HOSEA 10:14 - Jinghpaw Common Language Bible 2009

¹⁴ hpyen majan gaw nanhte a amyu masha ni kaw du nna nanhte a hpyen dap ni hten byak mat na mara ai. Dai gaw Betarbela mare hta hpyen majan byin ai shani Hkawhkam Shalman e jahten sharun kau ai mare zawn tai mat nna, kanu ni hte shanhte a kashu kasha ni mung adit sat kau hkrum nga masai.

Jinghpaw Hanson Version Bible

¹⁴ Dai re ai majaw, na a amyu masha ni gaw, kabring kabrawng rai wa nna, hpyen majan gasat ai shani hta, Shalman gaw Betarbela hpe run kau ai hte maren, na a hpyen dap ni yawng, run kau ai hkrum na ra ai: kanu gaw kasha ni hte rau adit kau ai hkrum masai.

HOSEA 10:14 ပူးပေါင်းရင်းမြစ်များ

NINGPAWT NINGHPANG 32:11

Nye hpu Esaw a lata kaw na ngai hpe hkye hkrang la e, ngai akyu hpyi nga nngai law. Ngai hkrit mung hkrit nga nngai-shi sa wa nna anhte hpe gasat nhtawm anhte yawng hpe mung, kanu ni hte kasha ni hpe pyi sa shamyit kau na hkrit nga nngai.

2 HKAWHKAM 17:16

Shanhte gaw dai Madu shanhte a Karai Kasang a tara ni yawng hpe jahten sharun kau nhtawm shanhte nawku na matu nhprang arai hte shachyaw ai dumsu kasha sumla lahkawng hpe galaw ma ai. Shanhte gaw Ashera karai num a gawkngu sumla langai mi hpe galaw nna, shagan ni hpe nawku let Bala karai ni hpe daw jau nga ma ai.

2 HKAWHKAM 17:3

Asuri Hkawseng Shalmanesa gaw shi hpe gasat wu ai. Hoshea asum jaw wu ai rai nna shaning shagu ahkun hkanse shi hpe jaw ya wu ai.

2 HKAWHKAM 18:33

Kaga masha amyu baw hta na kaning re ai karai ni shanhte a mungdan hpe Asuri hkawseng wa a lata kaw nna hkye mawai la lu yu nga a ni?

ESAIA 17:3

Israela gaw dahpran shara kata byin mat na ra ai, Damasku gaw shi a awng dawm shanglawt ahkaw ahkang sum mat na ra ai. Naw ngam nga ai Suri masha ni gaw Israela amyu masha ni zawn myi man sum mat na mara ai. Chyahtum Chyalai N-gun rawng ai dai Madu Ngai nan tsun ni ai,” ngu nna tsun wu ai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

YEREMIA 13:14

Dai hpang, ngai gaw namtau shada ahkawk hkat ai zawn kaji kaba n nga, shanhte hpe agrawp daw kau na nngai. Lahpawt dum ai myit, matsan dum ai myit, n-gaw nwai ai myit hpa mung shanhte hpe sat shamyit kau na kaw na ngai hpe hkum da lu na ra ai n rai,” nga nna tsun ai.

YEREMIA 48:41

mare ni hte hpyen dap ni zing la hkrum na ra ai nga nna dai Madu ga sadi tawn da nu ai. Dai shani e, Moba hpyenla ni gaw shinggyim machyi hkrum ai num zawn hkrit kajawng mat na mara ai.

HOSEA 10:15

Behtela mare masha ni e, nanhte galaw manit dai hkrit hpa amu a majaw dai zawn nanhte hta byin wa na marin dai. Majan gasat hpang wa ai shaloi jang, Israela hkawhkam si mat na ra ai,” ngu nna tsun wu ai.

HOSEA 13:16

Samari masha ni mung ngai hpe gumlau ai majaw ari jaw hkrum na rai ma ai. Shi a masha ni mung hpyen majan hta si mat na mara ai; ma chyangai ni mung ga de adit kau ai hkrum nna, dinghku li ai numsha ni, kan ga kau hkrum na mara ai.

AMO LAIKA (AMOS) 3:14

“Israela amyu masha ni shanhte galaw shut ai yubak ni a majaw ngai shanhte hpe ari jaw ai shani hta, Behtela a tawn hkungri ni hpe mung ngai jahten kau na we ai. Hkungri shagu na nrung ni daw kau ai hkrum nna ga de hkrat mat na ra ai.

AMO LAIKA (AMOS) 3:8

Hkanghkyi shabam ai shaloi, n hkrit ai wa kadai nga lu a ta? Tsaw Htum ai dai Madu shaga yang, myihtoi n htoi na kadai wa rai nga a ta?

AMO LAIKA (AMOS) 9:5

Chyahtum Chyalai N-gun rawng ai Tsaw Htum ai dai Madu gaw ginding aga hpe ahtawk hkra dat ai hte dai gaw ashun nga ai; dai hta nga ai ni yawng sharung shayawt nga ma ai. Mungkan ga ting gaw Nila hka nu zawn rawt tung wa nna kyet mat nga ai.

MIHKA 5:11

Ngai gaw na a mung na mare ni hpe jahten kau nna na a hpyen dap ni yawng hpe hpya ashin kau na nngai.

NAHUM 3:10

Ti mung, Thebe a masha ni ni gaw bawng dung hkrum mat wa ma ai. Shanhte a kashu kasha ni lam jut shara shagu hkan si hkra kayat sat kau hkrum nga masai. Shanhte a lam woi masha ni hpri sumri hte gyit hkang da hkrum nna shanhte a bawng madu ni hpaida da nhtawm, jawm karan la hkrum nga ma ai.

NAHUM 3:12

Na a hpyen dap ni yawng gaw shawng myin nna asi si ai lagum hpun ni zawn rai wa nna, hpun ashun dat yang na a n-gup ang ang hkrat bang na ra ai.

HABAKU 1:10

Shanhte gaw hkawhkam ni hpe jahpoi asawng ma ai, lahta tsang du salang ni hpe mani asan kau ma ai. Shanhte hpe shingdang lu ai hpyen dap nga ai n rai-shanhte gaw ga kaduk sumpum galaw nna dai hpe zing la nga ma ai.