HOSEA 10:12 - Jinghpaw Common Language Bible 2009

¹² Ngai gaw, “Nanhte a matu lamu ga ningnan shawt nhtawm ding hpring ai hpe hkai mu. Ngai hpe kam sham nna shapraw ya na ra ai chyeju ni hpe shu la mu. Nanhte a Madu rai nga ai Ngai kaw kayin wa na nanhte a matu aten rai nga ai. Ngai sa nna nanhte a ntsa e shaman chyeju ru jaw na made ai.

Jinghpaw Hanson Version Bible

¹² “Tinang a matu dinghpring ai nli gat mu, chyeju nsi naisi shu la mu; jahkam da ai yi hkauna ni hpe galau mu: Yehowa sa nna, nanhte a ntsa e dinghpring ai marang jahtu ai du hkra, shi hpe tam na aten ya rai nga ai.

HOSEA 10:12 ပူးပေါင်းရင်းမြစ်များ

SHAKAWN KUNGDAWN 105:4

Karum hpyi na matu, dai Madu hpang de sit shang wa mu, shi hpe n sim n sa nawku daw jau nga mu.

SHAKAWN KUNGDAWN 72:6

Prang ni a ntsa e, marang htu ai hte lamu ga ntsa e, marang shaya hkrat nga ai zawn, hkawhkam wa mung dai zawn rai nga u ga.

GA SHAGAWP 11:18

Tara n lang ai masha ni gaw teng teng hpa mung lu la nga ai n rai ti mung; teng man ai amu hpe, nang galaw nga ai rai yang chyawm gaw shagrau sha-a ai kumhpa hpe nang teng teng hkam la lu na rin dai.

GA SHAGAWP 18:21

Nang tsun shaga ai ga gaw asak hpe bau maka lu nga ai; shing n rai, dai hpe jahten sharun kau lu nga ai. Dai majaw, na a n-gup aga a majaw pru wa ai mabyin lam ni hpe hkap la ra nga ndai.

HPAJI NINGLI 11:6

Na a nli hpe jahpawt manap e gat u; shana de mung gat u. Dai ni yawng atsawm sha tu ai kun? Shara mi hte shara mi gat da ai shara hta gara mahtang grau kaja ai kun? Nang galoi mung n chye ndai.

ESAIA 30:23

Nanhte gaw nanhte a nsi naisi ni hpe hkai ai aten shagu, Madu gaw dai ni hpe tu shangun na matu marang jahtu ya nna nanhte hpe ja kat ai mangai jaw ya na ra ai, nanhte a yam nga hpung gaw udat shara law law madu lu na mara ai.

ESAIA 31:1

Karum la lam a matu Egutu mung de yu sa ai ni gaw dingnye hkrum nga ai! Shanhte gaw Egutu mung a law htam ai hpyen n-gun, gumra ni, hpyen leng ni hte hpyenla ni hpe shamyet shanat nga ma ai. Rai ti mung shanhte gaw dai Madu Israela a chyoi pra ai Karai Kasang hta shamyet shanat ma ai n rai, karum la na matu shi kaw hpyi lajin ma ai n rai.

ESAIA 32:20

Masha shagu hte gaw nsi naisi ni a matu hka alaw alam lu lang ai hte lawze ni hte dumsu ni a matu shara shagu hkan shim ai udat shara nga nga na ra ai gaw kade sha kabu gara mai nga ai.

ESAIA 44:3

“Ngai gaw hpang gara ai lamu ga hpe ntsin jaw na nngai; hkun hkraw ai lamu ga ntsa e hka shi ni hpe shalwi dat na nngai. Ngai gaw nanhte a kashu kasha ni a ntsa de nye a wenyi ru bun na nngai; na a aru arat ni a ntsa de nye a shaman chyeju ru jaw na nngai.

ESAIA 45:8

Ngai gaw marang htu ai zawn sumsing lamu kaw na awng padang jaw dat na nngai; ginding aga gaw dai hpe hkap la na matu hpaw malang na ra ai, aga gaw shanglawt ahkaw ahkang hte teng man rap ra ai tara pru wa na ra ai. Dai Madu ngai nan ndai amu hpe shabyin dat na nngai,” ngu nna tsun ai.

ESAIA 48:18

“Nye a hkang da ai ga hpe nang madat mara nga ai rai yang chyu sha, galoi mung n hkyet mat chye ai hka shi hka zawn, shaman chyeju gaw na a matu lwi hkrat wa na ra ai. Awng padang gaw panglai hkin-gau de hkaleng ni katsu taleng lung wa ai zawn nang hta dan pru wa na ra ai.

ESAIA 5:6

Ngai gaw dai hpe tsing ni hte shalim kau shangun na we ai. Ngai gaw sabyi ru ni hpe tsan kau na n rai, aga hpe chye pawm ya na n rai; shing di na malai, ngai gaw dai shara hpe ju hpun ni hte ka-up da shangun na nngai. Ngai gaw de a ntsa e marang jahtu ya na matu, sumwi ni hpe hkum shadang da na nngai.”

