HOSEA 11:10 - Jinghpaw Common Language Bible 2009

¹⁰ “Shanhte a gumlau hpyen ni hpe hkanghkyi zawn ngai marawn shabam dat ai shaloi, nye a amyu masha ni nye a hpang de hkan nang na mara ai. Shanhte gaw sinna maga de nna ngai hpang de tin tin du na mara ai.

Jinghpaw Hanson Version Bible

¹⁰ Yehowa gaw hkanghkyi zawn shabam nna, shanhte gaw shi hpang de hkan nang na mara ai: shi shabam yang, kashu kasha ni gaw, sinna maga de na, hkrit gari ai hte du na mara ai.

HOSEA 11:10 ပူးပေါင်းရင်းမြစ်များ

YOBA 37:1

Dai nbung laru gaw nye a myit masin hpe grai kahpra mat hkra htuk htak shangun nga ai.

SHAKAWN KUNGDAWN 119:120

Na a majaw, ngai hkrit gari nga nngai, na a tara dara ai lam ni a majaw, ngai hta hkrit kamyin ai myit hpring nga nngai.

SHAKAWN KUNGDAWN 2:11

Dai Madu hpe hkrit hkungga ai hte daw jau mu;

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 2:5

Ya chyawm gaw, Yaku a matu mara ni e, dai Madu anhte hpe jaw ai nhtoi hta anhte hkawm nga saga!

ESAIA 31:4

Dai Madu gaw ngai hpe, “Sagu rem ni kade daram jahtau jahkrit tim, shanhte gaw ashan kawa sat da ai dusat kaw na hkanghkyi hpe jahkrit kau lu ma ai n rai; dai hte maren, Ziun Bum hpe makawp maga nga ai Chyahtum Chyalai N-gun rawng ai dai Madu ngai hpe shingdang lu ai hpa mung nga ai n rai.

ESAIA 42:13

Dai Madu gaw share ninghkrin wa zawn gasat na pru sa nga ai; shi gaw majan gasat na matu jin jin rai nna myit katu nga ai. Shi gaw majan hta jahtau nna garu nga ai; shi gaw shi a gumlau hpyen ni hpe ninghkap na matu shi a daru magam n-gun hpe madun nga ai.

ESAIA 49:10

shanhte gaw galoi mung kawsi hpang gara hkrum na mara ai n rai. Ajan hte zaibru jang a kahtet kang ai gaw shanhte hpe hkra na ra ai n rai, hpa majaw nga yang, shanhte hpe tsaw ra ai wa gaw shanhte hpe lam woi na ra ai. Shi gaw shanhte hpe hka hpawk ni nga ai de woi sa na ra ai.

ESAIA 64:2

Kahtet ai wan ntsa e hka prut nga ai zawn shanhte gari ashun mai nga ai. Na a gumlau hpyen ni a man e na a daru magam n-gun sa madun dan u, masha amyu baw ni hpe na a man e hkrit gari shangun u!

ESAIA 66:2

Ngai hkum nan nga yawng danghta n-gawn tawa ting hpe hpan da ni ai! Ngai gaw shagrit shanem ai hte myit malai lu nna ngai hpe hkrit kamyin ai hte nye a ga madat mara ai ni hpe awng sharawng nga nngai.

ESAIA 66:5

Shi hpe hkrit kamyin ai hte shi a ga madat mara nga ai nanhte gaw dai Madu ning nga tsun ai ga hpe madat mu: “Nang gaw ngai hta sadi dung nga ndai majaw, na a amyu masha majing na nkau mi ngai hpe n ju ai hte nang hte hpa amu mung galaw na mara ai n rai. Shanhte gaw nang hpe ashu ai hte, ‘Dai Madu gaw shi a galu kaba ai hpe madun nna nang hpe hkye la u ga, shaloi nang kabu gara ai hpe anhte mu lu n-ga,’ ngu nna tsun ma ai. Rai ti mung shanhte nan kaya kahpa hkrum na mara ai!

