HOSEA 1:4 - Jinghpaw Common Language Bible 2009

⁴ dai Madu gaw Hosea hpe, “Shi hpe ‘Yezrela’ ngu nna shamying u, hpa majaw nga yang, kade n na yang, shi a kaji kawa Yehu Yezrela e shut kau ai masha sai jahkaw ai ru hka amu ni a matu Israela hkawhkam hpe ngai ari jaw na nngai. Ngai gaw Yehu wa a hkawhkam magam matu ni hpe jahtum kau na we ai.

Jinghpaw Hanson Version Bible

⁴ Shaloi Yehowa gaw, “Dai ma hpe, Yezrela, shamying u; kaning rai nme law, gade n na yang, Yezrela shara e jahkaw kau ai asai hpe, Yehu a nta ntsa e ngai matai dawp nna, Israela mungdan hpe jahtum kau na we ai.

HOSEA 1:4 ပူးပေါင်းရင်းမြစ်များ

2 HKAWHKAM 10:1

Hkawhkam Ahab a amyu matu ni marai sanit shi hte gaw Samari mare e nga nga ma ai. Yehu gaw laika langai ka nhtawm kanan law law shapraw nna mare up hkang ai ni hpe mung, mare agyi salang ni hpe mung, Ahab a amyu matu ni hpe bau maka nga ai ni hpe mung, shagun dat ya wu ai. Dai laika hpe ning ngu hti na rai myit dai:

2 HKAWHKAM 10:17

Dai yang e shan du jang, Ahab a amyu makyin jinghku ni yawng hpe langai mi mung n jahkrung da ai sha, Yehu e sat kau wu ai. Dai gaw dai Madu Elia hpe tsun da nu ai hte maren byin wa ai lam rai nga ai.

2 HKAWHKAM 15:29

Peka hkawhkam galaw nga yang, Asuri Hkawseng Tiglat Pilesa sa du nna, Iyon, Abela Bet Mahka, Yanoa, Kedesha, hte Hazora mare ni hpe mung, Gilead mung Galile hte Naphtali ni hpe gasat dang la nna amyu masha ni hpe bawng masha hku Asuri mung de woi mat wa mu ai.

2 HKAWHKAM 15:8

Yuda Hkawhkam Uzia hkaw dung ai sumshi matsat ning hta Yeroboam II a kasha Zehkaria mung Israela hkawhkam tai wa nhtawm Samari mare e hkaw dung let shata kru up hkang nga ai.

ESAIA 7:14

Dai rai nna, Madu shi nan nanhte hpe kumla langai jaw ya na ra ai; hkawn sek shayi sha gaw hkum gawng li nna shadang sha shangai na ra ai; shi hpe ‘Emanuela’ ngu nna shamying na ra ai.

ESAIA 8:3

Tawng marang mi na mat ai hpang, nye a madu jan gaw na-um nasin hkum tai wa sai. An a kasha shangai wa ai shaloi, dai Madu gaw ngai hpe, “Shi hpe ‘Akajawng gasat, Tin tin hpya,’ ngu nna shamying u.

ESAIA 9:6

Anhte a matu kasha langai shangai sai! Anhte hpe shadang sha jaw mi ai! Shi gaw anhte a up hkang du tai na ra ai. Shi gaw, “Mauhpa Wa, Hpaji Daw Ai Wa, Chyahtum Chyalai N-gun Rawng Ai Karai Kasang, Htani Htana Kawa, Ngwi pyaw Sim Sa Ai A Hkawhkam Kasha,” ngu nna shamying hkrum na ra ai.

YEREMIA 20:3

Hpang jahpawt e, Pashura gaw ngai hpe sharen da ai kaw na raw dat ai hpang ngai gaw shi hpe, “Dai Madu gaw nang hpe Pashura ngu nna shamying wu ai n rai. Shi nang hpe jaw ai mying gaw ‘Shara Shagu Hkan Na Hkrit Hpa Lam’ ngu ai rai nga ai.

YEREMIA 23:2

Da ndai gaw dai Madu Israela a Karai Kasang shi a amyu masha ni hpe yu bau sin ang ai up hkang du ni hpe lakap nna tsun ai ga rai nga ai: “Nang gaw nye a amyu masha ni hpe n yu ndai; nang gaw shanhte hpe shabra kau ai hte shaden kau nit dai. Ya chyawm gaw nang galaw tawn sai n hkru ai amu ni a majaw, ngai nang hpe ari jaw na de ai.

