HOSEA 10:6 - Jinghpaw Common Language Bible 2009

⁶ Dai hpara sumla gaw hkawseng kaba wa a matu kumhpa shatai na nga, Asuri mung de la sa mat wa hkrum na ra ai. Israela gaw shanhte hkan nang ai hpaji jaw ga a majaw amyu masha ni myi man sum ai hte kaya hkrum na rai ma ai.

Jinghpaw Hanson Version Bible

⁶ Dai hpe pyi, Asuri mung de la sa nhtawm, hkawhkam Yarib hpe kumhpa sak jaw na mara ai: Ehprim gaw arawng sum nna, Israela gaw tinang hpaji daw ai majaw, kaya dum na ra ai.

HOSEA 10:6 ပူးပေါင်းရင်းမြစ်များ

2 HKAWHKAM 17:3

Asuri Hkawseng Shalmanesa gaw shi hpe gasat wu ai. Hoshea asum jaw wu ai rai nna shaning shagu ahkun hkanse shi hpe jaw ya wu ai.

YOBA 18:7

Shanhte a lagaw lahkam ni ngang kang timung ya chyawm gaw shanhte ahtu kataw nga ma ai; shanhte daw ai hpaji tsin-yam a majaw shanhte hkrat sum nga ma ai.

ESAIA 1:29

Nanhte gaw nanhte galoi mung nawku yu sai hpun ni hte chyoi pra ai sun ni hta hpun hkai da nga myit dai majaw yawn hkyen hkrum na marin dai.

ESAIA 30:3

Rai ti mung, shanhte hpe karum la na matu hkawhkam wa hta daru magam n-gun n rawng mat na ra ai, Egutu a makawp maga lam gaw ru yak tsin-yam tsindam kata hta htum mat na ra ai.

ESAIA 45:16

Hpara sumla tawk ai ni yawng hte gaw kaya kahpa hkrum na mara ai; shanhte yawng hte gaw jahpoi jahpyak ai hkrum na mara ai.

YEREMIA 48:13

Dai hpang, Israela amyu masha ni gaw shanhte kam hpa nga ai Behtela hpara hta kaya dum ma ai zawn, Moba masha ni mung shanhte a Hkemosha hpara a majaw kaya dum na mara ai.

YEREMIA 7:24

Rai ti mung, shanhte gaw madat mara ma ai n rai, hpa zawn mung n nawn ya nga ma ai. Dai zawn hkan sa na malai, shanhte gaw du ja ai hte n hkru ai myit masin shanhte hpe shadut matsun ai hku galaw nga ma ai majaw, shanhte gaw kaja wa na malai n kaja ai masha ni tai wa nga masai.

EZEKELA 16:28

“Na a ngang gayut ai myit kaga masha ni hte myit n dik hkraw ndai majaw, nang gaw Asuri masha ni hpang de hkan hprawng shang mat nga ndai. Nang gaw shanhte a matu shawa num tai ya nga ti mung, shanhte gaw nang hpe mung myit dik nga ma ai n rai.

EZEKELA 36:31

Nanhte gaw nanhte a n hkru ai arawn alai hte nanhte a shut hpyit amu ni hpe myit dum wa nna, nanhte shut kau sai yubak mara ni hte matsat shabat amu ni a majaw, nanhte a hkum ni hpe pyi matsat kau na marin dai.

Daniela 11:8

Shi gaw shanhte jaw da ai karai sumla ni hte dai karai ni hpe ap nawng ya ai aja gumhpraw arai ni hpe Egutu mung de htaw mat wa na mara ai. Ngwi pyaw sim sa ai lam nga ai shaning ram ram na ai hpang,

HOSEA 4:19

Shanhte gaw nbung e shapoi kau ai hkrum nna shanhte galaw ai tara maigan shagu hkungga ni a majaw kaya kahpa hkrum na mara ai.

HOSEA 4:7

“Nanhte hkinjawng ni grau law htam wa magang, nanhte ngai hpe yubak galaw shut magang rai nga myit dai, dai rai nna ngai gaw nanhte a shagrau sha-a lam hpe jahpoi asawng hkrum ai de kayin kau dat ya na nngai.

HOSEA 5:13

“Israela gaw shi kade wa machyi nga ai hpe mung, Yuda gaw shi a nma kade sawng nga ai hpe mung mu ai shaloi, Israela gaw Asuri hpang de sa nna karum hkam la na matu hkawseng kaba wa hpe san yu wu ti mung, shi gaw shanhte hpe tsi ya lu ai n rai, shanhte a nma ni hpe shamai ya lu ai n rai.

HOSEA 8:6

Lata sama hpaji rawng ai Israela masha langai mi hpara sumla galaw nga ai. Dai gaw kaja wa karai kasang langai n rai nga a hka! Samari mare hta nawku ai aja dumsu agrawp mani kau ai hkrum na rai hka!

MIHKA 6:16

Hkawhkam Omri hte shi a kasha Hkawhkam Ahab ni a n hkru ai amu ni hta nang hkan galaw nga ndai majaw ndai lam byin wa na ra ai. Nang gaw shanhte a myit masa hta matut nna hkan nang nga ai majaw ngai nang hpe jahten kau na nngai; masha hkum shagu nang hpe asawng asang di kau na mara ai. Shara shagu hkan na amyu masha ni gaw nang hpe n kaw n law matsat kau na mara ai,” ngu nna tsun ai.