HOSEA 12:4 - Jinghpaw Common Language Bible 2009

⁴ Shi gaw lamu kasa hpe kamu dang lu jang, hkrap let shaman chyeju hpyi wu ai. Dai hpang Karai Kasang gaw anhte a kaji kawa Yaku hpang de sa nna Behtela mare e shi hte ga shaga chyai wu ai.

Jinghpaw Hanson Version Bible

⁴ Yaku gaw kanu a hkritung e, kahpu a lahtin jum nga ai; shi n-gun an wa yang, Karai Kasang hte kamu hkat wu ai:

HOSEA 12:4 ပူးပေါင်းရင်းမြစ်များ

NINGPAWT NINGHPANG 25:26

Hpang na wa gaw Esaw a lahtin manat let shangai wa ai; dai rai nna shi hpe Yaku ngu nna shamying mu ai. Dai kasha yan hpe shaprat ai shaloi, Isak a asak kru shi ning du salu ai.

NINGPAWT NINGHPANG 32:24

rai ti mung shi chyu sha shingdu e hti ngam nga wu ai. Shaloi masha langai mi sa nna nhtoi grai wa n san lu ai aten du hkra shi hte gamu hkat nga ai.

NINGPAWT NINGHPANG 32:25

Dai wa shi n dang lu ai hpe mu jang, Yaku a dangbau manat ya ai rai nna hkrihkraw kashai mat wu ai.

NINGPAWT NINGHPANG 32:26

Dai masha wa gaw, “Ngai wa na ni ai; nhtoi mung htoi wa ra ai,” ngu nna tsun wu ai. Yaku mahtang, “Nang ngai hpe n shaman ya ai rai yang, ngai wa shangun na n rai,” ngu nna htan wu ai.

NINGPAWT NINGHPANG 32:29

Yaku mung, “Na a mying ya jang ngai hpe tsun dan e,” ngu nna tsun wu ai. Rai ti mung, shi mahtang, “Nang hpa majaw nye a mying chye mayu nga n ni?,” ngu nna tsun nhtawm Yaku hpe shaman ya wu ai.

NINGPAWT NINGHPANG 35:15

Dai shara hpe Behtela ngu nna shi shamying wu ai.

NINGPAWT NINGHPANG 48:15

Dai hpang shi gaw Yosep hpe shaman ya wu ai: “Nye a kaji kawa ni rai nga ai Abraham hte Isak daw jau ai Karai Kasang gaw ndai ma yan hpe shaman ya u ga law! Ngai hpe lam woi nga ai Karai Kasang gaw ndai yan hpe dai ni jang shaman ya u ga law!

SHAKAWN KUNGDAWN 66:6

Shi gaw panglai hpe hkun hkraw ai hkarang hku galai kau nga ai; anhte a kaji kawa ni, lagaw hte dai hka hpe lai di mat wa masai. Shi galaw dan sai amu magam ni a majaw, anhte kabu gara lu saga ai.

ESAIA 63:9

shanhte hkam sha ai nni nkri yawng kaw na hkye hkrang la nga ai. Dai gaw lamu kasa galaw ai n rai, rai ti mung dai Madu shi nan shanhte hpe hkye la nu ai. Shi a tsaw ra myit hte matsan dum la ai myit a jaw e, shi shanhte hpe hkye mawai la nga sai. Shi gaw lai sai aten ni hta shanhte hpe galoi mung lanu lahku lai wa nu ai,

MALAHKI 3:1

Chyahtum Chyalai N-gun rawng ai dai Madu gaw, “Nye a matu lam lajang ya na kasa hpe ngai shangun dat na nngai. Dai hpang nanhte hkan tam nga ai Madu gaw shi a Nawku Htingnu de akajawng sha sa wa na ra ai. Nanhte mu mayu nna marit nga ai dai kasa wa gaw du sa nhtawm nye a ga shaka htawn tsun na ra ai,” ngu nna htan wu ai.

1 HTESALONI 4:17

Dai hpang dai Madu hpe ka-ang ganghkau e hkrum na matu, dai aten hta anhte naw hkrung nga ai ni hpe si mat wa sai ni hte rau, sumwi ntsa de shalun la ai hkrum na raga ai. Shingrai anhte gaw galoi mung Madu hte rau anga nga na ga ai.

HEBRE 5:7

Yesu gaw dinghta hkum shan hta asak naw hkrung nga ai ten hte hta, shi hpe si ai kaw na hkye mawai la lu ai Karai Kasang kaw nsen kaba hte hkrap myiprwi ni hkrat let akyu hpyi tawng ban ai lam galaw nu ai, Yesu gaw myit grit myit nem ai hte ap nawng ai wa re ai majaw, Karai Kasang mung shi a hpyi nem tawng ban ai hpe madat ya wu ai.