HOSEA 1:9 - Jinghpaw Common Language Bible 2009

⁹ Dai Madu gaw Hosea hpe, “Shi hpe, ‘Nye a amyu n rai,’ ngu nna shamying u; hpa majaw nga yang, Israela amyu masha ni gaw nye a amyu masha ni n rai; ngai mung shanhte a Karai Kasang n rai nngai,” ngu nna tsun wu ai.

Jinghpaw Hanson Version Bible

⁹ Shaloi Yehowa gaw “Shi hpe Lo-ami, shamying u; kaning rai nme law, nanhte gaw nye a amyu n rai; ngai mung nanhte a Karai Kasang n rai na nngai,” ngu wu ai.

HOSEA 1:9 ပူးပေါင်းရင်းမြစ်များ

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

YEREMIA 20:3

Hpang jahpawt e, Pashura gaw ngai hpe sharen da ai kaw na raw dat ai hpang ngai gaw shi hpe, “Dai Madu gaw nang hpe Pashura ngu nna shamying wu ai n rai. Shi nang hpe jaw ai mying gaw ‘Shara Shagu Hkan Na Hkrit Hpa Lam’ ngu ai rai nga ai.

HOSEA 1:10

Israela amyu masha ni mung n dang hti, n dang shadawn lu hkra re ai panglai zaibru zawn tai wa na mara ai. Ya chyawm gaw Karai Kasang shanhte hpe, “Nanhte gaw nye a amyu masha ni n rai nga myit dai,” ngu nna tsun ai. Rai ti mung, dai nhtoi du du wa ai shaloi shi gaw shanhte hpe, “Nanhte gaw ahkrung nga ai Karai Kasang a kashu kasha ni rai nga myit dai!,” ngu nna tsun na ra ai.

HOSEA 1:8

Gome gaw shi a shayi sha hpe chyu jahka kau ngut ai hpang, shi hta na-um nasin bai byin wa nhtawm shadang sha langai bai lu wu ai.

HOSEA 2:23

Ngai gaw nye a amyu masha ni hpe ndai lamu ga hta shanu nga shangun nna shanhte hpe ngamu ngamai shangun na nngai. Ngai gaw “Tsaw ra n hkrum ga ai” ngu tsun hkrum nga ai ni hpe mung, “Nye a amyu masha ni n re” nga nna tsun hkrum ai ni hpe mung tsaw ra myit madun na we ai. Ngai gaw, “Nanhte gaw nye a amyu masha ni rai nga myit dai,” ngu nna tsun na we ai, shanhte gaw, “Nang gaw anhte a Karai Kasang rai nga ndai,” nga nna htan na mara ai.