HOSEA 1:5 - Jinghpaw Common Language Bible 2009

⁵ Ngai gaw Yezrela Kadit e, dai aten hta Israela a hpyen dap a daru magam n-gun hpe shamyit kau ya na we ai.

Jinghpaw Hanson Version Bible

⁵ Dai shani jang, ngai gaw, Yezrela kadit e, Israela ndan hpe agrawp kau na nngai,” ngu nna shi hpe tsun wu ai.

HOSEA 1:5 ပူးပေါင်းရင်းမြစ်များ

2 HKAWHKAM 15:29

Peka hkawhkam galaw nga yang, Asuri Hkawseng Tiglat Pilesa sa du nna, Iyon, Abela Bet Mahka, Yanoa, Kedesha, hte Hazora mare ni hpe mung, Gilead mung Galile hte Naphtali ni hpe gasat dang la nna amyu masha ni hpe bawng masha hku Asuri mung de woi mat wa mu ai.

SHAKAWN KUNGDAWN 37:15

rai ti mung, shanhte ni mahtang shanhte a nhtu ni hte nan sat kau ai hkrum na mara ai; shanhte a ndan ni mung agrawp daw kau ai hkrum na mara ai.

SHAKAWN KUNGDAWN 46:9

Shi gaw mungkan ga na majan ni yawng hpe shazim kau nna; ndan ni hpe shi shadaw kau let, ri ni hpe jahten kau nhtawm, hpyen ninggang ni hpe wan hta nat kau nga ai.

YEREMIA 51:56

Shanhte gaw Babelon hpe jahten na matu du sa ma ai; dai mung na hpyenla ni gaw rim hkrum nga ma ai, shanhte a ndan ni agrawp daw mat manu ai. Ngai gaw n hkru ai amu galaw ai ni hpe ari jaw ai Karai Kasang rai nga nngai, Ngai gaw Babelon wa hkam la ging ai mara hte maren, di na we ai.

EZEKELA 39:3

Dai hpang, ngai gaw shi a pai lata na ndan hpe mung, shi a hkra lata na pala ni hpe mung kayat jahkrat kau ya na nngai.

HOSEA 2:18

Dai aten hta, ngai gaw nam na matse labye dusat ni, ntsa malen u ni hte ga shaka tawn da na nngai; dai ni gaw nye a amyu masha ni hpe zingri na mara ai n rai. Dai mungdan na majan laknak yawng hpe mung, nhtu, ndan yawng hpe mung yeng seng kau na nngai; nye a amyu masha ni hpe ngwi pyaw sim sa ai hte shim lum ai hku nga shangun na nngai.

YAWSHU 17:16

Shanhte gaw, “Dai bum ga gaw anhte a matu n kaba nga mali ai; rai ti mung Bet Shan hte de a grup yin na mare ni hte Yezrela Kadit pa hkan nga ai Hkanani masha ni chyawm gaw hpri leng lu ai ni rai nga ma ai,” ngu nna htan ma ai.

TARA AGYI 6:33

Dai hpang Midian masha ni, Amalek masha ni hte nam mali hkan nga ai amyu bawsang ni yawng jawm hpawng nna Yawdan hka rap nhtawm Yezrela Kadit e dap jung ma ai.