YEREMIA 2:2

Yerusalem hta nga ai masha shagu hte hpe ndai mungga tsun na matu tsun wu ai. “Nang ram prat naw rai nga yang, nang kade wa kangka nga ndai hpe mung, anhte shawng nnan hkungran ga ai shaloi, nang ngai hpe kade tsaw ra ai hpe mung, zaibru jang hku mung, hkun hkraw ai lamu ga hku mung nang ngai kaw hkan nang nga ndai hpe ngai dum nga nngai.

YEREMIA 25:30

Yeremia e, nang gaw ngai tsun ai lam yawng mayawng hte hpe hkaw tsun na rai nga ndai. Nang gaw ndai amyu masha ni hpe, ‘Dai Madu gaw sumsing lamu kaw na shabam ai hte sumsing lamu a tsaw ai shara kaw nna mu shangoi dat na ra ai. Shi gaw shi a amyu masha ni hpe shabam nna, sabyi si kabye ai wa zawn marawn jahtau na ra ai. Ginding aga ntsa na masha shagu hte gaw shi a nsen hpe na na mara ai,

YEREMIA 31:9

Nye a amyu masha ni gaw hkrap ai hte nhtang wa na mara ai; akyu hpyi ai ni hpe ngai bai woi wa na nngai. Ngai gaw hka kau lam hku ahtu kataw shara n nga hkra tsawm htap manu ai lam hte shanhte hpe woi lakawn wa na nngai. Ngai gaw Israela a kawa rai nga nngai; Ehprim gaw nye a kasha alat rai nga ai,” ngu nna tsun ai.

YEREMIA 33:9

Yerusalem mare masha ni hte ndai mare a ngamu ngamai na lam a matu, ngai galaw ai mai kaja ai amu ni a lam, shanhte na ma ai shaloi, mungkan ga na amyu baw shagu hte gaw hkrit gari wa na mara ai; Yerusalem gaw nye a matu kabu gara ai, arawng sadang hkam la ai hte gumrawng shara hka hpawk tai na ra ai,” ngu nna tsun ai.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

YEREMIA 50:4

Dai Madu gaw, “Dai aten du ai shaloi, Israela hte Yuda masha ni gaw hkrap ngu hkrap ngoi ai hte wa nna shanhte a Karai Kasang rai nga ai ngai hpe wa tam na mara ai.

YEREMIA 7:6

Malet nhprang manam, jahkrai nmai hte gaida gaina ni hpe zai hku adip arip hkum galaw et; Ndai lamu ga hta nga ai mara n kap ai masha ni hpe sat ai lam hkum galaw et. Kaga karai ni hpe nawku ai majaw nang jahten shaza kau ai n hkrum u ga, dai hpe tawn kau u.

YEREMIA 7:9

Nang gaw arai lagu ai, masha sat ai, numshaw lashaw amu shut hpyit ai, masu ga tsun nna dagam ai, Bala hpara hpe shagu hkungga nawng jau ai, shawng de nang garai n chye yu ai karai ni hpe nawku nga ndai.

EZEKELA 26:16

Panglai ntsa bu hkawm ai masha amyu baw ni a hkawhkam ni yawng gaw shanhte a tingnyang kaw nna yu mat na mara ai. Shanhte gaw palawng galu hte maka ka da ai palawng ni hpe raw kau nna hkrit gari ai hte ga e dung nga na mara ai. Shanhte gaw nang hta byin ai gam maka a majaw, nau hkrit mat nna gari ai pyi n hkring hkraw na mara ai.

HOSEA 3:5

Ndai lam zawn, Israela amyu masha ni gaw dai Madu shanhte a Karai Kasang hte shanhte a Hkawhkam Dawi a amyu matu na langai, hpang de lang mi bai kayin wa ai aten du wa na mara ai. Dai hpang shanhte gaw dai Madu hpe hkrit hkungga wa nna, shi kaw na chyeju kumhpa ni hkam la lu na mara ai.

YOELA 3:16

Dai Madu gaw Ziun Bum kaw nna shabam dat nhtawm, shi a nsen Yerusalem kaw na ngoi kadu nga ai; Ginding aga hte sumsing lamu gari ashun nga ai. Rai ti mung, shi gaw shi a amyu masha ni hpe makawp ninggang tai ya na ra ai.

