HOSEA 10:11 - Jinghpaw Common Language Bible 2009

¹¹ “Israela gaw nsi naisi kabye na matu jin jin rai nga ai wubik upra langai hte bung nga ai. Rai ti mung shi a tsawm ai du bau ntsa e kandang mara ya nna bungli shaja galaw na matu shi hpe daw hking mara ya na ngai daw dan da ni ai. Ngai gaw Yuda hpe shawt shangun nna Israela hpe masit shangun na we ai.

Jinghpaw Hanson Version Bible

¹¹ Ehprim gaw ni nna, mam kabye ra ai upra rai nga timung, ngai gaw shi a du bau ntsa e, kandang mara na nngai: Ehprim a du hta jawn ai wa ngai shalun na nngai; Yuda gaw hkaibang galau nna, Yaku gaw masit na ra ai.”

HOSEA 10:11 ပူးပေါင်းရင်းမြစ်များ

ESAIA 28:24

Hkauna galaw ai ni gaw shanhte a yi hkauna ni hpe tut nawng galau ai n rai; hkai lu na matu jin jin a galaw da nga ai n rai.

YEREMIA 28:14

Chyahtum Chyalai N-gun Rawng ai dai Madu Israela a Karai Kasang gaw ndai masha amyu baw ni yawng a ntsa e hpri kandang mara da ya na ra ai, shanhte gaw Babelon Hkawhkam Nebuhkadneza hpe daw jau na mara ai, nga nna tsun nu ai. Shi gaw nam na matse labye dusat ni pyi Nebuhkadneza hpe daw jau na mara ai nga nna dai Madu tsun nu ai,” nga ai.

YEREMIA 46:20

Egutu mung gaw grai tsawm ai dumsu u pra zawn rai nna, dingdung maga de na jinghkam ni a balen tuk bang ya hkrum nga ai.

YEREMIA 50:11

Dai Madu gaw, “Babelon mung masha ni e, nang gaw nye a amyu hpe hpya sha kau nit dai; nanhte gaw mam kabye nga ai dumsu shing n rai shabam ai gumra zawn kabu gara ai hte kayin hkawm nga myit dai,

HOSEA 11:4

Ngai gaw shanhte hpe tsaw ra shawang myit hte ngai hpang de dun la nngai. Ngai gaw shanhte hpe sharawt la nna ngai hpang de shayawn la nngai; Ngai gaw shanhte a man e gum let shanhte hpe lusha jaw nngai.

HOSEA 3:1

Dai Madu gaw ngai hpe, “Sumtsaw langai hte la shaw ai amu shut hpyit nga ai numsha kaw bai sa nna na a tsaw ra myit madun dan su. Israela amyu masha ni gaw karai shaje ni de kayin mat wa nna hpara sumla ni hpe namsi jahkraw hkungga nawng ya ma ai; rai tim, ngai gaw Israela amyu masha ni hpe naw tsaw ra nga nngai zawn nang mung tsaw ra lu na rai ndai,” ngu nna tsun wu ai.

HOSEA 4:16

Israela amyu masha ni gaw lawze ni zawn du ja nga ma ai; ngai gaw shanhte hpe dam ai tsingdu pa na sagu kasha ni hpe zawn kaning rai rem lu na rai ta?

HOSEA 9:1

Israela amyu masha ni e, tara maigan masha ni zawn galaw ai lusha poi ni hpe tawn kau mu. Nanhte gaw nanhte a Karai Kasang a man kaw nna kayin mat wa nhtawm shi hpe n kam n sham nga myit dai. Nanhte gaw tinang hkum hpe mungdan ting de shawa num ni zawn Bala karai hpe dut ya ai hte shi nanhte a matu shabrai jaw ai zawn nawn ai nsi naisi hpe tsaw ra nga myit dai!

MIHKA 4:13

Dai Madu gaw, “Yerusalem masha ni e, rawt sa nna na a gumlau hpyen ni hpe ari jaw u! Hpri nrung hte magri mang lahkru rawng ai usu zawn ngai nang hpe n-gun shaja ya na nngai. Nang gaw masha amyu baw law law ni hpe adup mani kau na ra ai; shanhte kashun kashe rai lu la ai sut gan hpe mungkan ting a Madu rai nga ai, ngai hpang de sa sak ya na mara ai,” ngu nna tsun ai.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

TARA JAHPRANG 25:4

“Mam kabye ai dumsu n-gup pat ya lu na n rai.