YEREMIA 3:8

Shi gaw ngai kaw na kayin mat wa nhtawm shawa num tai mat sai majaw ngai gaw Israela hpe jahka kau nhtawm tsan tsan de sa kau dat ai hpe Yuda wa mung mu nu ai. Rai ti mung, Israela a sadi n dung ai kana Yuda gaw hkrit ai n rai. Shi mung shawa num tai wa nhtawm,

EZEKELA 23:10

Shanhte gaw shi a hpun palawng hpe raw sharun kau ya ma ai, shi a shadang sha ni hte shayi sha ni hpe rim la ma ai, dai hpang, shi hpe nhtu hte sat kau ma ai. Shara shagu hkan nga ai numsha ni gaw shi a maka hte seng ai lam hpe tsun shatan ma ai.

EZEKELA 23:31

Nang gaw na a kana a lagaw hkang hta hkan nga nit dai majaw shi lu ai ari gawm hpe nang lu na matu ngai jaw da ni ai.

HOSEA 1:6

Gome gaw lahkawng ngu na ma lu nga ai. Ndai lang na ma gaw shayi sha langai rai nga ai. Dai Madu gaw Hosea hpe, “Dai numsha hpe, ‘N tsaw ra nu ai’ ngu nna shamying u; hpa majaw nga yang, ngai gaw Israela amyu masha ni hpe galoi mung tsaw ra myit madun na nngai n rai; shanhte hpe mara raw dat ya na nngai n rai.

HOSEA 1:9

Dai Madu gaw Hosea hpe, “Shi hpe, ‘Nye a amyu n rai,’ ngu nna shamying u; hpa majaw nga yang, Israela amyu masha ni gaw nye a amyu masha ni n rai; ngai mung shanhte a Karai Kasang n rai nngai,” ngu nna tsun wu ai.

HOSEA 2:13

Ngai gaw shi ngai hpe malap kau nna Bala hpara hpe manam pyaw ai baw nat nawng nna shi hkum hpe ja lung seng ni hte mawn sumli nna shi a sumtsaw ni hpang hkan mat wa ai aten ni a matu ari jaw na nngai.

HOSEA 9:17

Shanhte gaw shi a ga hpe n madat kau ya ma ai majaw ngai daw jau ai Karai Kasang gaw shi a amyu masha ni hpe ningdang kau na ra ai. Shanhte gaw masha amyu baw ni a man e brak hkawm ai ni tai mat na mara ai.

AMO LAIKA (AMOS) 9:8

Tsaw Htum ai dai Madu ngai gaw yubak mara hte hpring ai ndai Israela mungdan hpe azi yu nga nngai, ngai gaw dai mungdan hpe ginding aga a man kaw na jahten kau na nngai. Rai ti mung, ngai gaw Yaku a amyu matu mara yawng hpe jahten shaza kau na nngai n rai.

MAHTE 1:21

Shi gaw shadang sha shangai na ra ai rai nna, nang shi a mying hpe, Yesu ngu nna shamying lu na rai nga ai; hpa majaw nga yang, shi a amyu hpe tinang a yubak mara kaw na hkye hkrang la na shi rai nga ai,” ngu wu ai.

LUKA 1:13

Rai ti mung, dai lamu kasa tsun ai gaw, “Zahkaria e, hkum hkrit et; Karai Kasang gaw na a akyu hpyi ai ga hpe madat ya nit dai rai nna, na madu jan Elisabet gaw shadang sha langai mi shangai na ra ai, nang shi hpe Yawhan ngu nna shamying ya na rai ndai.

LUKA 1:31

Yu u, nang na-um nasin rai wa nna shadang sha shangai na rin dai; shi a mying hpe Yesu ngu nna shamying ya na ru ai.

LUKA 1:63

Shi gaw gamgu pa hpyi la nna, “Shi a mying Yawhan rai lu ai,” ngu nna ka dan wu ai.

YAWHAN 1:42

Dai hpang shi gaw Simun hpe Yesu hpang de woi sa wu ai. Yesu gaw shi hpe hkap yu nna, “Nang gaw Yawhan a kasha Simun rai nga ndai; rai ti mung nang hpe Kehpa ngu nna shamying na rai nga ai,” ngu wu ai. (Kehpa ngu ai gaw Petru (Nlung) ngu ai lachyum re.

YAWSHU 19:18

De a ginwang hta Yezrela, Hkesulot, Shunem,