ni a lapran hta nang shim ai hte ban sa lu ti mung, shinggyim machyi hkrum ai num zawn nchyi nmu gaw nang hpe machyi shangun ai shaloi, nang kade wa matsan mayan hkrum nga n hka!

YEREMIA 30:6

Ya chyawm gaw dai lam hpe jahkring da nna myit sawn yu mu! Lasha gaw ma shangai ya lu nga a ni? Shinggyim machyi ai num zawn shi a lata ni hte shi a kan ntsa e jum tawn da ai lasha shagu hpe hpa majaw ngai mu a ta? Masha shagu hpa majaw nsam dai daram sum nga ma ta?

YEREMIA 4:31

Ngai gaw shinggyim machyi ai numsha hte kasha alat shangai ai numsha a jahtau kyik ai nsen zawn jahtau hkrap ai nsen hpe na ni ai. Dai gaw Yerusalem a jahtau ai nsen rai nna ba galawp ai hte shi a lata ladawn nna, “Ngai gaw hten run ai hkrum nga nngai! Shanhte gaw ngai hpe sat na matu sa wa nga ma hka!,” ngu nna tsun nga ai.

YEREMIA 49:24

Damasku masha ni gaw n-gun yawm nga ma ai; shanhte gaw hkrit gari ai hte hprawng mat masai. Shanhte gaw shinggyim machyi hkrum ai numsha zawn kawa machyi ai hte nchyi nmu hkrum sha nga ma ai.

HOSEA 5:4

Amyu masha ni galaw kau ai n hkru n shawp ai amu gaw shanhte a Karai Kasang hpang de nhtang wa na kaw na shanhte hpe hkum shingdang da ma ai. Hpara sumla nawku ai htung lai a n-gun gaw shanhte hpe ka-up kau nga sai. Shanhte gaw dai Madu hpe n yin la ma ai.

YAWHAN 16:21

Numsha langai mi gaw kasha shangai na rai yang, shi a machyi hkam sha na ahkying aten du ra ai majaw, yawn hkyen nga ai, rai ti mung kasha shangai ngut jang, ndai mungkan ga e ma langai mi shaprat tawn nu ai majaw shi kabu gara nga ai rai nna shawng na ru tsang ai hpe n dum nu ai.

YAWHAN 5:4

(Karai Kasang a lamu kasa langai mi gaw jahkring jahkring sha hka lawng de yu sa nna hka hpe shamu shangun wu ai rai nna, dai masha ni gaw hka shamu wa na hpe la nga ma ai. Shing rai hka shamu wa ai hte rau shawng nnan hka lawng de shang lu ai wa gaw ana ahkya mat nga malu ai)

KASA 24:25

Rai ti mung Pawlu gaw ding hpring ai lam, tinang hkum hkang ai lam hte du magang ra ai tara daw dan ai nhtoi a lam hkaw tsun dan ai shaloi Hpilik hkrit kajawng nna, “Ya nang naw wa su, ngai rau jang she ngai nang hpe bai shaga na de ai,” ngu wu ai.

2 KORINHTU 6:2

Madat mu, Karai Kasang gaw, “Ngai nanhte hpe chyeju jaw na aten du ai shaloi, nanhte a hpyi nem ai ga hpe ngai madat ya made ai; ngai nanhte hpe hkye hkrang la na ninghtoi du ai shaloi, nanhte hpe ngai karum made ai,” nga nna shi tsun nga ai. Karai Kasang a chyeju hkam la na ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

TARA JAHPRANG 32:6

Angawk angak hte myit n su ai amyu masha ni e, nanhte gaw dai Madu hpe dai zawn galaw ai gaw lam jaw nga a ni? Shi gaw nanhte a kawa, nanhte hpe hpan da ai wa rai nga ai, shi gaw nanhte hpe amyu baw shatai nu ai.

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!