ESAIA 54:14

Teng man rap ra ai tara hte ding man ai gaw nang hpe n-gun shaja ya na ra ai. Nang gaw dip gamyet sha hkrum ai hte hkrit kajawng ai amu kaw na shim nga lu na ndai.

ESAIA 55:6

Dai Madu hpang de kayin wa nna shi kaw akyu hpyi u, ya aten, shi ani sha nga nga ai.

YEREMIA 50:4

Dai Madu gaw, “Dai aten du ai shaloi, Israela hte Yuda masha ni gaw hkrap ngu hkrap ngoi ai hte wa nna shanhte a Karai Kasang rai nga ai ngai hpe wa tam na mara ai.

EZEKELA 34:26

“Ngai gaw shanhte hpe shaman ya nna shanhte hpe nye a chyoi pra ai kawng grup yin hkan e shanu nga shangun na nngai. Shanhte ra kadawn ai aten hta marang jahtu dat nna ngai shanhte hpe shaman ya na nngai.

HOSEA 12:6

Dai rai nna ya chyawm gaw, Yaku a amyu matu mara ni e, nanhte a Karai Kasang hpe kam hpa nga mu; shi kaw nhtang wa mu. Teng man ai hte sadi dung nga let, nanhte a Karai Kasang galaw na amu hpe myit n yaw ai sha ala nga mu.

HOSEA 14:1

Israela amyu masha ni e, nanhte a yubak gaw nanhte hpe ahtu kataw shangun nga manit dai majaw dai Madu nanhte a Karai Kasang hpang de nhtang wa mu.

HOSEA 6:3

Anhte dai Madu hpe chye hkra shakut ga. Shi gaw jahpawt manap na nhtoi e teng teng pru wa ai zawn mung, lanam shang marang teng teng jahtu ya ai zawn mung anhte hpang de du sa wa na ra ai.”

HOSEA 8:7

Shanhte nbung gat hkai ai shaloi, nbung laru shu la na mara ai! Yi hkauna na n myin ai nsi naisi gaw galoi mung muk n lu shapraw ya nga ai. Dai hta rawng tim pyi, maigan masha ni sha kau na mara ai.

AMO LAIKA (AMOS) 5:15

N hkru ai amu hpe n dawng nga mu, teng man ai amu hpe tsaw ra nga mu, teng man rap ra ai tara gaw tara rung ni hta dang nga ai hpe mu lu nga ai. Dai Madu gaw naw hkrung ngam nga ai ndai amyu baw a amyu masha ni hpe mahkoi matsan chye dum la mai nhten.

AMO LAIKA (AMOS) 5:4

Dai Madu gaw Israela amyu masha ni hpe, “Ngai hpang de sa marit, nanhte hkrung nga na rai myit dai.

AMO LAIKA (AMOS) 5:6

Dai Madu kaw sa mu, nanhte hkrung nga lu na rai myit dai. Nanhte n sa ai rai yang, Israela amyu masha ni a ntsa e wan hkrat bun ai zawn ye magawn mat wa na ra ai. Wan gaw Behtela masha ni hpe hkru kau nna kadai mung dai hpe sat kau lu na ra ai n rai.

AMO LAIKA (AMOS) 5:8

Dai Madu gaw Kru Majan hte Nhtoi Gintawng shagan ni hpe hpan da nga sai. Shi gaw nsin hpe shani nhtoi, shani hpe shana kayin kau nga ai. Shi gaw panglai hka ni hpe shaga dat nna dai ni hpe ginding aga ntsa e ru dat nga ai. Shi a amying shingteng gaw dai Madu rai nga ai.

LUKA 13:24

Yesu gaw, “Gyip ai chyinghka hku shang lu na nanhte shakut shaja mu, hpa majaw nga yang, masha law law wa shang na matu kaja wa shakut na mara ai, rai ti mung, n shang lu na mara ai.

KASA 2:18

Rai sa, dai nhtoi hte yang nye a nchyang la ni hte nye a nchyang jan ni a ntsa e nye a Wenyi ngai ru jaw nna, shanhte nye a mungga htawn tsun na mara ai.

2 KORINHTU 9:10

Nli gat ai wa hpe nli jaw nna malu masha shabyin ya nga ai Karai Kasang gaw nanhte hta ra ai nli law hkra hpe mung, jaw ya ai hta n ga, dai nli hpe kaba wa shangun nna nsi naisi law law si wa shangun nga ai. Dai gaw nanhte a ndaw nhta jaw ya ai shawang myit hta na nsi naisi hpe ngu ai rai nga ai.

YAKU 3:18

Dai mai kaja ai lam gaw sim sa ai lam galaw ai ni sim sa ai hta gat hkai nna shabyin shapraw dat ai apu asi rai nga ai.