AMO LAIKA (AMOS) 1:2

Amo gaw, “Dai Madu gaw Ziun Bum kaw na shabam nga ai; shi a nsen hpe Yerusalem kaw na sharawt dat nga ai. Udat shara ni hkun hkraw mat nna Hkarmela Bum ntsa na tsing nyui mat nga ai,” nga nna tsun wu ai.

AMO LAIKA (AMOS) 3:4

Hkanghkyi gaw nam maling kata e htim na shan shi n mu yang shabam ga a ni? Hkanghkyi uram gaw shahpa n lu rim yang, shi a nhkun kata e nying ga a ni?

AMO LAIKA (AMOS) 3:8

Hkanghkyi shabam ai shaloi, n hkrit ai wa kadai nga lu a ta? Tsaw Htum ai dai Madu shaga yang, myihtoi n htoi na kadai wa rai nga a ta?

MIHKA 4:5

Masha amyu baw shagu gaw tinang a karai hpe nawku ai hte madat mara ma ai, rai ti mung anhte chyawm gaw dai Madu anhte a Karai Kasang hpe htani htana nawku ai hte shi a ga madat mara na ga ai.

HABAKU 3:16

Ngai gaw dai amu ni yawng a lam na nngai, ngai hkrit gari nga nngai; nye a nten ni hkrit ai hte gari ashun nga li ai. Nye a hkum gayaw hten htu nga ai, nye a lagaw ahtu kataw nga ai. Karai Kasang gaw anhte hpe gasat ai ni hpe ari jaw na ra ai shaloi, ngai gaw dai aten du wa na hpe atsin sha ala nga na nngai.

ZEHKARIA 10:10

Ngai gaw shanhte hpe Egutu mung hte Asuri mung kaw nna woi wa nhtawm shanhte a mungdan hta nga shara jahkrat ya na nngai. Ngai gaw shanhte hpe Gilead mung hte Lebanon mung hta mung, nga shara jahkrat ya na nngai; mungdan ting amyu masha ni hte hpring mat na ra ai.

ZEHKARIA 10:12

Ngai gaw nye a amyu masha ni hpe n-gun ja shangun na nngai; shanhte gaw ngai hpe nawku ai hte nye a ga madat mara na mara ai,” ngu nna tsun wu ai. Dai Madu tsun nu ai.

ZEHKARIA 8:7

Nye a amyu masha ni hpe shanhte woi la hkrum ai mungdan ni kaw na hkye mawai la na nngai;

YAWHAN 8:12

Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai. Nye a hpang hkan nang ai wa gaw asak a nhtoi hpe lu la na ra ai rai nna nsin hta galoi mung n hkawm n sa na ra ai,” ngu mu ai.

KASA 24:25

Rai ti mung Pawlu gaw ding hpring ai lam, tinang hkum hkang ai lam hte du magang ra ai tara daw dan ai nhtoi a lam hkaw tsun dan ai shaloi Hpilik hkrit kajawng nna, “Ya nang naw wa su, ngai rau jang she ngai nang hpe bai shaga na de ai,” ngu wu ai.

ROMA 8:1

Dai re ai majaw ya gaw Hkristu Yesu hte langai sha rai nga ai ni a matu daw dan hkrum shara n nga ai.

2 PETRU 2:10

Grau nna hkum shan a matsat shabat ngang kayut ai lam hta hkan sa nna Karai Kasang a ahkang aya hpe n gawn n sawn ai ni gaw shing re ai lam ni hkrum na mara ai, Ndai masu ai sara ni gaw grai gwi nna gumrawng gumtawng re ai hte ning tsa de na hpung shingkang rawng ai ni hpe hkungga lara ai lam n madun ai sha shanhte hpe asawng asang di ma ai.

SHINGRAN 10:3

hkanghkyi shabam ai zawn, nsen kaba hte jahtau dat wu ai. Shi jahtau dat wu yang, mu ngoi ai mahku sanit hte nsen shapraw nna htan ma ai.