HOSEA 11:6 - Jinghpaw Common Language Bible 2009

⁶ Majan gaw shanhte nga ai mare ni hpe ye masawm mat wa nhtawm mare chyinghka ni hpe agrawp daw kau na ra ai. Shanhte gaw kaja htum ai hku myit nawn la nna galaw ma ai majaw shing re ai lam gaw nye a amyu masha ni hpe jahten kau na mara ai.

Jinghpaw Hanson Version Bible

⁶ Tinang a hpaji daw ai lam majaw, nhtu tsin-yam gaw, shanhte a mare ni a ntsa e du nna, mare htinggrang ni hpe agrawp kau ai hte shamyit kau na ra ai.

HOSEA 11:6 ပူးပေါင်းရင်းမြစ်များ

SHAKAWN KUNGDAWN 106:39

Shanhte galaw ai amu ni hte shanhte hkum hpe awu asin di kau nna; Karai Kasang hta sadi sahka myit n dung mat nga masai.

SHAKAWN KUNGDAWN 106:43

Madu gaw law law lang, shi a amyu masha ni hpe mawai la nga ai; shanhte shi hpe gumlau na lam, lata la nga ma ai majaw, yubak nawng de grau nna lup shang mat wa masai.

ESAIA 18:5

Pu ni yawng run hkrat mat nna sabyi si ni myin wa nga ai aten, sabyi si ni hpe garai n di mahkawng yang, sabyi ru ni kaw na kungdam ai lakung lakying ni hpe nhkyi hte aloi loi sha kran kau ai zawn, gumlau hpyen ni gaw Ehtiopi masha ni hpe jahten shaza kau na ra ai.

ESAIA 27:10

Bunghku ngang ai mare gaw katsi katsang hten agrawp mat nga ai; dai gaw hpa n tu ai zaibru jang pa layang zawn kau da ai mare rai nga ai. Dai mare gaw dumsu yam nga hpung ni hpum nga nna tsingdu makret sha nga ai udat shara tai mat nga ai.

ESAIA 30:1

Dai Madu gaw ning nga tsun nu ai: “Yuda mung hpe up ai ni gaw dingnye hkrum ma ai, hpa majaw nga yang shanhte ngai hpe gumlau ma ai. Shanhte gaw ngai n hpajang lawm ai maw mawn lam ni hta hkan ma ai, nye a myit ra ai hte nhtan shai ai ga shaka ni hpe myit hkrum ta masat galaw let yubak kahtap kala galaw ma ai.

ESAIA 9:14

Dai Madu gaw lani mi hta sha Israela ningbaw ni hte amyu masha ni hpe ari jaw na ra ai; shi gaw shanhte hpe dan di ai hte abaw hte ningmai hpe kahtum daw kau na ra ai.

YEREMIA 5:17

Shanhte gaw na a nsi naisi ni hte lusha ni hpe sha kau na mara ai; shanhte gaw na a shadang sha ni hte shayi sha ni hpe sat kau na mara ai. Shanhte gaw na a yam nga hpung hte sagu bainam hpung ni hpe mung sat kau ya na mara ai, na a sabyi ru ni hte lakum hpun ni hpe mung jahten kau ya na mara ai. Nang kam nga ai bunghku kum ai mare ni hpe mung shanhte a hpyen luksuk ni jahten kau ya na ra ai.

YEREMIA 50:35

Dai Madu gaw, “Babelon mung gaw si hkrung si htan! dai mung na masha ni, de a mung du ni, hpaji byeng-ya rawng ai masha ni si hkrung si htan hkrai!

SHARUNG SHAYAWT 2:9

Mare chyinghka ni adaw atang rai, ga hta lup taw nga nna, shanhte a chyinghka htinggrang ni adaw atang rai agrawp daw mat manu ai. Hkawhkam wa hte arawng lu ai du magam ni bawng dung hkrum nga masai. Tara a lam n sharin la nga ma ai, myihtoi ni mung dai Madu kaw na shingran hpa mung n hkam la lu nga ma ai.

