HOSEA 10:2 - Jinghpaw Common Language Bible 2009

² Amyu masha ni a myit masin ni gaw masu hkalem myit rawng ai rai nna shanhte a yubak mara ni a majaw ya jang nni nkri hkam sha lu na rai ma ai. Karai Kasang gaw shanhte a tawn hkungri ni hpe agrawp shadaw kau ya nna, chyoi pra ai shadaw ni hpe jahten kau ya na ra ai.

Jinghpaw Hanson Version Bible

² Shanhte a myit masin bra nga ai; ya shanhte gaw mara kap na mara ai; shi gaw shanhte a tawn hkungri ni hpe run kau nna, shadaw sumla ni hpe agrawp kau na ra ai.

HOSEA 10:2 ပူးပေါင်းရင်းမြစ်များ

1 HKAWHKAM 18:21

Elia mung amyu masha ni nga ai de lung wa nhtawm, “Nanhte gaw gade na hkra hpa mung n daw dan ai nga nga na ngu nga myit ni? Dai Madu gaw Karai Kasang rai nga ai rai yang, shi hpe nawku mu; rai ti mung Bala mahtang karai kasang rai yang gaw shi hpe nawku mu!,” ngu nna tsun wu ai. Rai ti mung amyu masha ni chyawm gaw ga hkaw mi pyi n htan ai sha nga nga ma ai.

PRU MAT 23:24

Shanhte a hpara sumla ni hpe dingnyawm gum dagup lu na ndai n rai; dai ni hpe nawku lu na n rai; shanhte a makam masham hte seng ai htung lai len ni hta hkan sa galaw lu na ndai n rai. Shanhte a hpara sumla ni hpe jahten sharun kau nna, shanhte a chyoi pra ai nlung shadaw ni hpe agrawp shadaw kau lu na myit dai.

GA SHAGAWP 11:18

Tara n lang ai masha ni gaw teng teng hpa mung lu la nga ai n rai ti mung; teng man ai amu hpe, nang galaw nga ai rai yang chyawm gaw shagrau sha-a ai kumhpa hpe nang teng teng hkam la lu na rin dai.

ESAIA 44:18

Dai zawn re ai masha ni gaw shanhte hpa galaw nga ai amu hpe chye na na matu nau wa myit n su nga ma ai. Shanhte gaw shanhte a myi ni hpe mung, teng man ai lam hpe chye na shangun ai myit hpe mung pat da nga ma ai.

YEREMIA 43:13

Shi gaw Egutu mung Heliopoli mare hta nga ai chyoi pra ai nlung shadaw ni hpe jahten kau nna Egutu hpara ni a nta ni hpe nat kau na ra ai,” ngu nna tsun ai.

EZEKELA 14:5

Ndai hpara sumla ni yawng gaw Israela amyu masha ni hpe ngai kaw na kayin kau dat nga ai, rai ti mung, nye a mahtai hte maren, shanhte a sadi dung ai hpe ngai bai hkam la lu na myit mada nga nngai.

HOSEA 12:11

Rai tim, Gilead mung e hpara sumla ni nawku ma ai. Dai hpe nawku ai ni si mat na mara ai. Gilgala mare e dumsu usu ni hte shagu hkungga nawng ya ma ai; dai yang e nga ai tawn hkungri ni gaw pa layang hkan e nlung sumpum tai mat na mara ai.”

HOSEA 13:16

Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

HOSEA 7:8

Dai Madu gaw ning nga tsun ai: “Israela amyu masha ni gaw ka-ang hkup sha kabaw ai muk tawng langai hte bung nga ai. Shanhte gaw shanhte a grup yin masha amyu baw ni hta shamyet shanat nga ma ai rai nna,

JAW JAU 26:30

Kawng ntsa hkan na nanhte a nawku shara ni hpe ngai jahten sharun kau nhtawm nanhte a manam pyaw ai baw nat nawng ai tawn hkungri ni hpe hpya kau let agrawp taw nga ai hpara sumla ni a ntsa e nanhte a si mang ni hpe kabai mara da na we ai.

MIHKA 5:13

Ngai gaw nang tawk da ai hpara sumla ni hte chyoi pra ai nlung shadaw ni hpe jahten kau ya na nngai; htawm hpang de na a lata hte galaw ai arai ni hpe nang galoi mmung nawku lu na ra ai n rai.

ZEHPANI 1:5

Kadai mung tinang nta ntsa de lung wa nna ajan, shata hte shagan ni hpe nawku nga ai ni hpe ngai jahten kau na we ai. Ngai hpe nawku daw jau ai hte ngai hta ga sadi dung nga na nga nna dagam da ai ni ngai kaw nna htak mat wa nhtawm Molek hpara a mying nsang hta ga shaka la ai ni hpe ngai shamyit kau na we ai.

ZEHKARIA 13:2

Dai aten hta hpara sumla ni a amying hpe dai mungdan hta na yeng seng kau na nngai; shaloi kadai mung htawm hpang prat e, dai ni hpe galoi mung dum nga na ma ai n rai. Myihtoi tai na matu tsun ai ni kadai hpe mung ngai seng kau nna, hpara sumla ni hpe nawku na ra sharawng myit ni hpe la kau ya na we ai.

MAHTE 6:24

“Kadai rai ti mung, madu lahkawng a nchyang n tai lu ai; shi gaw langai mi hpe n dawng nna langai wa hpe tsaw ra na wu ai; langai mi hta sadi dung nna, kaga hpe n kaw n law di na wu ai. Nanhte Karai Kasang hpe mung, mungkan ga a sutgan hpe mung rau chyang lu na myit dai n rai.

LUKA 16:13

“Kadai shangun ma rai ti mung, madu lahkawng a mayam n tai lu ai; langai wa hpe shi n dawng nna, langai wa hpe shi tsaw ra na wu ai; langai wa hta sadi dung nna, langai wa hpe n kaw n law di na wu ai. Nanhte gaw Karai Kasang a magam amu hpe mung, gumhpraw tam ai amu hpe mung, kalang lata rau sha n gun hpai lu na myit dai,” ngu mu ai.

YAKU 1:8

Shing re ai wa gaw agyoi ai wa rai nga ai majaw dai Madu kaw na lama ma lu la na zawn hkum nawn nga u ga.

YAKU 4:4

Nanhte gaw sadi n dung ai masha ni rai nga myit hka! Mungkan ga hte jinghku hku ai ngu ai gaw Karai Kasang a hpyen tai nga ai ngu ai hpe nanhte n chye nga myit ni? Mungkan ga a jinghku tai mayu ai wa kadai mung tinang a hkum hpe Karai Kasang a hpyen shatai nga ai.

1 YAWHAN 2:15

Dinghta ga hpe mung, dinghta ga e nga ai arai hpe mung hkum tsaw ra myit. Nanhte dinghta ga hpe tsaw ra myit yang gaw, Kawa hpe n tsaw ra myit dai.

1 SAMUELA 5:4

Hpang jahpawt jau jau bai rawt yu mu yang, dai sumla gaw Ga Shaka Sumpu a man e bai dagup taw nga ai hpe shanhte mu ma ai. Ndai lang hta chyawm gaw de a baw hte lata lahpum lahkawng daw agrawp mat nna chyinghka hkinbawng e taw nga ai; hkum kaman chyu sha se se rai ngam nga ai.