HOSEA 13:11 - Jinghpaw Common Language Bible 2009

¹¹ Nye a masin pawt bu ai hte nanhte hpe ngai hkawhkam jaw ni ai. nye a sindawng kahtet ai hte shanhte hpe ngai dawm la se ai.

Jinghpaw Hanson Version Bible

¹¹ Ngai pawt bu ai hte, nang hpe hkawhkam jaw ni ai; nye a n-yun bu ai hte, shi hpe dawm la se ai.

HOSEA 13:11 ပူးပေါင်းရင်းမြစ်များ

GA SHAGAWP 28:2

Amyu masha ni yubak hkrum sha ai shaloi, dai hta mung du ni langai hpang langai up hkang na mara ai. Rai ti mung, nyan sam ai hte htauli htaula myit rawng ai ningbaw ningla ni woi hkang ai shaloi, mungdan gaw n-gun rawng wa nna grin ngang nga ai.

HOSEA 10:3

Ndai amyu masha ni gaw kade n na yang, “Dai Madu hpe anhte n hkrit hkungga ga ai majaw anhte hkawhkam n lu ga ai. Rai ti mung, hkawhkam dai anhte a matu hpa wa mi galaw ya lu na rai ta?,” ngu nna tsun na mara ai.

HOSEA 10:7

Shanhte a hkawhkam wa gaw hka ntsa e tsawt ai hpun hkyep zawn woi la kau ai hkrum na ra ai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

HOSEA 8:4

“Nye a amyu masha ni hkawhkam ni hpe lata la nga ma ti mung, shanhte myit ra ai hku galaw ma ai. Shanhte gaw ningbaw ni hpe san da ma ti mung, nye a myit ra ai hku n rai ma ai. Shanhte gaw hten byak ai hkrum hkra nga, aja, gumhpraw ni hpe la shapraw nna hpara sumla ni galaw ma ai.

1 SAMUELA 10:17

Samuela gaw Mizpa shara e nawku htung hte seng ai zup hpawng a matu amyu masha ni hpe shaga shinggyin da wu ai;

1 SAMUELA 10:19

Nanhte a ru yak tsin-yam tsindam hte mayak manghkang lam yawng hta na nanhte hpe hkye mawai shaw la ai wa mung, nanhte a Karai Kasang ngai nan rai nga nngai; rai ti mung dai ni nanhte ngai hpe ningdang kau nhtawm hkawhkam jaw ya mi, nga nna ngai kaw san myit dai. Rai sa, dai gaw grai kaja nga ai, dai rai nna dai Madu a man e amyu bawsang hte bawsang, lakung lama hte lakung lama rai nanhte nan hpawng nga mu,’” ngu nna tsun wu ai.

1 SAMUELA 12:1

Dai hpang Samuela gaw Israela amyu masha ni hpe, “Nanhte ngai kaw hpyi mahpyi ngai galaw ya made ai. Nanhte hpe up hkang na hkawhkam langai mung ngai jaw ya ma sade ai,

1 SAMUELA 12:13

“Ya chyawm gaw nanhte lata la sai hkawhkam wa ndai yang e nga nga ai; shi hpe nanhte hpyi myit dai majaw dai Madu mung nanhte hpe jaw ya nu ai.

1 SAMUELA 15:26

Samuela gaw, “Nang hte rau ngai nhtang wa na nngai n rai; dai Madu a hkang da ai ga hpe nang ningdang kau nit dai majaw nang hpe mung Israela hkawhkam aya kaw nna jahkrat kau nu ai,” ngu nna htan wu ai.

1 SAMUELA 16:1

Dai Madu gaw Samuela hpe, “Shawlu a majaw nang kaden du hkra yawn nga na ngu n ta? Ngai shi hpe Israela hkawhkam aya kaw nna jahkrat kau ni ai. Rai ti mung, ya chyawm gaw tsanlun sau loi mi la lang nhtawm Yese mying ai wa nga ai Betlehem mare de sa wa su, hpa majaw nga yang, ngai gaw shi a shadang sha langai mi hpe hkawhkam shatai na san da ni ai,” ngu nna tsun wu ai.