HEBRE 8:3 - Jinghpaw Common Language Bible 2009

³ Hkinjawng Agyi shagu gaw kumhpaw kumhpa ni hte dusat hkungga ni hpe Karai Kasang kaw nawng jau na matu dang da hkrum ai wa rai nga ai, Dai hte maren anhte a Hkinjawng Agyi Kaba mung shi hta nawng jau na hkungga lama mi lu ra nga ai.

Jinghpaw Hanson Version Bible

³ Kaning rai nme law, hkinjawng agyi shagu gaw kumhpaw kumhpa hte shagu hkungga jaw ya na matu dang da nga ai; dai re ai majaw, ndai hkinjawng agyi wa mung, lama ma jaw ya lu na, ra nga ai.

HEBRE 8:3 ပူးပေါင်းရင်းမြစ်များ

YAWHAN 6:51

Ngai gaw sumsing lamu de nna yu wa ai, hkrung ai muk rai nga nngai, muk ndai hpe sha ai wa kadai mung, htani htana ahkrung nga na ra ai. Ngai jaw na muk gaw mungkan ga na masha ni asak hkrung nga lu na matu ngai jaw ai nye a ashan rai nga li ai,” ngu nna shanhte hpe htan mu ai.

ROMA 4:25

Hpa majaw nga yang ding hpring ai ngu nna Karai Kasang e hkap la lu na matu Madu Yesu gaw, anhte a shut hpyit ai yubak mara ni a majaw si hkam na matu ap kau hkrum nna shi hpe bai sharawt la ai hkrum nu ai.

ROMA 5:6

Anhte kam hpa na shara kata nga ga yang Hkristu gaw Karai Kasang ladaw da ai ahkying hta tara n hkungga ai, n hkru n kaja ai ni a matu si hkam sai.

ROMA 5:8

Rai ti mung, anhte yubak kap ai ni naw rai nga yang Hkristu gaw anhte a matu mara si hkam sai. Ndai hku nna Karai Kasang gaw anhte hpe gade wa tsaw ra mi ai lam madun dan mani ai.

GALATI 2:20

Dai rai nna ngai hkum nan naw hkrung nga nngai n rai; Hkristu she ngai hta e asak hkrung nga ai. Ndai ya e ngai hkrung nga ai asak gaw, ngai hpe tsaw ra nna nye a matu mara shi a asak nawng kau ai Karai Kasang a Kasha hpe kam sham ai a marang e hkrung nga ai asak rai nga ai.

EHPESU 5:2

Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

TITU 2:14

Anhte hpe tara tawt lai ai n hkru n kaja ai mara yawng mayawng hta na hkye hkrang shaw la na matu mung, anhte gaw myit masin san seng nna shi hte chyu sha seng ai amyu tai let, kaja reng ai magam bungli galaw na myit katu sharawng ai amyu tai na matu mung, Hkristu gaw anhte a matu mara shi hkum dai hpe ap ya kau nu ai.

HEBRE 2:17

Dai re ai majaw shi gaw, masha ni a yubak mara ni hpe raw dat kau ya lu na matu matsan dum chye ai kangka re ai hkinjawng agyi kaba tai ai hku nna Karai Kasang a magam bungli gun hpai lu u ga, lam shagu hta shi a kahpu kanau ni mu hkrum hkam sha nga ai lam ni hpe shanhte hte rau rum hkam sha nu ai.

HEBRE 3:1

Karai Kasang lata shaga la hkrum ai nye a Hkristan hpu nau ni e, anhte yin la ai nawku htung makam masham a Hkinjawng Agyi Kaba tai na matu Karai Kasang e shangun dat ai Yesu hpe myit yu mu.

HEBRE 5:1

Hkinjawng agyi shagu gaw, yubak a jaw e hkungga hte kumhpaw kumhpa nawng ya u ga, masha ni hta na lata la nna, shinggyim masha ni a malai Karai Kasang hpe daw jau na matu san da hkrum ai wa rai nga ai.

HEBRE 7:27

Shi gaw kaga hkinjawng agyi ni zawn shawng e tinang lu ai yubak mara ni a matu shani shagu hkungga nawng ya ra ai n rai. Shi gaw shi hkum nan hpe hkungga shatai nna nawng ya ai shaloi kalang mi hte ngut hkra nawng kau nu ai.

HEBRE 8:4

Shi gaw ga ntsa e nga ai rai yang, hkinjawng agyi gara hku mung tai na n rai; hpa majaw nga yang, Yuda tara hte maren kumhpaw kumhpa ni nawng jau ai hkinjawng ni nga chyalu rai sai.

HEBRE 9:14

Hkristu a sai gaw dai hta grau nna shachyoi shapra ya lu ai n rai ni? Hkristu gaw dai htani htana Wenyi hte tinang a hkum hpe ra n rawng ai hkungga hku nna Karai Kasang kaw nawng ya kau sai. Hkrung nga ai Karai Kasang hpe anhte nawku daw jau lu hkra Hkristu a asai gaw anhte a myit masin hpe akyu n rawng ai nawku htung lai chyasi ni hta hkan nang ai kaw na shachyoi shapra la na ra ai.