HOSEA 11:7 - Jinghpaw Common Language Bible 2009

⁷ Shanhte gaw ngai kaw nna kayin mat wa na matu shadut jahkat ma ai. Shanhte a ntsa e mara ya ai kandang a majaw shanhte marawn jahtau na mara ai; rai ti mung shanhte hpe kadai e mung tau sharawt la na n rai.

Jinghpaw Hanson Version Bible

⁷ Nye a amyu masha ni gaw, ngai kaw na htak mat mayu ai myit rawng nga ma ai: Tsaw htum ai wa hpang de shanhte hpe shaga timung, shi hpe shagrau sha-a mayu ai wa langai mi n nga ai.”

HOSEA 11:7 ပူးပေါင်းရင်းမြစ်များ

SHAKAWN KUNGDAWN 81:11

“Rai ti mung, nye a amyu masha ni ngai hpe madat na ma ai n rai; Israela amyu masha ni ngai hpe madat mara nga ma ai n rai.

GA SHAGAWP 14:14

N shawp n kap ai masha ni shanhte lu la ging ai hte maren, hkam la lu na mara ai; Mai kaja ai masha ni gaw shanhte galaw ai amu hte maren shabrai hpe hkam la lu na mara ai.

ESAIA 26:10

N hkru ai ni hpe nang matsan yu dum ti mung, shanhte gaw jaw ai amu galaw na matu galoi mung n sharin la nga ma ai. Ndai ding hpring ai amyu masha ni a lamu ga hta pyi shanhte gaw shut hpyit ai amu naw galaw ma ai; shanhte gaw na a galu kaba ai lam hpe hkap la na matu ningdang nga ma ai.

YEREMIA 14:7

Nye a amyu masha ni gaw ngai hpe, ‘Anhte a yubak mara ni anhte hpe mara shagun tim pyi, Madu e, na a ga sadi hte maren, anhte hpe karum la mi. Anhte gaw nang kaw na law law lang kayin mat wa saga ai; anhte gaw nang hpe shut hpyit kau saga ai.

YEREMIA 2:19

Nang nan galaw ai n hkru ai amu gaw nang hpe ari jaw na ra ai, ngai kaw na kayin mat wa ai gaw nang hpe daw dan na ra ai. Dai Madu na a Karai Kasang ngai hpe kau da nna, ngai hta loi mi pyi sadi n dung nga ndai gaw kade sha ahkup ahka nga nna shut hpyit nga ai hpe nang chye wa na rai ndai. Chyahtum Chyalai N-gun rawng ai Tsaw Htum ai dai Madu ngai nan tsun ni ai,” ngu nna tsun ai.

YEREMIA 3:11

Dai hpang, dai Madu gaw ngai hpe Israela gaw shi kaw na kayin mat wa manu tim, shi gaw sadi n dung ai Yuda hta grau nna kaja na matu sakse madun dan nu ai, nga nna tsun sai.

YEREMIA 7:25

Nanhte a nji nwa ni Egutu mung kaw nna pru wa ai shani kaw na dai ni du hkra, ngai gaw nye a shangun ma ni rai nga ai myihtoi ni hpe nanhte hpang de matut manoi shangun dat ya ni ai.

YEREMIA 7:26

Rai tim, marai langai mi pyi madat ai n rai, dai lam hpe hpa zawn n nawn ya nga ma ai. Dai zawn madat ya na malai, nanhte gaw du grau ja wa ai hte nanhte a nji nwa ni hta grau nna pyi gumlau nga myit dai.

YEREMIA 8:5

Dai re ai mi, nye a amyu masha ni e, nanhte gaw n nhtang wa ai sha, ngai kaw na hpa majaw tut nawng kayin mat wa nga myit ni? Nang gaw na a hpara sumla ni hpe myit noi ai hte ngai hpang de nhtang wa na matu ningdang nga ndai.

HOSEA 11:2

Rai ti mung shi hpe ngai shaga magang, ngai kaw na shi kayin mat wa magang rai nga ai. Nye a amyu masha ni Bala hpe shagu hkungga nawng ya ma ai; shanhte gaw hpara sumla ni hpe manam pyaw ai baw nat nawng ma ai.

HOSEA 14:4

Dai Madu gaw, “Nye a amyu masha ni hpe ngai hpang de woi la na nngai. Nye a myit masin mahkra hte shanhte hpe ngai tsaw ra na nngai; shanhte hpe ngai galoi mung masin pawt na nngai n rai.

HOSEA 4:16

Israela amyu masha ni gaw lawze ni zawn du ja nga ma ai; ngai gaw shanhte hpe dam ai tsingdu pa na sagu kasha ni hpe zawn kaning rai rem lu na rai ta?

HOSEA 7:16

Shanhte gaw ngai kaw nna kayin mat wa nhtawm daru magam n-gun n rawng ai karai hpang de sha kayin mat wa ma ai. Shanhte gaw n ding ai ndan zawn kam hpa mai nga ai n rai. Shanhte a ningbaw ni myit tsaw myit dap ai hte ga shaga ma ai majaw, shanhte gaw du daw sai hkaw hte si mat na mara ai, Egutu masha ni gaw mani asawng na mara ai.”