HEBRE 9:3 - Jinghpaw Common Language Bible 2009

³ Bai lahkawng ngu na nba grang a kata maga gawk na hpe Chyoi Pra Htum ai Shara ngu ma ai.

Jinghpaw Hanson Version Bible

³ Bai, lahkawng na nba grang kata maga de, Chyoi pra htum ai shara, ngu ai sum, rai nga ai rai nna,

HEBRE 9:3 ပူးပေါင်းရင်းမြစ်များ

1 HKAWHKAM 6:16

Kata gawk ngu na Chyoi Pra Htum Ai Shara hpe Nawku Htingnu a nbang maga de gap da nga ai. Dai mung pe 30 galu nga ai, dun kaw nna magaw madin du hkra arit hpunpyen ni hte kum da nga ai.

1 HKAWHKAM 8:6

Dai hpang hkinjawng ni mung Ga Shaka Sumpu hpe Nawku Htingnu kata de hpai jashawn nhtawm Chyoi Pra Htum Ai Shara na singkaw tu ai hkrung kanu yan a npu e dai hpe tawn da ma ai.

2 HKAWHKAM LABAU 3:14

Chyoi Pra Htum ai Shara a matu nba grang langai mi hpe mung, mut ai, shaba pu nsam rawng ai hte hkyeng ai nsam pru ai ri ni hpe jaw la nna mani ai lachyit ri ni, kaga arung arai ni hte singkaw tu ai hkrung kanu nba grang hpe galaw wu ai.

PRU MAT 40:21

Dai hpang, shi gaw Sum kata e dai Sumpu hpe tawn nna nba grang hte grang da wu ai. Ndai zawn dai Madu hkang da sai hte maren, Ga Shaka Sumpu hpe shinggang da wu ai.

PRU MAT 40:3

Dai kata hta Jep ai Tara Kanu Shi rawng ai Ga Shaka Sumpu hpe tawn da nna, de a man e nba grang hte grang da na rai nga ai.

ESAIA 25:7

Ndai yang e shi gaw masha amyu baw yawng a ntsa e ka-up da ai yawn hkyen sumwi hpe akajawng sha gun kau ya na ra ai.

EZEKELA 41:4

Shi gaw dai gawk hpe nan shadawn nga ai, dai gaw kade nde man grup grup pe 34 rai nga ai. Dai gawk gaw ka-ang gawk nu a shingdu e rai nga ai. Shi gaw ngai hpe, “Ndai gaw Chyoi Pra Htum ai Shara rai nga ai,” ngu nna tsun wu ai.

BU HKAWM 4:5

Dai Madu gaw Mawshe hpe ga matsun ni jaw wu ai. Sum hpe run hpya na aten du ai shaloi, Arun hte shi a shadang sha ni Sum kata de shang nhtawm Ga Shaka Sumpu a man na nba grang hpe shayu la nna dai hte Sumpu magap na rai ma ai.

MAHTE 27:51

Shaloi, Nawku Htingnu na nba grang gaw ntsa de nna htumpa hkren lahkawng brang ga mat ai. Ginding aga mung ashun awam wa nna, lunghkrung ni ga mat wa ma ai.

HEBRE 6:19

Anhte gaw dai myit mada shara hpe anhte a asak hkrung lam a matu hpri chyinghkyi langai mi zawn hkam la lu saga ai. Dai myit mada ai lam gaw shim ai hte grin ai lam rai nna sumsing lamu na htingnu kata a nba grang kata maga gawk de waw lai hkrang shang wa sai.

HEBRE 9:7

Rai ti mung sum kata maga na shara de chyawm gaw hkinjawng agyi kaba wa hkrai sha tinang nan a matu mung, masha ni a n dum n chye nna shut ai mara a matu mung, nawng ya ai asai lang let laning mi hta e lang mi sha, shang lu ai.

HEBRE 9:8

Ndai htung lai hte maren, shawng du ai gawk naw grin nga dingsa gaw chyoi pra htum ai shara de shang na lam mung garai n hpaw na re ai lam dai Chyoi Pra ai Wenyi gaw asan sha sharin ya nga ai.