HOSEA 12:1 - Jinghpaw Common Language Bible 2009

¹ Israela amyu masha ni a jahpawt kaw nna shana de du hkra galaw ai amu magup gaw akyu n rawng ai hte hten byak lam rai nga ai. Gumle gumlau ai hte kashun kashe du daw sai hkaw amu gaw shanhte hta grau nna law jat nga ai. Shanhte gaw Asuri ni hte ga shaka tawn da nhtawm Egutu masha ni hte hpaga bungli jawm galaw ma ai.”

Jinghpaw Hanson Version Bible

¹ “Ehprim gaw, masu matsa ga hte, Israela dap gaw, hkalem hkalau ai hte, ngai hpe wang tawn nga ai; Yuda chyawm gaw, Karai Wa hte naw up nga lu nna, Chyoi Pra ai Wa hte, kangka rai nga ai.

HOSEA 12:1 ပူးပေါင်းရင်းမြစ်များ

NINGPAWT NINGHPANG 41:6

Dai hpang kahtet kang ai zaibru jang nbung ahpawt ai a majaw mam nmyem gungsi sanit pru nga ai.

2 HKAWHKAM 15:19

Asuri Hkawseng Tiglat Pilesa gaw Israela mung hpe shang gasat ai shaloi, Menahem mung mungdan hpe shi a daru magam n-gun hte naw ka-up da lu ai hta madi shadaw n-gun jaw la na ginjang hkam la lu hkra nga, gumhpraw tan sumshi matsat sak jaw wu ai.

2 HKAWHKAM LABAU 21:11

Shi gaw Yuda mung na kawng ni hta pyi tara maigan masha ni a matu nawku shara ni galaw ya nhtawm Yuda mung hte Yerusalem mare na amyu masha ni hpe lam woi shadam nna dai Madu a man e shut hpyit shangun nga ai.

SHAKAWN KUNGDAWN 78:36

Rai ti mung, shanhte a tsun shaga ai ga ni masu magaw ga ni hkrai rai nga ma ai hte shanhte tsun shaga ai lam ni myit malang ai hku hpa mung n rai nga ai.

YEREMIA 2:36

Nang gaw kaga masha amyu baw ni a karai ni hpang de kayin mat wa ai hku nna na a hkum hpe manu shayawm kau nga ndai. Nang gaw Asuri a majaw myit daw mat ai zawn Egutu a majaw myit daw mat ai hkrum na rai ndai.

YEREMIA 22:22

Na a ningbaw ni gaw nbung e shapoi kau ai hkrum nna, na a hpyen jinghku ni bawng dung hkrum na mara ai, nang galaw kau nit dai n hkru ai amu ni yawng a majaw na a mare jahpoi hkrum ai hte kaya hkrum na ra ai.

YEREMIA 7:15

Na a makyin jinghku ni rai nga ai Israela amyu masha ni hpe ngai shaden kau we ai zawn nang hpe mung nye a myi man kaw nna shaden kau na we ai. Dai Madu ngai nan tsun ni ai.”

SHARUNG SHAYAWT 5:6

Lusha alaw mi lu na matu hte asak hkrung nga lu na matu, anhte gaw Egutu hte Asuri mung de sa hpyi lajin ga ai.

EZEKELA 17:10

Rai sa, dai hpe hkai da sai, rai ti mung, dai gaw hkrung nna tu kaba wa na rai ni? Sinpraw nbung gaw dai hpe ahpawt kau ai shaloi, dai gaw nyip mat wa na n rai ni? Dai gaw shi tu kaba wa ai shara hta nyip mat wa na ra ai n rai ni?”

HOSEA 11:12

Dai Madu gaw, “Israela amyu masha ni gaw ngai hpe masu magaw ga ni, hkalem hkalau ga ni hte wang gawan tawn da mi ai. Yuda amyu masha ni mung sadi dung ai hte chyoi pra ai Karai Kasang ngu na ngai hpe naw gumlau nga ma ai.

HOSEA 11:9

Nye a masin kahtet ai majaw ngai nanhte hpe ari jaw na n rai; Ngai gaw Israela hpe bai jahten kau na n rai. Hpa majaw nga yang, ngai gaw masha n rai; Karai Kasang rai nga nngai. Ngai gaw nanhte hte rau nga ai dai Chyoi Pra ai Wa rai nga nngai. Ngai gaw nanhte hpang de masin pawt ai hte du sa na n rai.

HOSEA 4:15

“Nanhte Israela amyu masha ni gaw ngai hta sadi n dung nga myit ti mung, Yuda ni chyawm gaw dai zawn nan re ai mara n galaw hkrup nga mu ga. Gilgala mare e hkum nawku myit; Betawen mare e mung hkum nawku myit; ahkrung nga ai dai Madu a amying hta ga sadi ni hkum tawn da myit.

HOSEA 4:19

Shanhte gaw nbung e shapoi kau ai hkrum nna shanhte galaw ai tara maigan shagu hkungga ni a majaw kaya kahpa hkrum na mara ai.

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.

HOSEA 7:1

“Ngai gaw nye a Israela amyu masha ni hpe shamai shatsai nna shanhte hpe bai ngamu ngamai shangun mayu ai aten shagu, ngai mu mada ai lam yawng gaw shanhte a n shawp n kap ai amu hte shanhte galaw ai n hkru lam hkrai rai nga ai. Shanhte shada da masu hkalem hkat ma ai; shanhte gaw nta shang hpya nna arai lagu la ma ai; shanhte gaw nmaw lam hkan nga ai masha ni hpe kashun kashe hpya sha nga ma ai.

HOSEA 7:11

Israela gaw angawk ai hkrudu langai zawn shara mi kaw nna shara mi de htawt hkawm nga ma ai. Shi a amyu masha ni gaw shawng nnan karum hkam la lu na matu Egutu kaw karum hpyi ma ai; dai hpang shanhte gaw Asuri hpang de kagat sa nga ma hka!

HOSEA 8:7

Shanhte nbung gat hkai ai shaloi, nbung laru shu la na mara ai! Yi hkauna na n myin ai nsi naisi gaw galoi mung muk n lu shapraw ya nga ai. Dai hta rawng tim pyi, maigan masha ni sha kau na mara ai.