HOSEA 10:7 - Jinghpaw Common Language Bible 2009

⁷ Shanhte a hkawhkam wa gaw hka ntsa e tsawt ai hpun hkyep zawn woi la kau ai hkrum na ra ai.

Jinghpaw Hanson Version Bible

⁷ Samari mung hte de a hkawhkam wa gaw, hka ntsa na jahpaw zawn rai nga ai.

HOSEA 10:7 ပူးပေါင်းရင်းမြစ်များ

1 HKAWHKAM 21:1

Yezrela mare na Hkawhkam Ahab a hkawhkam htingnu makau e Nabot mying ai masha langai mi madu da ai sabyi sun langai mi nga nga ai.

2 HKAWHKAM 1:3

Rai ti mung dai Madu a lamu kasa gaw Tishbi mare na myihtoi Elia hpe Hkawhkam Ahazia a kasa ni hte sa hkrum na matu hkang dat nhtawm shanhte hpe, “Nanhte hpa majaw Ekron karai Balazebu hpe sa san nga myit ni? Dai gaw Israela mung hta karai kaga n nga sai ngu nna nanhte myit nawn la myit dai majaw rai kun?

2 HKAWHKAM 15:30

Yuda Hkawhkam Uzia a kasha Yohtam hkaw dung ai hkun ning hta, Ela a kasha Hoshea gaw Hkawhkam Peka hpe gumlau rawt nna shi hpe mayun gyam sat kau nhtawm hkaw galai dung let hkawhkam tai wa sai.

2 HKAWHKAM 17:4

Rai ti mung laning mi hta, Hoshea gaw karum hpyi na nga, Egutu Hkawhkam So hpang de dat kasa ni hpe shangun dat wu ai. Asuri Hkawseng hpang de shaning shagu jaw ya nga ai ahkun hkanse hpe jahkring kau ya wu ai. Shing rai galaw ai lam hpe Shalmanesa chye jang, Hoshea hpe rim la nna htawng hta sharen da wu ai.

HOSEA 10:15

Behtela mare masha ni e, nanhte galaw manit dai hkrit hpa amu a majaw dai zawn nanhte hta byin wa na marin dai. Majan gasat hpang wa ai shaloi jang, Israela hkawhkam si mat na ra ai,” ngu nna tsun wu ai.

HOSEA 10:3

Ndai amyu masha ni gaw kade n na yang, “Dai Madu hpe anhte n hkrit hkungga ga ai majaw anhte hkawhkam n lu ga ai. Rai ti mung, hkawhkam dai anhte a matu hpa wa mi galaw ya lu na rai ta?,” ngu nna tsun na mara ai.

HOSEA 10:8

Israela amyu masha ni nawku ai hpara sumla ni hpe tawn da ai Awen kawng pungding nawku shara ni mung jahten kau ai hkrum na ra ai. Tawn hkungri ntsa hkan e mung ju hpun ni hte tsingdu tu lim kau na ra ai. Shaloi amyu masha ni gaw bum ni hte kawng ni e, “Anhte hpe makoi da mi! Anhte hpe ka-up da mi!,” ngu nna jahtau tsun na mara ai.

HOSEA 13:11

Nye a masin pawt bu ai hte nanhte hpe ngai hkawhkam jaw ni ai. nye a sindawng kahtet ai hte shanhte hpe ngai dawm la se ai.

YUDA 1:13

Ja la ai panglai hka leng ni hte mung bung ma ai; shanhte a kaya kahpa amu ni hpe panglai hka leng hkum bawp zawn dan leng pru wa shangun nga ai. Shanhte gaw prang hkawm nga ai shagan zawn rai ma ai. Shanhte hpe Karai Kasang gaw sung dik ai ningsin kata hta shanhte a matu shara langai mi lajang da ya manu ai.