HOSEA 11:11 - Jinghpaw Common Language Bible 2009

¹¹ Shanhte gaw Egutu mung na chyang ai ntsa malen u ni zawn mung, Asuri mung na hkrudu ni zawn mung du sa wa na mara ai. Ngai gaw shanhte hpe shanhte a dum nta ni de bai woi la na nngai. Ngai Madu nan tsun ni ai.”

Jinghpaw Hanson Version Bible

¹¹ Shanhte gaw, u zawn Egutu mung na hkrudu zawn Asuri mung na, hkrit gari let du nna, ngai shanhte hpe tinang nang a buga hta shanu nga shangun na nngai,” nga nna Yehowa tsun ai.

HOSEA 11:11 ပူးပေါင်းရင်းမြစ်များ

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 60:8

Sumwi ni zawn mawng nna, tsip de nhtang wa nga ai hkrudu ni zawn Ndai sanghpaw li ni kaning re ai ni rai nga a ta?

YEREMIA 31:12

Shanhte gaw Ziun bum ntsa de du wa nna, kabu gara mahkawn mangoi na mara ai, shanhte gaw nye a kumhpa ngu ai nai mam nsi naisi, sabyi ntsin hte tsanlun sau, sagu kasha hte dumsu kasha ni hpe ra sharawng na mara ai. Shanhte gaw hka atsawm sha jaw ai sun zawn tai nna; shanhte hta ra kadawn nga ai lam shagu hkam la lu na mara ai.

EZEKELA 34:27

Hpun ni asi si wa nna yi sun hkauna ni nsi naisi ni shapraw ya na mara ai; kadai mung tinang a lamu ga hta shim lum ai hte shanu nga lu na mara ai. Nye a amyu masha ni a hpri saidawng ni hpe agrawp daw kau ya nna shanhte hpe mayam shatai nga ai ni a lata kaw na shalawt dat ai shaloi, ngai nan dai Madu rai nga nngai hpe shanhte chye lu na mara ai.

EZEKELA 34:28

Maigan tara hkan ai masha amyu baw ni mung shanhte hpe galoi mung kashun kashe lu na mara ai n rai. Matse labye ni mung shanhte hpe kawa sha lu na mara ai n rai. Shanhte gaw shim lum ai hte shanu nga lu nna kadai mung shanhte hpe jahkrit shama lu na mara ai n rai.

EZEKELA 37:21

Dai hpang, Tsaw Htum ai dai Madu ngai nan amyu baw ni hta bra nga ai nye a amyu masha ni yawng hpe ngai shapraw la nna shanhte hte rau sha shinggyin la let shanhte a mungdan majing de woi nhtang wa na lam, htawn tsun u.

EZEKELA 37:25

Nye a shangun ma Yaku hpe ngai jaw da ai lamu ga ngu ai shanhte a kaji kawa ni shanu yu sai mungdan hta shanhte shanu nga na mara ai. Shanhte gaw dai mung e prat tup nga lu na mara ai. Shanhte a kasha ni mung kashu ni hte dai ni a aru arat matu mara ni yawng mung, dai mungdan hta htani htana prat dingsa shanu nga na mara ai. Nye a shangun ma Dawi hte bung ai hkawhkam wa gaw shanhte hpe htani htana prat dingsa up hkang na ra ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

HOSEA 7:11

Israela gaw angawk ai hkrudu langai zawn shara mi kaw nna shara mi de htawt hkawm nga ma ai. Shi a amyu masha ni gaw shawng nnan karum hkam la lu na matu Egutu kaw karum hpyi ma ai; dai hpang shanhte gaw Asuri hpang de kagat sa nga ma hka!

OBEDIA 1:17

“Rai ti mung Ziun Bum ntsa e, nkau mi hprawng lawt lu nna, dai shara gaw chyoi pra ai shara tai na ra ai. Yaku a amyu masha ni gaw shanhte a ahkaw ahkang hte maren, dai lamu ga hpe madu la lu na mara ai.

ZEHKARIA 10:10

Ngai gaw shanhte hpe Egutu mung hte Asuri mung kaw nna woi wa nhtawm shanhte a mungdan hta nga shara jahkrat ya na nngai. Ngai gaw shanhte hpe Gilead mung hte Lebanon mung hta mung, nga shara jahkrat ya na nngai; mungdan ting amyu masha ni hte hpring mat na ra ai.

ZEHKARIA 8:7

Nye a amyu masha ni hpe shanhte woi la hkrum ai mungdan ni kaw na hkye mawai la na nngai;

ZEHKARIA 8:8

shanhte hpe Yerusalem hta nga shangun na matu, sinpraw sinna maga hkan nga nga ai shanhte hpe bai woi la na nngai. Shanhte gaw nye a amyu masha ni tai nna, ngai gaw shanhte a Karai Kasang tai nga let shanhte hpe sadi sahka hte teng man ai hku up hkang nga na nngai.