HOSEA 12:10 - Jinghpaw Common Language Bible 2009

¹⁰ “Ngai gaw myihtoi ni hpe ga tsun ni ai, shanhte hpe shingran law law mung jaw ni ai. Ngai gaw myihtoi ni a n-gup aga hku nna nye a amyu masha ni hpe shadum jahprang ga jaw ni ai.

Jinghpaw Hanson Version Bible

¹⁰ Rai timung, ngai Yehowa gaw, Egutu mung na nang hpe shapraw la ai Karai Kasang rai nga nngai: madat da ai poi shani e nga ai zawn, ngai nang hpe sum hta, bai nga shangun lu na nngai.

HOSEA 12:10 ပူးပေါင်းရင်းမြစ်များ

1 HKAWHKAM 13:1

Yeroboam gaw shagu hkungga nawng ya na nga tawn hkungri e tsap nga yang, dai Madu a hkang da ai ga hte maren, Yuda mung na myihtoi langai mi gaw Behtela mare de du sa wa nhtawm,

1 HKAWHKAM 17:1

Gilead mung Tishbi mare kaw na Elia mying ai myihtoi langai mi gaw Hkawhkam Ahab hpe, “Dai Madu a mying ningsang hta mung, ngai daw jau nga ai dai ahkrung nga ai Israela a Karai Kasang hta mung ngai bai tsun ai aten du hkra, ndai lahkawng masum ning laman numri mung n hkrat, marang mung n htu na ra ai gaw ngai nang hpe tsun nga nngai,” ngu nna tsun wu ai.

1 HKAWHKAM 19:10

Shi gaw, “Chyahtum chyalai n-gun rawng ai Madu Karai Kasang e, ngai gaw nang - nang hpe chyu sha tut nawng daw jau yu sade ai. Rai ti mung Israela amyu masha ni mahtang nang hte shagrin da ai ga shaka hpe jahten kau nna na a tawn hkungri ni hpe sharun shabya kau let na a myihtoi ni yawng hpe sat kau manu ai. Ngai chyu sha ngam nga ni ai. Shanhte gaw ngai hpe sat kau na matu shanhte tam shakut nga ma ai!,” ngu nna htan wu ai.

2 HKAWHKAM 17:13

Dai Madu gaw Israela hte Yuda hpe shadum jahprang na matu shi a dat kasa ni hte myihtoi ni hpe shangun dat wu ai: “Nanhte galaw ai n hkru ai amu ni hpe kau da nna nanhte a kaji kawa ni hpe ngai jaw ai Tara hta lawm ai nye a hkang da ai ga ni hpe mung, nye a shangun ma ni rai nga ai myihtoi ni hku nna nanhte hpe shalai jaw ai hkang da ai ga ni hpe madat mara mu.”

NEHEMIA 9:30

Nang gaw shanhte hpe laning hte laning hkam sharang ai hte shadum jahprang nga ndai. Nang gaw na a myihtoi ni ga shaga na matu wenyi n-gun jaw ya nga ndai, rai ti mung na a amyu masha ni madat ai n rai, dai rai nna nang gaw shanhte hpe kaga amyu ni a lata de ap kau nga ndai.

PRU MAT 20:2

“Ngai gaw nang mayam sa tai nga ai Egutu mung kaw na woi shapraw wa ai dai Madu na a Karai Kasang rai nga nngai.

YEREMIA 19:1

Dai Madu gaw ngai hpe ga namtau langai sa mari la na matu tsun wu ai. Shi gaw amyu masha ni kaw na salang nkau mi hte asak kaba sai hkinjawng nkau mi hte hpawn,

YEREMIA 19:10

Dai hpang, dai Madu gaw ngai hte rau sa wa ai masha ni a man e, dai namtau hpe ga kau na matu ngai hpe tsun ai hte

YEREMIA 25:4

Dai Madu gaw shi a shangun ma ni rai nga ai myihtoi ni hpe nang hpang de matut shangun dat ti mung, nang gaw n madat n mara ai hte hpa zawn n nawn kau ya nga ndai.

YEREMIA 7:25

Nanhte a nji nwa ni Egutu mung kaw nna pru wa ai shani kaw na dai ni du hkra, ngai gaw nye a shangun ma ni rai nga ai myihtoi ni hpe nanhte hpang de matut manoi shangun dat ya ni ai.

EZEKELA 17:2

Shi gaw, “Si chye ai masha wa e, Israela amyu masha ni hpe

EZEKELA 20:49

Rai ti mung, ngai gaw, “Tsaw Htum ai Madu e, ngai hpe dai amu hkum galaw shangun et! Ngai gaw tut nawng e gumwai ga ni hpe tsun nngai nga nna, masha shagu tsun aput shatsang na jin jin rai nga ma ai,” ngu nna ninghkap htan kau we ai.

HOSEA 13:4

Dai Madu gaw, “Ngai gaw nanhte hpe Egutu mung kaw nna woi shapraw wa ai dai Madu nanhte a Karai Kasang rai nga nngai. Ngai hta lai, nanhte Karai Kasang n lu myit dai. Ngai chyu sha nanhte a hkye la Madu rai nga nngai.

HOSEA 3:1

Dai Madu gaw ngai hpe, “Sumtsaw langai hte la shaw ai amu shut hpyit nga ai numsha kaw bai sa nna na a tsaw ra myit madun dan su. Israela amyu masha ni gaw karai shaje ni de kayin mat wa nna hpara sumla ni hpe namsi jahkraw hkungga nawng ya ma ai; rai tim, ngai gaw Israela amyu masha ni hpe naw tsaw ra nga nngai zawn nang mung tsaw ra lu na rai ndai,” ngu nna tsun wu ai.

YOELA 2:28

“Dai hpang, ngai gaw masha shagu a ntsa e nye a wenyi ru bun na nngai; na a shayi shadang sha ni nye a mungga hkaw tsun na mara ai; nanhte a dingla ni yup mang mu na mara ai; nanhte a shabrang ni shingran mu na mara ai.

JAW JAU 23:42

Dai aten hta Israela amyu masha ni yawng sanit ya tup Sum ni hta rawng nga na rai ma ai;

AMO LAIKA (AMOS) 7:14

Amo gaw, “Ngai gaw shabrai a matu dai zawn myihtoi htoi ai wa n rai nngai. Ngai gaw yam nga rem sha ai wa hte lakum hpun ni hpe yu lajang ai wa she rai nngai.

BU HKAWM 12:6

dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

KASA 2:17

‘Karai Kasang ning nga ai, hpang jahtum na nhtoi ni hta masha amyu baw yawng a ntsa hta, nye a Wenyi ngai ru jaw na nngai. Nanhte a shayi shadang sha ni, myihtoi htoi na mara ai. Nanhte a brang ram ni shingran mu nna nanhte a ding la ni yup mang mu na mara ai.

2 KORINHTU 12:1

Gumrawng ai lam gaw akyu n nga ai rai ti mung dai Madu kaw na shingran ni hte madun dan ai lam ni hte seng nna ngai gumrawng ai ga naw tsun nga nngai.

2 KORINHTU 12:7

Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.