HOSEA 1:6 - Jinghpaw Common Language Bible 2009

⁶ Gome gaw lahkawng ngu na ma lu nga ai. Ndai lang na ma gaw shayi sha langai rai nga ai. Dai Madu gaw Hosea hpe, “Dai numsha hpe, ‘N tsaw ra nu ai’ ngu nna shamying u; hpa majaw nga yang, ngai gaw Israela amyu masha ni hpe galoi mung tsaw ra myit madun na nngai n rai; shanhte hpe mara raw dat ya na nngai n rai.

Jinghpaw Hanson Version Bible

⁶ Bai, shi gaw, na-um nasin rai nna, shayi sha shangai wu ai: shaloi Yehowa gaw, “Shi a amying hpe, Lo-ruhama, shamying u: kaning rai nme law, Israela amyu a yubak hpe raw dat kau hkra, ngai htawm hpang e shanhte hpe hpa matsan dum na, n rai.

HOSEA 1:6 ပူးပေါင်းရင်းမြစ်များ

2 HKAWHKAM 17:20

Dai Madu gaw Israela amyu masha ni yawng hpe ningdang kau wu ai rai nna hpang jahtum shi a man kaw nna shanhte hpe gawt shapraw kau ai aten du hkra shanhte hpe ari jaw nna mazut ai gumlau hpyen ni a lata de shanhte hpe ap kau nga wu ai.

2 HKAWHKAM 17:6

Hoshea hkaw dung ai jahku ning hta, Asuri hkawseng wa gaw Samari mare hpe gasat la nna Israela masha ni hpe bawng masha hku Asuri mungdan de woi mat wa nga ai. Shanhte hta na nkau mi gaw Hala mare e nga nna, nkau mi mahtang Gozan ginwang na Habora hka makau hku mung, Medi mare ni hkan mung nga nga ma ai.

ESAIA 27:11

Hpun lakung lakying ni hkraw mat yang gang daw kau hkrum nga ai, numsha ni gaw dai hpe ju hpun a matu shinggyin la ma ai. Amyu masha ni gaw hpa hpe mung n chye na nga ma ai majaw shanhte a Hpan Madu Karai Kasang gaw shanhte hpe yu matsan dum na ra ai n rai, shanhte hpe kaning re ai n-gaw nwai ai myit mung madun dan na ra ai n rai.

HOSEA 1:8

Gome gaw shi a shayi sha hpe chyu jahka kau ngut ai hpang, shi hta na-um nasin bai byin wa nhtawm shadang sha langai bai lu wu ai.

HOSEA 2:23

Ngai gaw nye a amyu masha ni hpe ndai lamu ga hta shanu nga shangun nna shanhte hpe ngamu ngamai shangun na nngai. Ngai gaw “Tsaw ra n hkrum ga ai” ngu tsun hkrum nga ai ni hpe mung, “Nye a amyu masha ni n re” nga nna tsun hkrum ai ni hpe mung tsaw ra myit madun na we ai. Ngai gaw, “Nanhte gaw nye a amyu masha ni rai nga myit dai,” ngu nna tsun na we ai, shanhte gaw, “Nang gaw anhte a Karai Kasang rai nga ndai,” nga nna htan na mara ai.

HOSEA 2:4

Ngai gaw shi a ma ni hpe matsan dum ai myit madun na nngai n rai; shanhte gaw kaya n chye ai shawa num a ma ni rai ma ai. Shi hkum nan, “Ngai gaw nye a sumtsaw ni hpang de sa wa na nngai_ shanhte gaw ngai hpe malu masha, ntsin, sagu mun hte lachyit nba, tsanlun sau hte sabyi ntsin jaw ma ai,” nga nna tsun wu ai.

AMO LAIKA (AMOS) 7:8

Shi gaw ngai hpe, “Amo e, nang hpa mu n ta?,” ngu nna san wu ai. Ngai gaw, “Shadawn sumri langai,” ngu nna htan we ai. Dai hpang, shi gaw, “Nye a amyu masha ni gaw n ding ai bunghku zawn rai nga ma ai hpe madun dan na matu dai hpe ngai lang nngai. Shanhte hpe ari jaw na lam hte seng nna nye a myit bai galai mat na ra ai n rai.

AMO LAIKA (AMOS) 9:8

Tsaw Htum ai dai Madu ngai gaw yubak mara hte hpring ai ndai Israela mungdan hpe azi yu nga nngai, ngai gaw dai mungdan hpe ginding aga a man kaw na jahten kau na nngai. Rai ti mung, ngai gaw Yaku a amyu matu mara yawng hpe jahten shaza kau na nngai n rai.

1 PETRU 2:10

Nanhte gaw shawng de kalang mi Karai Kasang a amyu masha ni n rai myit dai; rai ti mung ya gaw, shi a masha ni rai wa manit dai. Shawng de kalang mi nanhte gaw Karai Kasang a matsam dum lama ai hpe n hkap la lu myit dai; ya chyawm gaw hkap la lu manit dai.