HOSEA 1:8 - Jinghpaw Common Language Bible 2009

⁸ Gome gaw shi a shayi sha hpe chyu jahka kau ngut ai hpang, shi hta na-um nasin bai byin wa nhtawm shadang sha langai bai lu wu ai.

Jinghpaw Hanson Version Bible

⁸ Ya shi gaw, Lo-ruhama hpe chyu jahka ngut jang, na-um nasin bai rai nna, shadang sha shangai wu ai.

HOSEA 1:8 ပူးပေါင်းရင်းမြစ်များ

NINGPAWT NINGHPANG 21:8

Dai ma mung kaba wa nna chyu jahka ai shani e Abraham mung lusha poi kaba galaw ya wu ai.

HOSEA 1:6

Gome gaw lahkawng ngu na ma lu nga ai. Ndai lang na ma gaw shayi sha langai rai nga ai. Dai Madu gaw Hosea hpe, “Dai numsha hpe, ‘N tsaw ra nu ai’ ngu nna shamying u; hpa majaw nga yang, ngai gaw Israela amyu masha ni hpe galoi mung tsaw ra myit madun na nngai n rai; shanhte hpe mara raw dat ya na nngai n rai.

HOSEA 1:7

Rai ti mung, Yuda amyu masha ni hpe chyawm gaw tsaw ra myit madun dan na nngai. Dai Madu shanhte a Karai Kasang Ngai nan shanhte hpe hkye la na nngai, rai ti mung ngai gaw majan hta nhtu, ndan, pala, gumra hte gumra jawn masha ni hpe lang na n rai.

HOSEA 1:9

Dai Madu gaw Hosea hpe, “Shi hpe, ‘Nye a amyu n rai,’ ngu nna shamying u; hpa majaw nga yang, Israela amyu masha ni gaw nye a amyu masha ni n rai; ngai mung shanhte a Karai Kasang n rai nngai,” ngu nna tsun wu ai.