HEBRE 7:4 - Jinghpaw Common Language Bible 2009

⁴ Anhte a dan hkung ai kaji kawa Abraham gaw majan pa kaw na shi lu wa ai lanep yawng a htam shi hta na htam mi Melhkizedek hpe sak jaw ai rai yang, shing rai sak jaw ai hpe hkam la ai wa gaw gade kaba ai wa rai na gaw nanhte myit sawn yu mu.

Jinghpaw Hanson Version Bible

⁴ Wa daju Abraham e, reng htum ai lanep hta na, htamshi hta htammi karan sak ya ai wa gaw, gade galu kaba nga ai hpe, myit sumru yu mu.

HEBRE 7:4 ပူးပေါင်းရင်းမြစ်များ

NINGPAWT NINGHPANG 12:2

Ngai nang hpe law law mayat maya shangun nna amyu kaba shatai na nngai. Ngai nang hpe shaman ya nna na a mying hpe gumhkawng shangun na nngai; shing rai nang gaw chyeju daju tai na rin dai.

NINGPAWT NINGHPANG 14:20

Na a gumlau hpyen ni a ntsa e, nang hpe awng padang jaw ya ai dai Tsaw Htum ai Karai Kasang gaw a nga u ga law!,” nga nna tsun ai. Abram mung shi lu la sai arai mahkra a htam shi hta na htam mi hpe Melhkizedek a lata hta jaw ya wu ai.

KASA 2:29

“Hpu nau ni e, anhte a kaji daju rai nna kajai gumhkawng ai Dawi a lam hpe ngai asan sha tsun dan na n ngai. Shi gaw si wa ai hte lup makoi hkrum sai rai nna shi a lup gaw dai ni du hkra anhte hte rau nga nga ai.

YAKU 2:23

“Abraham gaw Karai Kasang hpe kam sham wu ai rai nna shi a makam masham a majaw shi hpe ding hpring ai wa ngu nna hkap la wu ai,” nga nna Chyum Laika hta tsun ai ga gaw dik tup wa sai. Dai rai nna Abraham gaw Karai Kasang a jinghku wa ngu ai hpe hkam la wu ai.