HEBRE 7:3 - Jinghpaw Common Language Bible 2009

³ Melhkizedek a kanu kawa kaji kawoi ru sai labau hpe mung shi shangai wa ai hte si mat wa ai labau hpe mung n mu lu ai majaw, shi gaw Karai Kasang a Kasha hte bung nna, dinggrin anga nga ai hkinjawng wa rai nga ai.

Jinghpaw Hanson Version Bible

³ shi gaw kawa n nga, kanu n nga, ahtik labau ngu ai n nga, nhtoi ladaw nhpang mung, asak aprat htum ai mung n ngu lu ai majaw, Karai Kasang a Kasha hte bung hkra tai wa ai rai nna, dinggrin anga nga ai hkinjawng rai nga ai.

HEBRE 7:3 ပူးပေါင်းရင်းမြစ်များ

PRU MAT 6:18

Kohat gaw shadang sha mali lu nga ai; dai ni gaw Amram, Izhara, Hebron hte Uziela hte rai ma ai. Kohat gaw asak 133 ning du hkra hkrung nga lu wu ai.

BU HKAWM 1:18

shawa hpung ting hpe shata lahkawng ngu na langai ya shani hta shaga zup hpawng nhtawm amyu masha ni yawng hpe amyu lakung hte dinghku hku hkan nna jahpan hta da ma ai. Asak hkun ning hte hkun ning a lahta de na lasha ni yawng a mying ni hpe,

MAHTE 4:3

Shaloi, dai gunglau ai Nat shi kaw du nna, “Nang Karai Kasang a Kasha rai n-yang gaw, ndai nlung ni hpe muk tai mu ga, tsun u!,” ngu wu ai.

HEBRE 4:14

Dai rai nna anhte yin la kam sham nga ai nawku htung makam masham hta maju jung nga ga, hpa majaw nga yang, Karai Kasang a man de hkrang shang wa sai Karai Kasang a Kasha Yesu ngu ai Hkinjawng Agyi Kaba langai mi hpe anhte lu nga ga ai.

HEBRE 7:1

Ndai Melhkizedek gaw, Salem Mare a hkawhkam hte Tsaw Htum ai Karai Kasang a hkinjawng wa shi rai nga ai. Hkawhkam mali hpe gasat dang kau nna Abraham bai du wa yang, Melhkizedek gaw shi hpe hkap tau la nna shaman ya wu ai.

HEBRE 7:17

Hpa majaw nga yang, Chyum Laika hta, “Nang gaw Melhkizedek a hkringhtawng hta matut nna htani htana hkinjawng langai mi tai na rin dai,” nga nna tsun nga ai.

HEBRE 7:2

Abraham mung shi la wa ai lanep yawng hta na htam shi na htam mi Melhkizedek hpe jaw wu ai. (Melhkizedek ngu ai mying a shawng na lachyum gaw, Ding Hpring ai a Hkawhkam rai nna, Salem hkawhkam ngu ai lachyum gaw Ngwi Pyaw ai a Hkawhkam ngu ai rai nga ai.)

HEBRE 7:6

Melhkizedek gaw Lewi amyu hta na n rai ti mung Abraham kaw na htam shi hta na htam mi hkam la nna Karai Kasang kaw na ga ndat lu la tawn ai Abraham hpe shaman ya wu ai.