EZEKELA 20:47

Dai Tsaw Htum ai Madu kaning nga tsun ai mungga hpe na la na matu dingda maga de na maling hpe htawn tsun u: Yu u, ngai gaw wan shachyi dat na nngai; dai wan gaw nang hta tu ai tsit lali ai hte hkun hkraw mat ai hpun shagu hte hpe hkru kau na ra ai. Dai wan hpe hpa hte mung sat shangap kau lu na ra ai n rai, dai wan gaw dingda maga kaw nna dingdung maga de du hkra hkru mat wa nna masha shagu gaw kang kahtet ai wan numli ni hpe hkam sha na mara ai.

HOSEA 10:14

hpyen majan gaw nanhte a amyu masha ni kaw du nna nanhte a hpyen dap ni hten byak mat na mara ai. Dai gaw Betarbela mare hta hpyen majan byin ai shani Hkawhkam Shalman e jahten sharun kau ai mare zawn tai mat nna, kanu ni hte shanhte a kashu kasha ni mung adit sat kau hkrum nga masai.

HOSEA 10:6

Dai hpara sumla gaw hkawseng kaba wa a matu kumhpa shatai na nga, Asuri mung de la sa mat wa hkrum na ra ai. Israela gaw shanhte hkan nang ai hpaji jaw ga a majaw amyu masha ni myi man sum ai hte kaya hkrum na rai ma ai.

HOSEA 13:16

Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.

HOSEA 4:16

Israela amyu masha ni gaw lawze ni zawn du ja nga ma ai; ngai gaw shanhte hpe dam ai tsingdu pa na sagu kasha ni hpe zawn kaning rai rem lu na rai ta?

HOSEA 4:17

Israela amyu masha ni gaw hpara sumla ni a myit shalen la ai hkrum nga ma ai. Shanhte a lam hta shanhte myit ra ai hku hkan nga manu ga.

JAW JAU 26:25

Nye a ga shaka jahten kau myit dai majaw nanhte hpe ari jaw na matu nanhte a ntsa de majan shabyin dat na nngai; nanhte a mare ni hta shim lum na matu kahkyin rawng nga myit yang mung n mai tsi la lu ai ana ahkya nanhte hpang de ngai shangun dat na made ai. Nanhte gaw gumlau hpyen ni a lata de kanawng ap kau ai hkrum na rai myit dai.

JAW JAU 26:31

Nanhte hpe grau sawng mat hkra matsat kau mawe ai majaw nanhte a mare ni hpe ngai hpya ayai kau nhtawm nawku ai shara ni hpe jahten sharun kau na we ai. Nanhte a shagu hkungga ni hpe hkap la na we ai n rai.

JAW JAU 26:33

Ngai gaw nanhte a ntsa e hpyen majan byin shangun nna maigan mung ni de shabra kau na made ai. Nanhte a mungdan gaw katsi katsang tai mat nna mare ni mung hten run taw mat na ra ai.

AMO LAIKA (AMOS) 6:8

Chyahtum Chyalai N-gun rawng ai Tsaw Htum ai dai Madu gaw ndai dagam sadi jaw ai lam jaw ya nu ai: “Ngai gaw Israela amyu masha ni a gumrawng gumtawng ai hpe n dawng nngai; ngai gaw shanhte a zing hkam ai nta htingnu ni hpe matsat nngai. Ngai gaw shanhte a mare daju hte dai hta nga manga shagu hpe gumlau hpyen a lata de jaw kau na we ai.”

MIHKA 5:11

Ngai gaw na a mung na mare ni hpe jahten kau nna na a hpyen dap ni yawng hpe hpya ashin kau na nngai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

TARA JAHPRANG 28:52

Dai Madu nanhte a Karai Kasang nanhte hpe jaw ya nga ai mungdan na mare shagu hpe shanhte gasat kau na mara ai; nanhte yu kam ai dai tsaw nna ngang ai mare bunghku ni daw agrawp mat na ra ai.

TARA JAHPRANG 32:25

Hpyen majan gaw nmaw lam ni hta si hkrung si htan shabyin nna; hkrit kajawng hpa gaw dum nta ni hta adup hkra na ra ai. Mahkawn hte shabrang ni si htum mat nna; chyu chyu ai ma chyangai ni hte dingla baw hpraw ni pyi lawt lu na mara ai n rai.